ເວັບໄຊຂ່າວ posttoday ລາຍງານວ່າ ລັດຖະບານຈີນກຽມໃຫ້ການສະໜັບສະໜຸນການຜະລິດເຊມິຄອນຄັດເຕີລຸ້ນທີສາມຢ່າງເຕັມທີ່ເປັນເວລາ 5 ປີ ໄປຈົນເຖິງ 2025 ໂດຍໄດ້ບັນລຸມາດຕະການສົ່ງເສີມການວິໄຈ ການສຶກສາ ແລະ ການສະໜັບສະໜຸນທາງການເງິນໄວ້ໃນແຜນພັດທະນາແຫ່ງຊາດ 5 ປີ, ສະບັບທີ 14 ເຊິ່ງຈະນຳສະເໜີຕໍ່ທີ່ປະຊຸມຄະນະຜູ້ບໍລິຫານປະເທດໃນເດືອນ ຕຸລາ ນີ້.

ຂະນະທີ່ປະທານາທິບໍດີ ສີຈິ້ນຜິງ ຈະທຸ້ມງົບປະມານ ປະມານ 1.4 ລ້ານລ້ານໂດລາ ສຳລັບການພັດທະນາເທັກໂນໂລຢີ ຕັ້ງແຕ່ເຄືອຂ່າຍໄຮ້ສາຍໄປຈົນເຖິງປັນຍາປະດິດ ຕະຫຼອດ 5 ປີ ຂອງແຜນພັດທະນາສະບັບດັ່ງກ່າວ.

ເຊມິຄອນຄັດເຕີເປັນອົງປະກອບສຳຄັນໃນການຜະລິດ ແລະ ພັດທະນາເທັກໂນໂລຢີຂອງຈີນ ແຕ່ລະປີຈີນນຳເຂົ້າແຜງວົງຈອນຫຼາຍກວ່າ 300,000 ລ້ານໂດລາ ໂດຍທີ່ຜູ້ຜະລິດເຊມິຄອນຄັດເຕີໃນຈີນຕ້ອງເພິ່ງພາຊິບຈາກອາເມລິກາ ແຕ່ຫຼັງຈາກອາເມລິກາຂຶ້ນບັນຊີດຳ ບໍລິສັດ ເທັກໂນໂລຢີຈາກຈີນ ເຮັດໃຫ້ບໍລິສັດເຫຼົ່ານັ້ນບໍ່ສາມາດນຳເຂົ້າຊິບຈາກອາເມລິກາອີກຕໍ່ໄປ.

ຮຽບຮຽງຂ່າວ: ພຸດສະດີ