ເວັບໄຊ posttoday ລາຍງານວ່າ ບໍລິສັດຜະລິດຢາລາຍໃຫຍ່ທີ່ລັດຖະບານຈີນເປັນເຈົ້າຂອງ ແລະ ກຳລັງພັດທະນາວັກຊີນໂຄວິດ-19 ຕັ້ງລາຄາວັກຊີນຂອງຕົວເອງສູງກວ່າວັກຊີນຂອງປະເທດອື່ນ ແລະ ແພງທີ່ສດໃນໂລກ.
ທ່ານ ຫຼິວ ຈິ້ງ ເຈິນ ຜູ້ອຳນວຍການບໍລິສັດຜະລິດຢາ ຊິໂນຟາມ (Sinopharm) ເຜີຍກັບໜັງສືພິມກວາງໝິງຣື່ເປົາຂອງຈີນວ່າ ວັກຊີນເຊື້ອຕາຍຂອງວັກຊີນ 2 ຕົວທີ່ບໍລິສັດກຳລັງພັດທະນາຈະຢູ່ທີ່ລາຄາປະມານ 145 ໂດລາ ຕໍ່ 2 ໂດສ ແລະ ຈະອອກສູ່ຕະຫຼາດໃນເດືອນທັນວານີ້.
ຈົນເຖິງຕອນນີ້ລາຄາວັກຊີນໂຄວິດ-19 ທີ່ຖືກທີ່ສດໃນໂລກທີ່ພັດທະນາໂດຍມະຫາວິທະຍາໄລ ອັອກຟັອດ ແລະ ບໍລິສັດ AstraZeneca ເຊິ່ງກຳລັງຢູ່ລະຫວ່າງການທົດສອບຂັ້ນສຸດທ້າຍ ສຳລັບລາຄາຢູ່ທີ່ 4 ໂດລາ ຕໍ່ 1 ໂດຣ.
ດ້ານລາຄາວັກຊີນໂຄວິດ-19 ຈາກບໍລິສັດອື່ນໆເຊັ່ນ: Pfizer ຢູ່ທີ່ 20 ໂດລາ ຕໍ່ 1 ໂດສ, ບໍລິສັດ ຈອນສັນ ແອນ ຈອນສັນ ລາຄາ 10 ໂດລາຕໍ່ 1 ໂດສ, ບໍລິສັດ Moderna ລາຄາ 32-37 ໂດລາຕໍ່ 1 ໂດສ
ຮຽບຮຽງຂ່າວ: ພຸດສະດີ