Homeຂ່າວຕ່າງປະເທດເກີດເຫດລະເບີດຮຸນແຮງໃນເລບານອນ ສົ່ງຜົນເສຍຫາຍເປັນວົງກວ້າງ

ເກີດເຫດລະເບີດຮຸນແຮງໃນເລບານອນ ສົ່ງຜົນເສຍຫາຍເປັນວົງກວ້າງ

Published on

ເວັບໄຊຂ່າວ dailynews ລາຍງານ ເມື່ອວັນທີ 5 ສິງຫາ 2020ນີ້ວ່າ ຈາກເຫດການລະເປີດຢ່າງຮຸນແຮງທີ່ບໍລິເວນທ່າເຮືອໃນນະຄອນຫຼວງເບຣຸດ ເມືອງຫຼວງຂອງເລບານອນ ເມື່ອເວລາ 22:40 ນາທີ ຂອງວັນທີ 4 ສິງຫາ ທີ່ຜ່ານມາ ເຮັດໃຫ້ເກີດຄວາມເສຍຫາຍເປັນວົງກວ້າງ, ມີຄົນເສຍຊີວິດປະມານ 80 ຄົນ ແລະ ບາດເຈັບປະມານ 4,000ຄົນ.

ນາຍົກລັດຖະມົນຕີອັສຊັນ ດິອັບ ອອກຖະແຫຼງການວ່າ ສິ່ງທີ່ລະເບີດຄືແອມໂມເນຍໄມເຕຣດ ທີ່ມີນໍ້າໜັກລວມປະມານ 2,750ໂຕນ ທີ່ໄດ້ເກັບຮັກສາໄວ້ຢ່າງປອດໄພໃນອາຄານຫຼັງໜຶ່ງເປັນເວລາ 6 ປີ ແລະ ທ່ານນາຍົກຍັງໃຫ້ສັນຍາວ່າລັດຖະບານຈະຈັບກຸມຕົວຜູ້ທີ່ກ່ຽວຂ້ອງມາຮັບໂທດຕາມກົດໝາຍໃຫ້ໄດ້ ພ້ອມທັງປະກາດສະຖານະການສຸກເສີນໃນນະຄອນຫຼວງເບຣຸດເປັນເວລາ 2 ອາທິດ ແລະ ກຳນົດໃຫ້ເມືອງຫຼວງຂອງປະເທດເປັນພື້ນທີ່ໄພພິບັດ.

ດ້ານປະທານາທິບໍດີ ດີມິເຊລ ອູນ ປະກາດໄວ້ອາໄລທົ່ວປະເທດເປັນເວລາ 3 ວັນ ແລະ ລັດຖະບານກຽມຈັດສັນງົບປະມານສຸກເສີນ 100,000 ລ້ານປອນເລບານອນ ເພື່ອຊ່ວຍເຫຼືອຄອບຄົວຂອງຜູ້ເສຍຊີວິດ ແລະ ຜູ້ໄດ້ຮັບບາດເຈັບ ພ້ອມຟື້ນຟູເມືອງໃນອານາຄົດ.

ສ່ວນສາເຫດຂອງການລະເບີດໃນຄັ້ງນີ້ຍັງຢູ່ໃນຂັ້ນຕອນການສືບສວນ-ສອບສວນ ໂດຍຍັງບໍ່ມີການຕັ້ງສົມມຸດຕິຖານໃດໆວ່ານີ້ເກີດຂຶ້ນຍ້ອນອຸບັດຕິເຫດ ຫຼື ການໂຈມຕີ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...

ປັກຫຼັກໝາຍຊາຍແດນ  ລາວ-ກຳປູເຈຍ ກໍານົດຈຸດທີ່ຈະປັກຫຼັກຊາຍແດນ ສຳເລັດແລ້ວ 213 ຫຼັກໝາຍ ເພື່ອແກ້ໄຂບັນຫາການບຸກເບີກເນື້ອທີ່ກະສິກຳທີ່ລ່ວງລໍ້າຊາຍແດນ

ກອງສຳຫຼວດ ແລະ ປັກຫຼັກໝາຍຊາຍແດນ ລາວ-ກຳປູເຈຍ ເມືອງໂຂງ ແຂວງຈຳປາສັກ ໄດ້ສະຫຼຸບ ການຈັດຕັ້ງປະຕິບັດວຽກງານພາຍໃນປີ 2025 ທີ່ຜ່ານມາ.​ ທ່ານ ພັນໂທ ໂພສະຫວັນ ພິມມະວົງ...