spot_img
Homeຂ່າວທ້ອງຖິ່ນລັດປັບລາຄາຊີ້ນໝູຂາຍຍ່ອຍປະ ເພດ 1 ແລະ 2 ຂຶ້ນຕື່ມອີກ

ລັດປັບລາຄາຊີ້ນໝູຂາຍຍ່ອຍປະ ເພດ 1 ແລະ 2 ຂຶ້ນຕື່ມອີກ

Published on

ໜັງສືພິມວຽງຈັນທາມ ລາຍງານວ່າ ພະແນກອຸດສາຫະກໍາ ແລະ ການຄ້ານະຄອນຫຼວງໄດ້ ແຈ້ງການຂຶ້ນລາຄາຊິ້ນໝູທຸກປະເພດປະມານ 3000-4000 ກີບເມື່ອບໍ່ດົນມານີ້ ເຖິງຫົວໜ້າຫ້ອງ ການອຸດ ສາຫະກໍາ ແລະ ການຄ້າ 9 ຕົວເມືອງ, ຫົວໜ່ວຍທຸລະກິດຕະຫຼາດ, ບັນດາຟາມລ້ຽງໝູ, ຜູ້ປະກອບການຊື້ສັດ-ຂາຍຊີ້ນ (ນາຍຮ້ອຍ), ຜູ້ຈໍາໜ່າຍຊີ້ນໝູໃນຕະຫຼາດ ໃຫ້ປັບຂຶ້ນລາຄາຊີ້ນໝູທຸກປະເພດນັບແຕ່ວັນທີ 15 ກັນຍາເປັນຕົ້ນໄປ.

ການແຈ້ງການຂຶ້ນລາຄາໃໝ່ນີ້ໄດ້ລະບຸໄວ້ວ່າ: ລາຄາຢືນໜ້າຟາມລາຄາຊື້-ຂາຍສູງສຸດບໍ່ໃຫ້ເກີນ 26.000 ກີບ/ກິໂລ, ລາຄາຂາຍຍົກໝູເປັນໂຕ ທີ່ໄດ້ຂ້າ, ຄົວ ແລະ ເຮັດເປັນຊິ້ນສ່ວນ ເມື່ອສົ່ງໃຫ້ຜູ້ຂາຍຍ່ອຍຢູ່ຕະຫຼາດ ລາຄາສູງສຸດບໍ່ໃຫ້ເກີນ 31.000 ກີບ/ກິໂລ, ລາຄາຂາຍຍ່ອຍຂອງແມ່ຄ້າຢູ່ຕະຫຼາດຊີ້ນໝູປະເພດ 1 ລາຄາບໍ່ໃຫ້ເກີນ 44.000 ກີບ ແລະ ລາຄາຊີ້ນໝູປະເພດ 2 ໃຫ້ຂາຍໃນລາຄາບໍ່ເກີນ 41.000 ກີບ.

ຖ້າອິງໃສ່ແຈ້ງການຂອງ ພະແນກອຸດສາຫະກໍາ ແລະ ການຄ້າ ນະຄອນຫຼວງກ່ຽວກັບແຈ້ງການລາຄາຊີ້ນໝູ ໃນວັນທີ 30 ມັງກອນ 2020 ພົບວ່າ ລາຄາຊີ້ນໝູປະເພດ 1 ເພີ່ມຂຶ້ນ 4.000 ກີບ (ຈາກ 40.000 ມາເປັນ 44.000 ກີບ/ກິໂລ) ແລະ ປະເພດ 2 ເພີ່ມຂຶ້ນ 3.000 ກີບ/ກິໂລ (ຈາກ 38.000 ມາເປັນ 41.000 ກີບ/ກິໂລ).

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...