- ເຮົາຄວນຕັ້ງເປົ້າໝາຍບໍ່ສູງເກີນໄປແລະ ຕັ້ງຕາມຄວາມເປັນຈິງເພາະເຊື່ອວ່າ ສາວໆທັງຫລາຍ ຢາກທີ່ຈະຫລຸດ ຫລື ໄດ້ຮູບຮ່າງທີ່ຕ້ອງການແບບປະຈຸບັນແບບດ່ວນໆ ລອງປ່ຽນມາຕັ້ງເປົ້າໝາຍວ່າ ໃນໜຶ່ງອາທິດຂ້ອຍຈະອອກກຳລັງກາຍຈັກ 3 ມື້ ແນ່ນອນຫາກເຈົ້າເຮັດໄດ້ຫລາຍກວ່າທີ່ຕັ້ງເປົ້າໝາຍໄວ້ ຈະເຮັດໃຫ້ຮູ້ສຶກໄດ້ວ່າ ຂ້ອຍກໍເຮັດໄດ້ດີກາຍຕັ້ງໃຈໄວ້
- ສ້າງແຮງຈູງໃຈແນ່ນອນວ່າ ອອກກຳລັງກາຍຄົນດຽວມັນເຫງົາ ແຖມເບື່ອງ່າຍອີກຕ່າງຫາກ ລອງຊັກຊວນ ຫລື ໂພດລົງເຟດບຸກ ທະວິດເຕີ ຊວນໝູ່ປະມານ 2-3 ຄົນ ມາອອກກຳລັງກາຍນຳກັນ ມັນເຮັດໃຫ້ເຮົາມີແຮງຈູງໃຈຫລາຍຂຶ້ນ
- ເລືອກການອອກກຳລັງກາຍທີ່ເປັນແບບຂອງຕົນເອງສຳຫລັບການອອກກຳລັງກາຍ ແບບທີ່ເຮົາຮູ້ກັນວ່າ ມີຫລາກຫລາຍແບບ ຕົວຢ່າງ ລອຍນໍ້າ ໂຢຄະ ຟິດເນດ ແອໂລບິກແດນ ຫລື ຕີມວຍ ຖ້າເຮົາເລືອກການອອກກຳລັງກາຍທີ່ແມ່ນສຳຫລັບເຮົາ ນັ້ນຈະຍິ່ງກະຕຸ້ນໃຫ້ເຮົາຮູ້ສຶກມ່ວນ ແລະ ຢາກທີ່ຈະອອກກຳລັງກາຍຈົນກາຍເປັນຄວາມເລິ້ງເຄີຍເລີຍກໍວ່າໄດ້
- ລອງຫາຜູ້ຊ່ວຍເວລາທີ່ເຮົາອອກກຳລັງກາຍ ຫລື ຄິດທີ່ຈະອອກກຳລັງກາຍ ແຕ່ບາງເທື່ອບໍ່ຮູ້ຈະເລີ່ມຈາກບ່ອນໃດ ຍິ່ງຖ້າໄປຄົນດຽວແລ້ວ ອາດຈະລົ້ມເລີກຄວາມຕັ້ງໃຈກໍເປັນໄດ້ ດຽວນີ້ ມີເຊນເນີ ຫລື ຜູ້ທີ່ໃຫ້ຄຳປຶກສາເລື່ອງອອກກຳລັງກາຍຢູ່ຫລາຍ ເຮົາລອງເຂົ້າເວັບໄຊກຸ່ມຄົນຮັກອອກການອອກກຳລັງກາຍ ຫລື ຫາໝູ່ໆໃນສັງຄົມອອນລາຍທີ່ມັກ ແລະ ອອກກຳລັງກາຍຢູ່ແລ້ວໃນແບບທີ່ເຮົາສົນໃຈ ເປັນທີ່ປຶກສາໃຫ້ຄຳແນະນຳກັບເຈົ້າກະໄດ້
- ປັບປ່ຽນການອອກກຳລັງກາຍໃຫ້ມີການປະສົມປະສານຫລາຍເທື່ອທີ່ເຮົາອອກກຳລັງກາຍ ຈະເລີ່ມຮູ້ສຶກເໜື່ອຍໆ ແລະ ທໍ້ ຫລື ຢາກລອງເຮັດຢ່າງອື່ນເພີ່ມເຕີມເພື່ອໃຫ້ມີສີສັນ ແລະ ຄວາມແປກໃໝ່ໃນການອອກກຳລັງກາຍ ບໍ່ຜິດົກຮັບສຳລັບຄວາມຄິດນີ້ ເຈົ້າລອງຫາກິດຈະກຳອື່ນໆ ທີ່ຊື່ມັກມາຮ່ວມກໍໄດ້ເຊັ່ນກັນ
- ຈົດບັນທຶກຄວາມປ່ຽນແປງຂໍ້ນີ້ສຳຄັນເລຍ ເຮົາຈະບໍ່ເຊື່ອເລີຍວ່າ ຫລັງຈາກທີ່ເຮົາອອກກຳລັງກາຍ ເຮົາຈະໄດ້ຮູບຮ່າງທີ່ສົມສ່ວນ ເບິ່ງກະຊັບ ຮູ້ສຶກສົດຊື່ນຂຶ້ນມາ ທັງຜິວພັນ ແລະ ໜ້າຕາ ນອກຈາກການຈົດບັນທຶກແລ້ວ ລອງຖ່າຍຮູບເຮົາໜ້າແວ່ນໄວ້ທຸກມຸມທີ່ເຈົ້າຕ້ອງການ ແລ້ວລອງມາເບິ່ງກັນວ່າ ພາຍໃນ 1 ອາທິດ ເຮົາປ່ຽນແປງໄປແບບໃດແນ່ ເຮັດໃຫ້ເຮົາຮູ້ສຶກຄຸ້ມຄ່າ ກັບ ການອອກກຳລັງກາຍ ແລະ ບໍ່ເບື່ອໜ່າຍອີກຕໍ່ໄປ