ສຳນັກຂ່າວ CNN ລາຍງານວ່າ ທະວີບແອນຕາກຕິກາ ທະວີບທາງທິດໃຕ້ສຸດຂອງໂລກມີລາຍງານການຕິດເຊື້ອໂຣກໂຄວິດ-19 ຄັ້ງທຳອິດ ຫຼັງມີຜູ້ຕິດເຊື້ອທັງໝົດ 36 ຄົນໃນສະຖາບັນວິໄຈ ໂດຍແອນຕາກຕິກາກາຍເປັນທະວີບສຸດທ້າຍຂອງໂລກທີ່ມີລາຍງານການຕິດເຊື້ອ.

ສະຖາບັນວິໄຈເບີນາໂດ ໂອ ຮິກກິນສ໌ ເຊິ່ງເປັນສະຖາບັນວິໄຈທີ່ປະເທດຊີລີ ທີ່ຕັ້ງຢູ່ໃນທະວີບແອນຕາກຕິກາ ລາຍງານຜູ້ຕິດເຊື້ອໂຄວິດ-19 ໃນສະຖາບັນ ເຊິ່ງປະກອບດ້ວຍທະຫານ 26 ຄົນແລະພະນັກງານພົນລະເຮືອນ 10 ຄົນ. ຈຳນວນທັງໝົດ 208 ຄົນຢູ່ເທິງ ກຳປັ່ນລຳລຽງລຳໜຶ່ງທີ່ທ່າເຮືອ Antarctica ໃນວັນທີ 27 ພະຈິກປີ 2020 ແລະ ກັບຄືນສູ່ຝັ່ງໃນວັນທີ 10 ທັນວາ.

ທະຫານຊີລີໄດ້ອອກຖະແຫຼງການສະບັບໜຶ່ງ ໂດຍກ່າວວ່າປະຊາຊົນ 36 ຄົນໄດ້ຖືກຍົກຍ້າຍໜີໄປຢູ່ແຜ່ນດິນໃຫຍ່ ພວກເຂົາທັງໝົດ ແມ່ນຢູ່ໃນຂັ້ນຕອນການກັກກັນແລະປິ່ນປົວ ສຳລັບໂຄວິດ-19.

ຮຽບຮຽງຂ່າວ: ພຸດສະດີ