ສຳນັກຂ່າວຕ່າງປະເທດ ລາຍງານ ໂດຍອ້າງໜັງສືພິມຂະເໝນ ທາມ ຂອງກຳປູເຈຍລາຍງານວ່າ ກຳປູເຈຍໄດ້ອອກຄຳສັ່ງຫ້າມປະຊາຊົນທີ່ອາໄສຢູ່ໃນຊົນນະບົດຈູດເຝືອງເຂົ້າ ແລະ ຂີ້ເຫຍື້ອຢູ່ໄຮ່ນາ ເພື່ອຫຼຸດບັນຫາມົນລະພິດທາງອາກາດ.
ທ່ານ ເນດ ພັກຕຣາ ໂຄສົກກະຊວງສິ່ງແວດລ້ອມ ກຳປູເຈຍໄດ້ອ້າງອີງຂໍ້ມູນຈາກການສຳຫຼວດ ແຫຼ່ງຕົ້ນຕໍ ແລະ ກິດຈະກຳ ທີ່ເພີ່ມຄວາມເຂັ້ມຂຸ້ນຂອງອະນຸພາກແມ່ນການປ່ອຍອາຍພິດອຸດສາຫະກຳ ຍານພາຫະນະທີ່ແລ່ນດ້ວຍນໍ້າມັນກາຊວນ ແລະ ເຊື້ອໄຟອື່ນໆ, ໄຟປ່າ ການຈູດຫຍ້າ ການຈູດຂີ້ເຫຍື້ອ ການຖາງປ່າ ການຈູດເຟືອງເຂົ້າ ການຈູດຂີ້ເຫຍື້ອ ແລະ ການຂຸດຫຼຸມຝັງ ແລະ ຝຸ່ນຈາກສະຖານທີ່ກໍ່ສ້າງ.
ທ່ານ ເນດ ພັກຕຣາ ໄດ້ກ່າວວ່າ ຜົນຂອງການສຳຫຼວດແຕ່ເດືອນທັນວາ 2019 – ເມສາ 2020 ເຊິ່ງເປັນລະດູແລ້ງ. ເປີດເຜີຍວ່າພະນົມເປັນ ແລະ ແຂວງອື່ນໆ ຄຸນນະພາບຂອງອາກາດໄດ້ຊຸດໂຊມລົງຢ່າງໜ້າ ວິຕົກກັງວົນ. ຝຸ່ນທີ່ລອຍຢູ່ໃນອາກາດ (PMID ແລະ PM2.5) ມີຄວາມເຂັ້ມຂຸ້ນເພີ່ມຂື້ນສູງກວ່າມາດຕະຖານທີ່ລະບຸ ນີ້ສາມາດສ້າງຄວາມສ່ຽງສູງ ແລະ ສົ່ງຜົນກະທົບຕໍ່ສຸຂະພາບສາທາລະນະ. ເພື່ອປ້ອງກັນມົນລະພິດທາງອາກາດໃນປະເທດ. ດັ່ງນັ້ນກະຊວງຈຶ່ງ ກຳ ລັງຈັດຕັ້ງປະຕິບັດ 5 ມາດຕະການຄື: ການປ້ອງກັນໄຟໄໝ້ປ່າ. ການປັບປຸງພື້ນຖານໂຄງລ່າງເສັ້ນທາງ ການກຳຈັດຂີ້ຝຸ່ນທາງ ສຶກສາອົບຮົມໃຫ້ປະຊາຊົນຫຼີກລ້ຽງການຈູດສິ່ງເສດເຫຼືອ, ຫຍ້າ, ເຟືອງເຂົ້າຫຼືເສດເຫຼືອກະສິກຳອື່ນໆ ແລະ ກະກຽມມາດຕະການປ້ອງກັນໄຟໄໝ້ປ່າ
ຮຽບຮຽງຂ່າວ: ພຸດສະດີ