bangkokbiznews ລາຍງານວ່າ ນາຍົກລັດຖະມົນຕີ ບໍຣິສ ຈອນສັນ ຂອງອັງກິດ ປະກາດຄຳສັ່ງໃຫ້ຍົກເລີກການໃຊ້ອຸປະກອນຂອງບໍລິສັດຫົວເຫວີ່ຍ ທັງໝົດຈາກເຄືອຂ່າຍລະບົບສື່ສານ 5G ພາຍໃນປີ 2027.
ມີລາຍງານວ່າ ການທີ່ນາຍົກຂອງອັງກິດໃຫ້ເວລາ 7 ປີ ເພື່ອຖອດປ່ຽນອຸປະກອນຂອງຫົວເຫວີ່ຍອອກໄປ ເຮັດໃຫ້ບໍລິສັດຜູ້ໃຫ້ບໍລິການໂທລະຄົມຄົມມະນາຄົມເຊັ່ນ: ບີທີ ໂວດາຟນ ແລະ ທຣີ ພາກັນສະບາຍໃຈຂຶ້ນ ຫຼັງຈາກບໍລິສັດເຫຼົ່ານີ້ມີຄວາມກັງວົນວ່າອາດຖືກບັງຄັບໃຫ້ໃຊ້ເງິນຫຼາຍພັນລ້ານປອນໃນການປ່ຽນແປງອຸປະກອນຂອງຫົວເຫວີ່ຍທັນທີ.
ດ້ານທາງທ່ານ ໂອລິເວີ ດາວເດນ ລັດຖະມົນຕີດ້ານສື່ຂອງອັງກິດກ່າວວ່າ ລັດຖະບານອັງກິດໄດ້ຕັດສິນໃຈຫ້າມການໃຊ້ອຸປະກອນຂອງຫົວເຫວີ່ຍ ເທັກໂນໂລຢີ ໃນເຄື່ອຂ່າຍໂທລະສັບມືຖະລະບົບ 5G ຂອງອັງກິດ ເນື່ອງຈາກກັງວົນດ້ານຄວາມໝັ້ນຄົງ.
ການຕັດສິນໃຈຫຼ້າສຸດຂອງລັດຖະບານອັງກິດຖືເປັນການກັບຄຳເວົ້າຈາກມະຕິກ່ອນໜ້ານີ້ທີ່ອະນຸຍາດໃຫ້ຫົວເຫວີ່ຍມີບົດບາດທີ່ຈຳກັດໃນເຄືອຂ່າຍ 5G ຂອງອັງກິດ.
ຮຽບຮຽງຂ່າວ: ພຸດສະດີ