ເວັບໄຊຂ່າວ sanook ລາຍງານວ່າ ເຈົ້າໜ້າທີ່ລັດ ແລະ ຊາວຜູ້ອອກແຮງງານທຸກຄົນຈະໄດ້ຮັບວັນພັກ 5 ວັນ ໃນລະຫວ່າງັວັນທີ 17-21 ສິງຫາ 2020ນີ້ ເພື່ອພັກຊົດເຊີຍເທດສະການປີໃໝ່ກຳປູເຈຍເມື່ອເດືອນເມສາທີ່ຖືກເລື່ອນອອກໄປເນື່ອງຈາກການລະບາດຂອງໂຄວິດ-19.

ນາຍົກ ຮຸນເຊນ ຂອງກຳປູເຈຍກ່າວວ່າ ການຕັດສິນໃຈໃນຄັ້ງນີ້ເກີດຂຶ້ນຫຼັງຈາກກຳປູເຈຍສາມາດຄວບຄຸມສະຖານະການຂອງໂຣກໂຄວິດ-19ໄວ້ໄດ້, ຢ່າງໃດກໍ່ຕາມເຂົາຂໍໃຫ້ປະຊາຊົນຍັງຕ້ອງລະມັດລະວັງເປັນພິເສດ ໃສ່ໜ້າຜ້າປິດປາກ, ລ້າງມີດ້ວຍແອລກໍຮໍ ແລະ ຮັກສາໄລຍະຫ່າງ.

ທັງນີ້, ຈົນຮອດປັດຈຸບັນກຳປູເຈຍມີຜູ້ປ່ວຍໂຄວິດ-19 ທັງໝົດ 165ຄົນ ປົວຫາຍດີແລ້ວ 133ຄົນ ແລະ ຍັງຢູ່ໃນລະຫວ່າງການຮັກສາຕົວ 32ຄົນ.

ຮຽບຮຽງຂ່າວ: ພຸດສະດີ