spot_img
Homeຂ່າວທ້ອງຖິ່ນຈັບຕົວຜູ້ຖືກຫາ 3 ຄົນໃນຄະດີລັກ ພາຕົວເພື່ອຮຽກເອົາເງິນ

ຈັບຕົວຜູ້ຖືກຫາ 3 ຄົນໃນຄະດີລັກ ພາຕົວເພື່ອຮຽກເອົາເງິນ

Published on

ໜັງສືພິມວຽງຈັນທາມ ລາຍງານວ່າ ກອງບັນຊາການ ປກສ ແຂວງ ບໍ່ແກ້ວ, ຫ້ອງຕໍາຫຼວດ ພະແນກສືບສວນ-ສອບສວນ ເມືອງ ຫ້ວຍຊາຍ ແຈ້ງໃຫ້ ຮູ້ເມື່ອບໍ່ດົນມານີ້ວ່າ: ໄດ້ຈັບຕົວຜູ້ຖືກຫາ 3 ຄົນ ໃນຄະດີລັກພາຕົວ ເພື່ອຮຽກເອົາເງິນ ແລະ ສາມາດຊ່ວຍເຫຼືອຜູ້ ເຄາະຮ້າຍໄດ້ ໃນເວລາປະມານ 24 ໂມງ 25 ນາທີ ຂອງວັນທີ 7 ສິງຫາທີ່ຜ່ານມາ, ຫຼັງຈາກທີ່ເວລາປະມານ 23:45 ນາທີ ທາງພະແນກສືບ ສວນ-ສອບສວນ ເມືອງຫ້ວຍຊາຍ ໄດ້ຮັບແຈ້ງຈາກເຈົ້າໜ້າທີ່ຂອງໂຮງແຮມຫ້ວຍຊາຍລີເວີໄຊ ທີ່ບ້ານ ໃຫ່ຍ ຫ້ວຍຊາຍເໜືອ ເມືອງ ຫ້ວຍຊາຍ ແຂວງ ບໍ່ແກ້ວ ວ່າ: ໄດ້ເກີດມີເຫດລັກພາຕົວ ຈຶ່ງໄດ້ແຈ້ງໃຫ້ອ້າຍນ້ອງຕໍາຫຼວດຢູ່ຈຸດກວດກາບ້ານ ນໍ້າເກິງ ຕິດຕາມ ແລະ ສາມາດຈັບກຸມຜູ້ກໍ່ເຫດໄດ້.

ຜູ້ຖືກລັກພາຕົວ ຊື່ນາງ ດາລາທິບ ພານະສີ ອາຍຸ 35 ປີ, ອາຊີບ ຄ້າຂາຍ ຢູ່ບ້ານ ໃຫຍ່ ຫ້ວຍຊາຍເໜືອ ເມືອງ ຫ້ວຍຊາຍ ແຂວງ ບໍ່ແກ້ວ.

ສ່ວນຜູ້ຖືກຫາທັງ 3 ຄົນ ມີຄື: ທ້າວ ເລ ພວງສີສອນເພັດ ອາຍຸ 40 ປີ ອາຊີບ ພະນັກງານ (ຕຳຫຼວດ) ຢູ່ຫ້ອງສັນຕິບານ ປກສ ແຂວງ ບໍ່ແກ້ວ, ສັນຊາດລາວ ຢູ່ບ້ານ ໃຫຍ່ ຫ້ວຍຊາຍເໜືອ ເມືອງ ຫ້ວຍຊາຍ ແຂວງ ບໍ່ແກ້ວ, ທ້າວ ແສງແກ້ວ ເລີດຊົງສິດ ອາຍຸ 33 ປີ ອາຊີບ ພະງານ (ຕຳຫຼວດ) ຢູ່ຫ້ອງການ ກອງບັນຊາການ ປກສ ແຂວງ ບໍ່ແກ້ວ, ຢູ່ບ້ານ ນໍ້າຕອຍ ເມືອງ ຫ້ວຍຊາຍ ແຂວງ ບໍ່ແກ້ວ ແລະ ທ້າວ ທອງດຳ ອາຍຸ 39 ປີ ປະຊາຊົນ ບ້ານ ຈັນສະຫວ່າງ ເມືອງ ສີໂຄດຕະບອງ ນະຄອນຫຼວງວຽງຈັນ, ສາເຫດໃນການລັກພາຕົວໃນຄັ້ງນີ້ ແມ່ນເພື່ອຮຽກເອົາເງິນຈຳນວນ 500.000 ບາດ ຈາກຜູ້ເຄາະຮ້າຍ.

ສ່ວນເຫດຈຸງໃຈໃນການກໍ່ເຫດໃນຄັ້ງນີ້ ຍັງຢູ່ໃນຂັ້ນຕອນການສືບສວນ-ສອບສວນ ຂອງເຈົ້າໜ້າທີ່.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...