ງານບຸນຊ້າງ 2021 ນີ້ ອາດຈະໄດ້ຈັດງານໃຫ້ພໍເປັນພິທີຕາມຮີດຄອງປະເພນີ ຍ້ອນການລະບາດຂອງໂຄວິດ-19.
ໜັງສືພິວຽງຈັນທາມ ລາຍງານວ່າ ຍ້ອນການແຜ່ລະບາດຂອງພະຍາດໂຄວິດ-19 ຢູ່ບັນດາປະເທດທີ່ມີຊາຍແດນຕິດກັບ ສປປ ລາວຍັງມີການແຜ່ລະບາດເປັນວົງກວ້າງ ເຊິ່ງບາງປະເທດພະຍາດດັ່ງກ່າວໄດ້ກັບມາແຜ່ລະບາດເປັນຮອບໃໝ່ ໂດຍລັດຖະບານໄດ້ມີການສັ່ງໂຈະການຈັດງານຕ່າງໆໃນໄລຍະນີ້ເພື່ອປ້ອງກັນພະຍາດດັ່ງກ່າວ ເຊິ່ງອາດ ຈະລວມທັງງານບຸນຊ້າງປະຈໍາປີ 2021 ຢູ່ແຂວງໄຊຍະບູລີ ເຖິງແມ່ນວ່າການນໍາແຂວງໄຊຍະບູລີຈະໄດ້ກໍານົດມື້ຈັດງານບຸນຊ້າງດັ່ງກ່າວໄວ້ແລ້ວກໍ່ຕາມ.
ທ່ານ ເພັດພິໄຊ ສູນວິໄລ ຮອງເຈົ້າແຂວງ ໄຊຍະບູລີໄດ້ກ່າວເມື່ອບໍ່ດົນມານີ້ກ່ຽວກັບການຈັດງານບຸນຊ້າງປະຈໍາປີ 2021 ຢູ່ແຂວງໄຊຍະບູລີວ່າ: ການຈັດງານບຸນຊ້າງປີ 2021 ນີ້ ຈະບໍ່ຈັດໃຫ່ຍຄືທຸກໆປີທີ່ຜ່ານມາ ຍ້ອນປະຕິບັດຕາມການແຈ້ງການຂອງຄະນະສະເພາະກິດຄວບຄຸມ, ປ້ອງກັນ ແລະ ແກ້ໄຂການແຜ່ລະບາດຂອງພະຍາດໂຄວິດ-19, ຈະຈັດງານໃຫ້ພໍເປັນພິທີຕາມຮີດຄອງປະເພນີ ທີ່ເຄີຍປະຕິ ບັດກັນມາ ເຊິ່ງງານດັ່ງກ່າວຈະມີພຽງວັນດຽວ ໂດຍໄດ້ກໍານົດເອົາວັນທີ 13 ກຸມພາ 2021 ເປັນມື້ຈັດ ງານບຸນ, ສ່ວນວ່າຈະໄດ້ຈັດງານບຸນຕາມກຳນົດການ ຫຼື ບໍ່ນັ້ນແມ່ນຂັ້ນເທິງຈະເປັນຜູ້ຕັດສິນວ່າຈະອະນຸຍາດໃຫ້ຈັດ ຫຼື ບໍ່.
ຮຽບຮຽງຂ່າວ: ພຸດສະດີ