ເວັບໄຊ thairath ລາຍງານວ່າ ໜຸ່ມແຮງງານລາວ ຜູ້ໂຊກດີຖືກຫວຍລັດຖະບານໄທລາງວັນທີ 1 ໝາຍເລກ 999997 ໄດ້ 6 ລ້ານບາດ ທີ່ອອກລາງວັນໃນວັນທີ 1 ກັນຍາ ທີ່ຜ່ານມາ ເຊິ່ງເງິນລາງວັນສ່ວນໜຶ່ງໄດ້ແບ່ງສົ່ງໄປໃຫ້ແມ່ຢູ່ລາວ.

ເມື່ອເວລາ 9.30 ນາທີ ຂອງວັນທີ 2 ກັນຍາ 202020 ທ້າວ ບຸນຄຳ ເພັງຄຳ ອາຍຸ 34ປີ ເຊົ່າຫ້ອງແຖວຢູ່ ຕຳບົນບ້ານປີກ, ອຳເພີເມືອງ, ຈັງຫວັດຊົນບຸລີ ສັນຊາດລາວ ທີ່ມາທຳງານຢູ່ຮ້ານອາຫານຊົມທະເລ ປາກຄລອງອ່າງສິລາ ໄດ້ນຳໃບລັອດເຕີລີຖືກລາງວັນທີ 1 ຈຳນວນ 1 ໃບ ເຂົ້າພົບ ໄດ້ນຳເອົາໃບເລກທີ່ຊື້ຖືກລາງວັນທີ 1 ຈຳນວນ 1 ໃບ ເຂົ້າໄປຫາ ພັນຕຳຫຼວດໂທ ມົງຄົນ ສິຣິເວດ ສາລະວັດສືບສວນ ສະຖານີຕຳຫຼວດພູທອນ ແສນສຸກ ເພື່ອໃຫ້ລົງບັນທຶກ ໄວ້ເປັນຫຼັກຖານ.

ທ້າວ ບຸນຄຳ ກ່າວວ່າ ທຳອິດຕົນເຫັນເລກທາງໜ້າໃບຫວຍແມ່ນໝາຍເລກ 999997 ກໍ່ບໍ່ຄິດຢາກຊື້ ແຕ່ເພາະມັກເລກ 97 ທາງທ້າຍ ຈຶ່ງຊື້ກັບແມ່ຄ້າ ເຊິ່ງມີຢູ່ທັງໝົດ 3 ໃບ ແຕ່ຕົນຊື້ພຽງໃບດຽວ ຫາກໄດ້ຮັບເງິນແລ້ວຈະໂອນໄປໃຫ້ແມ່ ເນື່ອງຈາກຕອນນີ້ຍັງກັບບ້ານບໍ່ໄດ້ເນື່ອງຈາກຍັງຕິດໂຄວິດ.

ຮຽບຮຽງຂ່າວ: ພຸດສະດີ