ອີງຕາມການລາຍງານ ຂອງເວັບໄຊ ກຸງເທບທຸລະກິດ ໃຫ້ຮູ້ວ່າ ກະຊວງການຕ່າງປະເທດກຽມຜ່ອນຄາຍມາດຕະການເພື່ອໃຫ້ຄົນຕ່າງປະເທດເຂົ້າປະເທດໄທໄດ້ຫຼາຍຂຶ້ນ.
ທ່ານ ທານີ ແສງຣັດ ຫົວໜ້າກົມຂ່າວສານ ແລະ ການຕ່າງປະເທດ ກ່າວອ້າງອີງນະໂຍບາຍຂອງທ່ານນາຍົກລັດຖະມົນຕີເພື່ອຊີ້ນຳກະຊວງການຕ່າງປະເທດເລັ່ງດຳເນີນການຜ່ອນຜັນມາດຕະການໃຫ້ຊາວຕ່າງຊາດເດີນທາງເຂົ້າປະເທດໄທເພີ່ມເຕີມ.
ໃນວັນທີ 7 ທັນວາ ທີ່ຜ່ານມາ ໂດຍຄະນະສະເພາະກິດໄດ້ມີການຮັບຮອງອະນຸຍາດໃຫ້ນັກທ່ອງທ່ຽວເຂົ້າປະເທດໄທໂດຍບໍ່ມີການກວດກາວີຊາໃນ 3 ກຸ່ມ:
- ກຸ່ມທີ່ອະນຸຍາດໃຫ້ພັກບໍ່ໃຫ້ກາຍ 30 ວັນ (P.30) ລວມມີ 56 ປະເທດ / ເຂດແຄວ້ນ.
- ກຸ່ມທີ່ມີຂໍ້ຕົກລົງລະຫວ່າງກັນ ພັກຜ່ອນເຖິງ 30 ວັນ ຄື: ຮ່ອງກົງ, ລາວ, ມາເກົ້າ, ມົງໂກລີ, ຣັດເຊຍແລະ ຫວຽດນາມ.
- ກຸ່ມທີ່ມີຂໍ້ຕົກລົງລະຫວ່າງກັນ ພັກຜ່ອນເຖິງ 90 ວັນ ຄື: ອາເຈນຕິນາ, ບາຊິນ, ຈີເລ ແລະ ເປຣູ
ໃນຂະນະດຽວກັນ, ເນື່ອງຈາກມາດຕະການກັກຕົວ 14 ວັນ ເຈົ້າໜ້າທີ່ໄທຍັງຕ້ອງສືບຕໍ່ໂຈະການອອກວີຊາໃນຮູບແບບການຍື່ນຂໍວີຊ່າ ຫຼື ວີຊາ VOA (ພັກເຊົາ 15 ວັນ) ຮອດວັນທີ 30 ທັນວາ 2020 ແລະ ຍັງບໍ່ອະນຸຍາດໃຫ້ກຳປູເຈຍ ແລະ ມຽນມາ ເຊິ່ງເປັນກຸ່ມປະເທດທີ່ມີຂໍ້ຕົກລົງລະຫວ່າງກັນເຂົ້າພັກໄດ້ບໍ່ເກີນ 14 ວັນ.
ເຖິງຢ່າງໃດກໍ່ຕາມ, ກອງປະຊຸມໄດ້ຮຽກຮ້ອງໃຫ້ກະຊວງພາຍໃນພິຈາລະນາອອກແຈ້ງການໃຫ້ສິດແກ່ກຸ່ມ P.30 ຂອງ 56 ປະເທດ / ເຂດແຄວ້ນ. ສາມາດຢູ່ໄດ້ເຖິງ 45 ວັນ (ຄືກັບ P. 45) ໂດຍໃຫ້ມີຜົນຊົ່ວຄາວ ນັບແຕ່ວັນປະກາດຈົນຮອດວັນທີ 30 ກັນຍາ 2021, ເຊິ່ງກະຊວງພາຍໃນໄດ້ພິຈາລະນາ ແລະຈະສະເໜີຄະນະລັດຖະບານຄັ້ງຕໍ່ໄປ.
ຮຽບຮຽງຂ່າວ: ພຸດສະດີ