ເກົາຫລີໃຕ້ ຕອກຢ້ຳຄວາມເປັນຜູ້ນຳດ້ານອິນເຕີເນັດຄວາມໄວສູງຂອງໂລກ ປະກາດໃຊ້ບໍລິການບຣອດແບນດ໌
ອິນເຕີເນັດຄວາມໄວ 10 Gbps ມື້ວານນີ້ (20 ຕຸລາ).
ແຫລ່ງຂ່າວຂອງຕ່າງປະເທດລາຍງານວ່າ ສາທາລະນະລັດເກົາຫລີ ໄດ້ຄອງຄວາມເປັນຜູ້ນຳທາງດ້ານອິນເຕີເນັດ
ຄວາມໄວສູງຂອງໂລກ ໂດຍບໍລິສັດ SK Broadband ໄດ້ປະກາດເປີດໃຫ້ທົດລອງໃຊ້ບໍລິການບຣອດແບນດ໌ ອິນເຕີ
ເນັດຄວາມໄວສູງເຖິງ 10 Gbps (Gigabits per second) ໃນງານ ITU Plenipotentiary Conference 2014 (PP-
14) ທີ່ເມືອງປູຊານ ໃນວັນຈັນທີ 20 ຕຸລາ 2014 ທີ່ຜ່ານມານີ້.
ບາງຄົນອາດຈະມີຄວາມສົງໄສວ່າ ອິນເຕີເນັດຄວາມໄວ 10 Gbps ມັນຈະມີຄວາມໄວຫລາຍປານໃດ ເມື່ອປຽບທຽບ
ແບບງ່າຍໆກໍຄື ຖ້າຫາກເຮົາສົ່ງຂໍ້ມູນຂະໜາດ 1 GB ຈະສາມາດເຮັດໄດ້ສຳເລັດພາຍໃນເວລາພຽງ 0.8 ວິນາທີ ຫລື
ພຽງອຶດໃຈດຽວ ບໍ່ເຖິງວິນາທີຊ້ຳ!
ຈາກຜົນຂອງການສຳຫລວດ ກ່ຽວກັບຄວາມໄວອິນເຕີເນັດໃນທົ່ວໂລກຂອງ Akamai ໃນໄຕມາດທີ 2 ຂອງປີນີ້
ພົບວ່າ ເກົາຫລີໃຕ້ເປັນປະເທດທີ່ມີຄວາມໄວທາງອິນເຕີເນັດໂດຍສະເລ່ຍ ສູງທີ່ສຸດຢູ່ໃນໂລກ ທີ່ 24.6 Mbps ເຊິ່ງ
ເມື່ອປຽບທຽບກັບຄວາມໄວອິນເຕີເນັດລະດັບ 10 Gbps ທີ່ທາງ SK Broadband ໄດ້ປະກາດເປີດທົດທອງໃຊ້ນັ້ນ
ຈະມີຄວາມໄວກ່ວາເກົ່າເຖິງເກືອບ 407 ເທົ່າ! ສ່ວນອັນດັບທີ 2 ຮອງລົງມາຄື ຮົງກົງ ທີ່ມີຄວາມໄວ 15.7 Mbps
ໃນຂະນະທີ່ສະຫະລັດອາເມຣິກາເອງ ຢູ່ໃນອັນດັບທີ 14 ຄວາມໄວໂດຍສະເລ່ຍຢູ່ທີ່ 11.4 Mbps.
