ຕາມຂ່າວ ລອນດອນ ຂອງອັງກິດ, ວັນທີ 23 ພະຈິກ 2020 ໃຫ້ຮູ້ວ່າ ອົງການທຶນເພື່ອເດັກນ້ອຍແຫ່ງສະຫະປະຊາຊາດ ຫຼື ຢູນິເຊຟ (UNICEF) ຈະຈັດສົ່ງວັກຊິນປ້ອງກັນພະຍາດໂຄດ-19 ເກືອບ 2.000 ລ້ານໂດສ ໃຫ້ແກ່ກຸ່ມປະເທດພວມພັດທະນາໃນປີໜ້າ.
ຢູນິເຊຟ ລະບຸວ່າ ອົງການນີ້ ພວມປະສານງານ ກັບ ສາຍການບິນ ແລະ ບໍລິສັດ ຂົນສົ່ງ ສິນຄ້າຫຼາຍກວ່າ 350 ແຫ່ງ ເພື່ອຈັດສົ່ງ ວັກຊິນ ດັ່ງກ່າວ ແລະ ຫລອດສັກຢາ 1.000 ລ້ານຫຼອດ ໃຫ້ແກ່ ກຸ່ມປະເທດ ທີ່ທຸກຍາກ ເຊັ່ນ: ບຸຣຸນດີ, ອາຟະການິດສະຖານ ແລະ ເຢເມນ, ເຊິ່ງເປັນ ສ່ວນໜຶ່ງ ຂອງ ໂຄງ ການ ໂຄແວກ(COVAX) ທີ່ເປັນແຜນງານ ຈັດສັນວັກຊິນປ້ອງກັນ ພະຍາດໂຄວິດ-19 ຮ່ວມກັບ ອົງ ການອະນາໄມໂລກ.
ຜູ້ອຳນວຍການ ຝ່າຍ ຈັດຫາ ຢູນິເຊຟ ລະບຸວ່າ: ການຮ່ວມມື ທີ່ເກີດຂື້ນ ຈະດຳເນີນຕໍ່ໄປ ຈົນເຖິງ ຢູນິເຊຟໝັ້ນໃຈວ່າມີຂິດຄວາມສາມາດທີ່ພຽງພໍໃນການຈັດສົ່ງ ວັກຊິນ ຄັ້ງສຳຄັນ ທີ່ສຸດ ໃນປະຫວັດສາດ ແລະ ອົງການ ຕ້ອງອາໄສ ຄວາມຮ່ວມມື ຈາກທຸກຝ່າຍ ໃນການຈັດສົ່ງ ວັກຊິນ ປ້ອງກັນ ແລະ ຫລອດສັກຢາ ແລະ ອຸປະກອນ ປ້ອງກັນສ່ວນບຸກຄົນ ເພື່ອປ້ອງກັນ ເຈົ້າໜ້າທີ່ປະຕິບັດງານໃນແນວໜ້າທົ່ວ ໂລກ.
ຮຽບຮຽງຂ່າວ: ພຸດສະດີ