spot_img
Homeຂ່າວຕ່າງປະເທດເຟສບຸ໊ກ-ທະວິດເຕີ ສັ່ງລົບໂພສວິດີ "ທຣໍ້າ" ຫຼັງລະເບີດກົດການເຜີຍແຜ່ຂໍ້ມູນທີ່ຜິດກ່ຽວກັບໂຄວິດ-19

ເຟສບຸ໊ກ-ທະວິດເຕີ ສັ່ງລົບໂພສວິດີ “ທຣໍ້າ” ຫຼັງລະເບີດກົດການເຜີຍແຜ່ຂໍ້ມູນທີ່ຜິດກ່ຽວກັບໂຄວິດ-19

Published on

ເວັບໄຊ sanook ລາຍງານວ່າ ເມື່ອວັນພຸດທີຜ່ານມາວ່າ ເຟສບຸ໊ກສັ່ງລົບໂພສວິດີໂອຄລິບປະທານາທິບໍດີ ໂດນັລ ທຣໍ້າ ເນື່ອງຈາກລະເມີດນະໂຍບາຍຫ້າມການເຜີຍແຜ່ຂໍ້ມູນທີ່ຜິດກ່ຽວກັບການລະບາດຂອງໄວຣັດໂຄໂຣນາ 2019, ໃນຂະນະທີ່ທະວິດເຕີ ສັ່ງລະງັບໃຊ້ງານບັນຊີຂອງທີມງານຫາສຽງຂອງຜູ້ນຳ ສ.ອາເມລິກາ ຊົ່ວຄາວດ້ວຍເຫດຜົນດຽວກັນ.

ເຟສບຸ໊ກ ໄດ້ລະບຸວ່າ ວິດີໂອດັ່ງກ່າວມີຂໍ້ມູນທີ່ເປັນຄວາມເທັດກ່ຽວກັບກຸ່ມຄົນທີ່ມີພູມຄຸ້ມກັນໂຄວິດ-19 ເຊິ່ງການກະທຳດັ່ງກ່າວລະເມີດນະໂຍບາຍຂອງບໍລິສັດທີ່ບໍ່ອະນຸຍາດໃຫ້ມີການສົ່ງຕໍ່ຂໍ້ມູນກ່ຽວກັບການລະບາດທີ່ເປັນອັນຕະລາຍຕໍ່ສາທາລະນະ ແລະ ຫຼັງຈາກນັ້ນອີກບໍ່ດົນ ທະວິດເຕີກໍ່ສັ່ງລະງັບບັນຊີໃຊ້ງານຂອງທີມງານຫາສຽງຂອງປະທານາທິບໍດີ ທຣໍ້າ ຊົ່ວຄາວ ຈົນກວ່າຈະລົບໂພສທີ່ມີລິ້ງດັ່ງກ່າວອອກໄປ.

ທາງທະວິດເຕີໄດ້ອະທິບາຍວ່າ ການລະງັບບັນຊີນີ້ເກີດຂຶ້ນເພາະການລະເມີດກົດວ່າດ້ວຍການຄວບຄຸມຂໍ້ມູນບິດເບືອນກ່ຽວກັບໂຄວິດ-19.

ທັງນີ້, ການສຶກສາຫຼາຍສະບັບໄດ້ໃຫ້ຂໍ້ມູນໂດຍບໍ່ມີຂໍ້ພິສູດວ່າ ເດັກນ້ອຍ ຈະມີໂອກາດຕິດເຊື້ອໂຄວິດ-19 ໜ້ອຍກວ່າຜູ້ໃຫຍ່ ແລະ ເຖິງຈະມີອາການປ່ວຍ ແຕ່ຈະບໍ່ປ່ວຍໜັກຫຼາຍ​, ຢ່າງໃດກໍ່ຕາມ ຂໍ້ມູນດັ່ງກ່າວບໍ່ໄດ້ສື່ຄວາມໝາຍຄືກັບຄຳເວົ້າທີ່ວ່າ “ເກືອບຈະມີພູມຄຸ້ມກັນສຳລັບໄວຣັດນີ້” ເລີຍ.

