ຄວາມຄືບໜ້າໃນກໍລະນີທ້າວ ຄຳປຸນ ພິມຜາດີ ອາຍຸ 61ປີ ສັນຊາດລາວ ນອນເສຍຊີວິດປິດສະໜາທີ່ຈັງຫວັດອຸດອນທານີ ຊາວບ້ານກໍ່ພາກັນແຕກຕື່ນເພາະຢ້ານຜູ້ຕາຍຈະມີເຊື້ອໄວຣັດໂຄວິດ-19.
ເວັບໄຊຂ່າວ thaiexaminer ລາຍງານວ່າທ່ານ ນິລັດ ພົງສິດທິຖາວອນ ຜູ້ວ່າການຈັງຫວັດອຸດອນທານີ ກ່າວເຖິງກໍລະນີທ້າວ ຄຳປຸນ ພິມຜາດີ ອາຍຸ 61ປີ ສັນຊາດລາວ ນອນເສຍຊີວິດປິດສະໜາທີ່ຕຽງ ໃນເຮືອນພັກ ທີ່ບ້ານ ໜອງລາດ, ຕຳບົນໜອງເມັກ, ອຳເພີໜອງຫານ, ຈັງຫວັດອຸດອນທານີ ໂດຍກ່ອນເສຍຊີວິດຜູ້ຕາຍໄດ້ຮາກອອກເປັນເລືອດ ເຊິ່ງຜູ້ຕາຍພ້ອມກັບເມຍໄດ້ພາຍເຮືອຂ້າມນໍ້າຂອງເຂົ້າມາປະເທດໄທ ເຊິ່ງເປັນການເຂົ້າເມືອງແບບຜິດກົດໝາຍ.
ຈາກການກວດສອບທາງຫ້ອງປະຕິບັດການຂອງສູນວິທະຍາສາດການແພດທີ 8 ຈັງຫວັດອຸດອນທານີ ພົບວ່າ ບໍ່ພົບສານພັນທຸກຳຂອງເຊື້ອໄວຣັດໂຄໂຣນາ 2019 ໃນຮ່າງກາຍ ແຕ່ສາເຫດການເສຍຊີວິດມາຈາກໂຣກວັນນະໂລກ ເມື່ອຜົນການກວດສອບອອກມາຊັດເຈນແລ້ວ ເຮັດໃຫ້ຊາວບ້ານທັງອຳເພີໜອງຫານ ກໍ່ພາກັນໂລ່ງໃຈ.
ອ່ານຂ່າວຍ້ອນຫຼັງໄດ້ທີ່ລິ້ງ: ຄົນລາວເສຍຊີວິດປິດສະໜາຢູ່ໄທ!
ຮຽບຮຽງຂ່າວ: ພຸດສະດີ