“ Say Lao-Eng” ໂປຣແກມສຳລັບແປພາສາລາວເປັນພາສາອັງກິດ ແລະ ພາສາອັງກິດເປັນພາສາລາວໃນໂທລະສັບມືຖື ເປັນແອັບພລິເຄຊັ່ນສຽງໂຕທຳອິດຂອງລາວທີ່ໃຫ້ບໍລິການໃນ Google Play Store.
ໜັງສືພິມວຽງຈັນທາມ ລາຍງານວ່າ ກະຊວງວິທະຍາສາດ ແລະ ເທັກໂນໂລຢີຮ່ວມກັບສະຖາບັນເທັກໂນໂລຍີຄອມພິວເຕີ ແລະ ອິເລັກໂທຣນິກເປີດເຜີຍໂປຣແກຣມແປພາສາສຳລັບໂທລະສັບໃນມືຖືໃນວັນທີ 20 ພະຈິກທີ່ຜ່ານມາ.
“Say Lao-Eng” ສາມາດດາວໂຫຼດໄດ້ໂດຍໂດຍການສະແກນ QR ແລະ ສາມາດໃຊ້ງານກັບສະມາດໂຟນລະບົບ Android ເວີຊັ່ນ 4 ຂຶ້ນໄປ.
ກອງປະຊຸມເຜີຍແຜ່ຂໍ້ມູນໄດ້ຈັດຂຶ້ນທີ່ນະຄອນຫຼວງວຽງຈັນ ເຊິ່ງແອັບໄດ້ພັດທະນາໃຫ້ແປພາສາລາວເປັນພາສາອັງກິດ ແລະ ພາສາອັງກິດເປັນພາສາລາວ ໂດຍການໃຊ້ສຽງ ເຊິ່ງເປັນປະໂຫຍດສຳລັບນັກສຶກສາ, ນັກທ່ອງທ່ຽວ ແລະ ຄົນທົ່ວໄປ.
ສຳລັບການພັດທະນາລະບົບການແປພາສາ ຫຼາຍກວ່າ 4,000 ຄຳ ມາຮດປັດຈຸບັນ, ແປໄດ້ 33 ພາສາ, ລວມເຖິງ ພາສາທີ່ກ່ຽວຂ້ອງກັບທີ່ຕັ້ງ, ສະໜາມບິນ, ເຮືອບິນ, ແທັກຊີ, ອິນເຕີເນັດ, ການສື່ສານ,ຜູ້ຢູ່ອາໄສ, ລົດເມ,ພາຫະນະ,ໂທລະຄົມມະນາຄົມ, ການເງິນ, ການທະນາຄານ, ຕ້ອນຮັບ ແລະ ອຳລາ. ແລະ ຄຳອື່ນໆທີ່ແປແລ້ວເພື່ອປະໂຫຍດຕໍ່ຄົນພິການ, ຜູ້ເດີນທາງກັບເດັກນ້ອຍ ຫຼື ເດີນທາງໄປເຮັດທຸລະກິດ.
ການແປແມ່ນກ່ຽວຂ້ອງກັບການຮັກສາສຸຂະພາບ, ຕຳຫຼວດ, ເຫດສຸກເສີນ, ຄວາມຮັກ,ຄວາມໂສກເສົ້າ, ດິນຟ້າອາກາດ, ວຽກເຮັດງານທຳ, ການສຶກສາ, ການທ່ອງທ່ຽວ, ຄວາມມັກ, ຄວາມຫຍຸ້ງຍາກໃນການສື່ສານ, ການສົນທະນາ, ວັດທະນະທຳ, ການຄ້າ, ການຂາຍເຄື່ອງ ແລະ ການກິນອາຫານ.
ການນຳໃຊ້ແອັບແປສຽງໂດຍໃຊ້ໂທລະສັບມືຖືແມ່ນສ່ວນໜຶ່ງຂອງ ສປປ ລາວ ໃນການຕອນສະໜອງທີ່ທັນສະໄໝ, ສະດວກ ແລະ ວ່ອງໄວໃນຂົງເຂດວິທະຍາສາດ ແລະ ເຕັກໂນໂລຢີທີ່ມີຈຸດປະສົງເພື່ອຮັບໃຊ້ປະຊາຊົນໃຫ້ທັນສະໄໝ.
ຮຽບຮຽງຂ່າວ: ພຸດສະດີ