ອັນທີ່ຈິງໃນໂລກນີ້ມີປະເທດມະຫາອຳນາດທາງເສດຖະກິດ ໄດ້ພັດທະນາການໃຊ້ນ້ຳມັນເຊື້ອໄຟຈາກນ້ຳສຳເລັດຜົນ
ມາແລ້ວ ໂດຍແຍກ H2 ຈາກ H2Oມາໃສ່ໝໍ້ໄຟ ເພື່ອຂັບເຄື່ອນເຄື່ອງຈັກແທນນ້ຳມັນ… ແຕ່ມັນບໍ່ໂດດເດັ່ນບໍ່ກ້າວ
ໄປໄວຍ້ອນຫຍັງ?
ຍ້ອນວ່າພະລັງງານນີ້ມັນຈະລົ້ມເສດຖີນ້ຳມັນ ລົ້ມລະບົບເສດຖະກິດອາເມຣິກາ ທີ່ເອົາຄ່າຂອງເງິນໂດລາຜູກຂາດກັບ
ລາຄານ້ຳມັນ… ບໍ່ທໍ່ນັ້ນ ການໃຊ້ພະລັງງານອື່ນແທນນ້ຳມັນຍັງມີຜົນຕໍ່ການຈັດລະບຽບໂລກ ເພາະຄ່າເງິນໂດລາສະ
ຫະລັດ (Petrodollar) ຜູກພັນຢູ່ກັບລະບົບອຸດສາຫະກຳນ້ຳມັນໂລກ ເຊິ່ງມີສະຫະລັດ+ຊາອຸດິອາລາເບຍ+ກຸ່ມ APEC
ແລະ ກຸ່ມບໍລິສັດນ້ຳມັນ Seven Sisters ທີ່ຄອບງຳລະບົບພະລັງງານໂລກນັ້ນ ພວກເຂົາກຳນົດໃຫ້ນ້ຳມັນເປັນເຄື່ອງມື
ຄ້ຳປະກັນຄ່າເງິນໂດລາ ເຮັດໃຫ້ເງິນໂດລາ ທີ່ເມື່ອກ່ອນຄ້ຳປະກັນດ້ວຍລາຄາຄຳ ຖືກຍົກເລີກໃນສະໄໝປະທານາທິບໍດີ
ນິກສັນ ຂອງອາເມຣິກາ (1971) ເອີ້ນວ່າ: ຍົກເລີກລະບົບມາດຕະຖານຄຳ (Gold Exchange Standard) ໂດຍອາເມຣິ
ກາ ຮ່ວມກັບຊາອຸດິອາລາເບຍ ອອກຂໍ້ຕົກລົງລາຄາຊື້ຂາຍນ້ຳມັນຕ້ອງເປັນເງິນໂດລາທໍ່ນັ້ນ ເຊິ່ງໃນເວລານັ້ນບໍລິສັດ
ນ້ຳມັນຍັກໃຫຍ່ໃນໂລກກໍ່ມີແຕ່ 7 ບໍລິສັດ ເຊິ່ງເອີ້ນ Seven Sisters ເຊັ່ນ: SHELL ESSON B.P Standard oil Chevr
-on UNOCAR… ທີ່ຄວບຄຸມພະລັງງານນ້ຳມັນ 85% ຂອງຕະຫຼາດໂລກ ໝາຍຄວາມວ່າໃຜຢາກໄດ້ນ້ຳມັນກໍ່ຕ້ອງມີ
ເງິນໂດລາໃນກຳມື ຈາກຄຳຄ້ຳປະກັນເງິນໂດລາກໍ່ກາຍເປັນຄຳດຳ (ນ້ຳມັນ) ໜູນຫຼັງ.
ລະບົບນີ້ເຮົາໃຫ້ອາເມຣິກາຄອງຄວາມມັ່ງຄັ່ງເປັນເສດຖີໂລກຢູ່ຫຼາຍສິບປີ ແລະ ມີສິດຊີ້ຕີນຊີ້ມືໄປຈັດການທຸກບັນ
ຫາໃນໂລກ ຈົນວ່າມາເຖິງປາຍສະໄໝ ຈອດ ດັບເບິນຢູ ບຸສ ເກີດວິກິດໜີ້ສິນເກີນເພດານລາມປາມມາເຖິງສະໄໝ
ໂອບາມາ ພີ້ ບັນດາປະເທດທີ່ມີເງິນໂດລາໃນກຳມືຫຼາຍໄປຊື້ພັນທະບັດ ລັດຖະບານອາເມຣິກາ ຈິ່ງເລີ່ມກັງວົນ ເພາະ
ອາເມຣິກາບໍ່ມີເງິນໄປໃຊ້ໜີ້ ເກີດບັນຫາ Government shutdown ຈິ່ງຮູ້ທາດແທ້ຂອງເຈົ້າພໍ່ທຶນນິຍົມ.
