ໜັງສືພິມວຽງຈັນທາມ ລາຍງານໃນວັນທີ 07 ກັນຍາ 2020 ນີ້ວ່າ ປະຊາຊົນລາວສ່ວນຫຼາຍແມ່ນໄດ້ເວົ້າເປັນຫາງສຽງດຽວກັນ ແລະ ມີຄໍາຖາມດຽວກັນວ່າ: ບໍ່ເຫັນດີທີ່ຈະທຸບຕຶກເກົ່າຕະຫຼາດເຊົ້າ ມໍ 1 ແລະ ມໍ 2 ເພື່ອພັດທະນາໃໝ່ ແລະ ເປັນຫຍັງລັດຖະບານຄືບໍ່ຮັກສາຕຶກໄວ້ໃຫ້ເປັນມໍລະດົກຂອງຊາດ ເພາະຕຶກເກົ່າຕະຫຼາດເຊົ້ານີ້ ຖືວ່າເປັນຕຶກເກົ່າແກ່ຄູ່ ບ້ານຄູ່ ເມືອງວຽງຈັນມາຫຼາຍສະຕະວັດແລ້ວ.

ລັດຖະບານໄດ້ອະນຸຍາດໃຫ້ນັກລົງທຶນຈີນເມື່ອບໍ່ດົນມານີ້ ເພື່ອສຳປະທານຕຶກຕະຫຼາດເຊົ້າດັ່ງກ່າວ ໂດຍແມ່ນ ບໍລິສັດ ຮົ່ວຊິນ ພັດທະນາ ຈໍາກັດ ຊຶ່ງມີອາຍຸສໍາປະທານ 40 ປີ ເພື່ອພັດທະນາໃຫ້ເປັນຕຶກ ຫຼື ຕະຫຼາດທີ່ທັນສະໄໝ.

ປັດຈຸບັນນີ້ທາງບໍລິສັດກໍາລັງກຽມຍົກຍ້າຍຊາວຄ້າຂາຍຕ່າງໆ ອອກຈາກຕຶກດັ່ງກ່າວໂດຍຈະໃຫ້ເວລາ 3 ເດືອນໃຫ້ຍົກຍ້າຍອອກໝົດ ເຊິ່ງທາງບໍລິສັດມີສະຖານທີ່ໄວ້ຮອງຮັບໄວ້ແລ້ວລວມມີ 302 ຫ້ອງ.

ຮຽບຮຽງຂ່າວ: ພຸດສະດີ