spot_img
Homeຂ່າວຕ່າງປະເທດນາຊາເລືອກໂນເກຍໃຫ້ສ້າງເຄືອຂ່າຍມືຖືເທິງດວງຈັນ

ນາຊາເລືອກໂນເກຍໃຫ້ສ້າງເຄືອຂ່າຍມືຖືເທິງດວງຈັນ

Published on

ບໍລິສັດ ໂທລະຄົມມະນາຄົມໂນເກຍ ແຫ່ງຟິນແລນ ໄດ້ຮັບເລືອກຈາກອົງການນາຊາຂອງອາເມລິກາ ໃຫ້ສ້າງເຄືອຂ່າຍໂທລະສັບເຄື່ອນທີ່ໃນອາວະກາດເປັນຄັ້ງທຳອິດເທິງດວງຈັນ.

ເວັບໄຊຂ່າວ dailynews ລາຍງານເມື່ອວັນທີ 19 ຕຸລາ 2020 ວ່າ ການສ້າງເຄືອຂ່າຍມືຖືເທິງດວງຈັນ ເປັນສ່ວນໜຶ່ງຂອງຄວາມພະຍາຍາມຂອງອົງການບໍລິຫານການບິນ ແລະ ອາວະກາດແຫ່ງຊາດອາເມລິກາ (ນາຊາ).

ຄຳຖະແຫຼງການຂອງບໍລິສັດໂນເກຍໄດ້ກ່າວວ່າ ລະບົບການສື່ສານຄວາມຖີ່ແບບໄຮ້ສາຍຄັ້ງທຳອິດໃນອາວະກາດ ມັນຈະຖືກສ້າງຂຶ້ນໃນພື້ນຜິວດວງຈັນໃນທ້າຍປີ 2022 ກ່ອນທີ່ມະນຸດຈະກັບໄປຄືນດວງຈັນ.

ໂນເກຍຈະຈັບມືເປັນຫຸ້ນສ່ວນກັບບໍລິສັດອອກແບບຍານອາວະກາດເອກະຊົນໃນອາເມລິກາ ທີ່ມີຊື່ວ່າ “ອິນທູອິທິຟຊີນ” ແຫ່ງລັດເທກຊັສ ເພື່ອຂົນສົ່ງອຸປະກອນເຄືອຂ່າຍໄປທີ່ດວງຈັນ ແລະ ຫຼັງການຂົນສົ່ງ ເຄືອຂ່າຍຈະອອກແບບ ແລະ ຕິດຕັ້ງລະບົບການສື່ສານ 4G (4G LTE : Long-Term Evolution)

ຄຳຖະແຫຼງການຍັງກ່າວຕື່ມອີກວ່າ ເຄືອຂ່າຍທີ່ຕິດຕັ້ງເທິງດວງຈັນ ຈະຊ່ວຍສ້າງປະສິດທິພາບການສື່ສານທີ່ສຳຄັນຢ່າງຍິ່ງ ສຳລັບການໃຊ້ລະບົບສົ່ງຂໍ້ມູນທີ່ແຕກຕ່າງກັນຈຳນວນຫຼາຍ ລວມເຖິງລະບົບສັ່ງການ ແລະ ຄວບຄຸມ ການຄວບຄຸມຍານຫຸ່ນຍົນໃນໄລຍະໄກ ລະບົບນຳທາງແບບເວລາຈິງ ແລະ ການຖ່າຍທອດສົດວິດີໂອທີ່ມີຄວາມລະອຽດສູງ.

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...