ເວົ້າກວ້າງໄປເພື່ອຢາກໃຫ້ຜູ້ອ່ານເຂົ້າໃຈວ່າ ເປັນຫຍັງການພັດທະນາພະລັງງານຈາກນ້ຳຈິ່ງບໍ່ໄປບໍ່ມາ… ມັນແມ່ນ
ຍ້ອນການຂັດຜົນປະໂຫຍດຂອງເສດຖີນ້ຳມັນນັ້ນເອງ ແຕ່ກໍ່ບໍ່ໝາຍຄວາມວ່າ ຄວາມຫວັງຂອງມະນຸດຈະໝົດສິ້ນ
ໄປ ຍັງມີການຊຸກຍູ້ໃຫ້ມີການພັດທະນາພະລັງງານນີ້ຕໍ່ໄປ ຫຼ້າສຸດແຫຼ່ງຂ່າວຕ່າງປະເທດ (ໜັງສືພິມ ASTV) ຜູ້ຈັດ
ການຂອງໄທ ວັນທີ 23 ກັນຍາ 2014) ອີງຕາມແຫຼ່ງຂ່າວຈາກສຳນັກງານ Reuters ໃຫ້ຮູ້ວ່າ: ຈອນດີ ຣັອກກີ້ ເຟລເລີ
ມະຫາເສດຖີຂອງກິດຈະການນ້ຳມັນ Standard oil ແລະ ອົງການກຸສົນ ຕະຫຼອດຈົນຜູ້ຄອບຄອງຊັບສິນໄດ້ອອກມາ
ໃຫ້ຄຳໝັ້ນສັນຍາຕໍ່ກອງ ປະຊຸມ ສປຊ ວ່າດ້ວຍການປ່ຽນແປງສະພາບອາກາດໂລກວ່າ ເຂົາຈະຖອນທຶນຈາກທຸລະ
ກິດນ້ຳມັນເຊື້ອໄຟຟອສຊິດ ທັງໝົດມູນຄ່າ 50 ພັນລ້ານໂດລາ ໃນໄລຍະເວລາ 5 ປີ ມາທຸ້ມເທໃສ່ການພັດທະນາພະ
ລັງງານສະອາດຈາກນ້ຳ ຈາກແຫຼ່ງຂ່າວດັ່ງກ່າວ ມັນກາຍເປັນຄວາມຫວັງໃໝ່ໃຫ້ແກ່ຊາວໂລກຂຶ້ນມາທັນທີ ເພາະມີ
ທາງເລືອກອີກຊ່ອງທາງໃໝ່ ບໍ່ແມ່ນຈະຂຶ້ນກັບພະລັງງານຈາກນ້ຳມັນແບບຜູກຂາດຢ່າງດຽວ ເວລານັ້ນບັນດາປະ
ເທດເສດຖີນ້ຳມັນທັງຫຼາຍຄົງຕ້ອງປັບປຸງທ່າ ທີ່ຂອງຕົນໃໝ່ໃນເວທີໂລກ ເປັນຕົ້ນແມ່ນການຈັດລະບຽບໂລກໃໝ່.
ແຫຼ່ງຂ່າວຈາກຕ່າງປະເທດເນັ້ນວ່າ: ບັນຫານີ້ອາເມຣິກາ ແລະ ພັກພວກບໍ່ຢາກໃຫ້ເກີດ ແລະ ຢ້ານກົວເປັນທີ່ສຸດ
ເພາະດຽວນີ້ ບັນດາກຸ່ມປະເທດເສດຖະກິດເກີດໃໝ່ ເຊັ່ນ: S.C.O BRIC EEU ກໍ່ເປັນຄູ່ແຂ່ງທີ່ເປັນຕາຢ້ານຢູ່ແລ້ວ !
ພວກເຮົາເຈົ້າຂ້ອຍກໍ່ຕ້ອງໄດ້ຕິດຕາມເບິ່ງນຳກັນນໍ?
ບົດຄວາມໂດຍ: ທິດດີ (ຄໍລຳນານາສາລະ http://vientianemai.net/teen/khao/2/12903)