ເວັບໄຊ sanook ລາຍງານວ່າ ຊິນຈຽງຂອງຈີນເປີດເຜີຍໃນວັນທີ 13 ສິງຫາ 2020 ວ່າ ຕົວຢ່າງປີກໄກ່ແຊ່ແຂງທີ່ນຳເຂົ້າຈາກບຣາຊິນນັ້ນພົບວ່າມີການຕິດເຊື້ອໂຄວິດ-19 ເຈົ້າໜ້າທີ່ດ້ານສາທາລະນະສຸກຂອງຊິນຈຽງໄດ້ຕິດຕາມ ແລະ ກວດສອບບຸກຄົນທັງໝົດທີ່ອາດສຳພັດກັບຜະລິດຕະ ພັນອາຫານທີ່ປົນເປື້ອນເຊື້ອໂຄວິດ-19 ດັ່ງກ່າວ ແຕ່ອນນີ້ຍັງບໍ່ພົບຜູ້ຕິດເຊື້ອ.

ນອກຈາກນີ້,​ ຈີນຍັງໄດ້ລາຍງານອີກວ່າ ພົບເຊື້ອໄວຣັດໂຄວິດ-19 ເທິງ Packaging ຂອງກຸ້ງທີ່ນຳເຂົ້າມາຈາກເອກວາດໍ.

ນັບຕັ້ງແຕ່ເດືອນກໍລະກົດທີ່ຜ່ານມາ ເມືອງອື່ນໆຫຼາຍແຫ່ງຂອງຈີນ ມີລາຍງານການພົບເຊື້ອໂຄວິດ-19 ໃນລັກສະນະດັ່ງກ່າວ ເຊິ່ງເຮັດໃຫ້ຈີນສັ່ງລະງັບການນຳເຂົ້າກຸ້ງຈາກຜູ້ຜະລິດ 3 ບໍລິສັດຈາກເອກວາດໍ ລວມເຖິງເພີ່ມການກວດສອບຢ່າງເຂັ້ມງວດກັບ Packaging ປະເພດຊີ້ນ ແລະ ອາຫານທະເລທີ່ທ່າເຮືອສຳຄັນຕ່າງໆ ຫຼັງໂຄວິດ-19 ກັບມາລະບາດຮອບໃໝ່ໃນເດືອນ ມິຖຸນາທີ່ຜ່ານມາ.

ຮຽບຮຽງຂ່າວ: ພຸດສະດີ