ລາຍງານຈາກຄະນະສະເພາະກິດໃຫ້ຮູ້ວ່າ ໃນວັນທີ 14 ສິງຫາ 2020ນີ້ ຜົນການກວດຜູ້ຕ້ອງສົງໃສທີ່ເດີນທາງມາແຕ່ຕ່າງປະເທດ ໃນວັນທີ 13 ສິງຫາທີ່ຜ່ານມາ ຜົນປະກົດວ່າ ມີຜູ້ຕິດເຊື້ອໂຄວິດ-19 ລາຍໃໝ່ 2 ຄົນ ເຮັດໃຫ້ປັດຈຸບັນຍອດສະສົມຜູ້ຕິດເຊື້ອໂຄວິດ-19 ເພີ່ມເປັນ 22 ກໍລະນີ.
ຜູ້ຕິດເຊື້ອໂຄວິດ-19 ກໍລະນີທີ 21 ແມ່ນເພດຊາຍ ໄວອາຍຸ 30ປີ, ສັນຊາດລາວ, ອາຊີບພະນັກງານ,
- ໃນວັນທີ 11 ສິງຫາ 2020 ເດີນທາງຈາກໄຕ້ຫວັນ ມາຜ່ານ ສສ ເກົາຫຼີ (ອິນຊອນ) ໂດຍຖ້ຽວບິນ CI904, ໃຊ້ເວລາຢູ່ສະໜາມບິນ 18 ຊົ່ວໂມງ.
- ວັນທີ 12 ສິງຫາ 2020 ເດີນທາງຈາກ ສສ ເກົາຫຼີ ມາ ສປປ ລາວ ຜ່ານທາງສະໜາມບິນວັດໄຕ ໂດຍຖ້ຽວບິນ QV922A ມີຜູ້ໂດຍສານຮ່ວມ 115ຄົນ ແລະ ຜູ້ກ່ຽວໄດ້ເດີນທາງຈາກສະໜາມບິນໄປໂຮງແຮມເພື່ອກັກຕົວດ້ວຍລົດຕູ້ ມີທັງໝົດ 8 ຄົນ ທີ່ນັ່ງລົດຄັນດຽວກັນ ລວມເຖິງຜູ້ກ່ຽວ.
- ວັນທີ 13 ສິງຫາ 2020 ຜົນກວດອອກມາພົບເຊື້ອໂຄວິດ-19.
ກໍລະນີທີ 22 ແມ່ນເພດຍິງ, ອາຍຸ 25ປີ ຊັນຊາດລາວ ອາຊີບນັກສຶກສາ ກັກໂຕຢູ່ໂຮງແຮມທີ່ຖືກນົດໄວ້
- ວັນທີ 10 ສິງຫາ 2020 ເດີນທາງມາຈາກ ສ. ອາເມລິຫາ ມາຜ່ານ ສສ. ເກົາຫຼີ ໂດຍຖ້ຽວບິນ KE5020 ໃຊ້ເວລາຢູ່ສະໜາມບິນ 15 ຊົ່ວໂມງ.
- ວັນທີ 12 ສິງຫາ 2020 ເດີນທາງຈາກ ສສ ເກົາຫຼີ ມາ ສປປ ລາວ ຜ່ານທາງສະໜາມບິນວັດໄຕ ໂດຍຖ້ຽວບິນ QV922A ມີຜູ້ໂດຍສານຮ່ວມ 115ຄົນ ແລະ ຜູ້ກ່ຽວໄດ້ເດີນທາງຈາກສະໜາມບິນໄປໂຮງແຮມເພື່ອກັກຕົວດ້ວຍລົດຕູ້ ມີທັງໝົດ 6 ຄົນ ທີ່ນັ່ງລົດຄັນດຽວກັນ ລວມເຖິງຜູ້ກ່ຽວ.
- ວັນທີ 13 ສິງຫາ 2020 ຜົນກວດອອກມາພົບເຊື້ອໂຄວິດ-19.
ລະບຸກໍລະນີສຳພັດໃກ້ຊິດ ໄຈ້ແຍກໃນເບື້ອຕົ້ນມີ 37 ຄົນ.
ຮຽບຮຽງຂ່າວ: ພຸດສະດີ