 

ຮຽບຮຽງຂ່າວ:​ ພຸດສະດີ

ບົດຄວາມຫຼ້າສຸດ

ຄົ້ນພົບພຣະພຸດທະຮູບ ໃນລະຫວ່າງການປະຕິບັດ ງານເກັບກູ້ລະເບີດບໍ່ທັນແຕກ ຢູ່ບ້ານສ້າງປຸ່ງບອນ, ເມືອງຍົມມະລາດ, ແຂວງຄຳມ່ວນ

ອາທິດທີ່ຜ່ານມາ, ໃນລະຫວ່າງການປະຕິບັດງານເກັບກູ້ລະເບີດບໍ່ທັນແຕກ (UXO) ຂອງພຣະນັກງານພາກສະໜາມອົງການ MAG ຢູ່ທີ່ບ້ານສ້າງປຸ່ງບອນ ເມືອງຍົມມະລາດ ແຂວງຄຳມ່ວນ, ທີມງານໄດ້ພົບເຫັນ ‘ພຣະພຸດທະຮູບ’ ທີ່ຖືກຝັງຢູ່ໃຕ້ດິນໃນພື້ນທີ່ໄຮ່ນາ! ພຣະພຸດທະຮູບອົງນີ້ມີຂະໜາດປະມານ 5x9 ຊັງຕີແມັດ ແລະ...

ຕາມຫາແມ່ບ້ານຊາວລາວ ເພາະຕົກເປັນຜູ້ຕ້ອງສົງໃສ ໃນເຫດຄາຕະກຳ ອະດີດຄູຄົນໄທ ອາຍຸ 79 ປີ, ເຊິ່ງປັດຈຸບັນ ແມ່ບ້ານຄົນດັ່ງກ່າວໄດ້ຫາຍໂຕໄປຫຼັງເກີດເຫດ

ສຳນັກຂ່າວປະເທດໄທ ລາຍງານໃນວັນທີ 21 ມັງກອນ 2026 ເກີດເຫດການຄາຕະກຳສຸດສະເທືອນຂວັນ ອະດີດຄູຄົນໄທ ອາຍຸ 79 ປີ ນອນເສຍຊີວິດຄາບ້ານພັກ ໃນເຂດບຶງກຸ່ມ ກຸງເທບມະຫານະຄອນ ປະເທດໄທ...

ຄ່າເຊົ່າໃນບຸນພຣະທາດສີໂຄດຕະບອງ ໂຊນສະໄລ້ເດີ ລາຄາ 45,000,000 ກີບ, ໂຊນຮ້ານຂາຍເຄື່ອງທົ່ວໄປ ລາຄາ 500,000 ກີບ/ແມັດ, ໂຊນວົງດົນຕີ ລາຄາ 60,000,000 ກີບ/ວົງ

ອີງຕາມແຈ້ງການຂອງເມືອງທ່າແຂກ ແຂວງຄໍາມ່ວນ ເລກທີ 05/ຈມ.ທຂ ລົງວັນທີ 19 ມັງກອນ 2026 ເລື່ອງ: ແຈ້ງການກໍານົດລາຄາ ແລະ ໂຊນຂາຍເຄື່ອງຢູ່ງານບຸນພຣະທາດສີໂຄດຕະບອງ ປະຈໍາປີ 2026. ເມືອງທ່າແຂກ ຂໍຖືເປັນກຽດແຈ້ງການ...

ໄຂຂຶ້ນຢ່າງເປັນທາງການ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໃນລະຫວ່າງວັນທີ 20-25 ມັງກອນ 2026

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 20 ມັງກອນ 2026 ຢູ່ຫໍປະຊຸມແຫ່ງຊາດ ນະຄອນ ຫລວງຮ່າໂນ້ຍ ແລະ ຈະດໍາເນີນໄປຈົນຮອດ ວັນທີ...