ກົມຕໍາຫຼວດສະກັດກັ້ນ ແລະ ຕ້ານການຄ້າມະນຸດ ກະຊວງປ້ອງກັນຄວາມສະຫງົບແຈ້ງຕໍ່ ທີມງານວຽງຈັນທາຍ ມື້ເຊົ້ານີ້ວັນທີ 15 ຕຸລາກ່ຽວກັບຄວາມຄືບໜ້າຫຼ້າສຸດຂອງການຈັບກຸມ 2 ຄົນທີ່ພົວພັນກັບ ການທໍາອະນາຈານເດັກຫຼັງຈາກທີ່ໄດ້ອອກແຈ້ງການມື້ວັນທີ 11 ຕຸລາທີ່ຜ່ານມາວ່າ: ຮອດປະຈຸບັນນີ້ຍັງບໍ່ສາມາດຈັບກຸມ ທ້າວ Run An Xiao Baiyun Distrit ແລະ ນາງ ດວງຕາ ເບີກໄຊຍະພູມ ໄດ້ເທື່ອ ແລະ ຍັງບໍ່ສາມາດຮູ້ວ່າພວກກ່ຽວຢູ່ໃນນະຄອນຫຼວງ ຫຼື ຢູ່ແຂວງໃດ, ສາມາດຈັບໄດ້ພຽງແຕ່ຜູ້ເຄາະຮ້າຍຄື ນາງນ້ອຍເທົ່ານັ້ນ (ຜູ້ຍິງທີ່ບໍ່ໃສ່ແວນຕາ ຕາມຄິບວິດີໂອ). ສ່ວນລາຍລະອຽດຕ່າງໆຍັງຢູ່ໃນຂັ້ນຕອນການສືບສວນ-ສອບສວນນາງນ້ອຍຂອງເຈົ້າໜ້າທີ່.
ບຸກຄົນ 2 ຄົນດັ່ງກ່າວ ທີ່ກົມຕໍາຫຼວດສະກັດກັ້ນ ແລະ ຕ້ານການຄ້າມະນຸດ ອອກແຈ້ງການຈັບນັ້ນເປັນຄົນຈີນ ຊື່ທ້າວ Run An Xiao Baiyun Distrit ເມືອງກວາງໂຈ ມົນທົນກວາງຕຸ້ງ ສປ ຈີນ ແລະ ນາງດວງຕາ ເບີກໄຊຍະພູມ ອາຍຸ 25 ປີ, ສັນຊາດລາວ ຢູ່ບ້ານ ດອນສາງໄຜ່ ເມືອງປາກງື່ມ ນະຄອນຫຼວງວຽງຈັນ.
ຮຽບຮຽງຂ່າວ: ພຸດສະດີ