spot_img
Homeຂ່າວທ້ອງຖິ່ນນາຍົກເນັ້ນ 9 ບັນຫາໃຫ້ນະຄອນຫຼວງເອົາໃຈໃສ່

ນາຍົກເນັ້ນ 9 ບັນຫາໃຫ້ນະຄອນຫຼວງເອົາໃຈໃສ່

Published on

ໜັງສືພິມປະຊາຊົນ ລາຍງານວ່າ ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ໄດ້​ເນັ້ນ​ໃຫ້ການ​ນຳ​ນະຄອນຫຼວງ​ວຽງ​ຈັນ​ເອົາໃຈໃສ່​ຫຼາຍ​ບັນຫາ, ໃນ​ຂະນະ​ທີ່​ເສດຖະກິດ​ຂອງ​ນະຄອນຫຼວງ​ວຽງ​ຈັນ ຈະ​ຂະຫຍາຍຕົວ​ພຽງ 6,32% ໃນ​ປີ​ນີ້ ຈາກ​ທີ່​ໄດ້​ຕັ້ງ​ເປົ້າ​ໄວ້​ທີ່ 9,5%. ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ​ແຫ່ງ​ສປປ​ລາວ ໄດ້​ລົງ​ຊີ້​ນຳ​ວຽກ​ງານ​ຢູ່​ຫ້ອງ​ວ່າການ​ນະ​ຄອນ​ຫຼວງ​ວຽງ​ຈັນ​ໃນ​ວັນ​ທີ 9 ກໍລະກົດ​ຜ່ານ​ມາ ໂດຍ​ໄດ້​ເນັ້ນ​ໃຫ້ການ​ນຳ​ນະຄອນຫຼວງ​ວຽງ​ຈັນ​ເອົາ ໃຈໃສ່​ດັ່ງນີ້:

1. ສືບຕໍ່ຮັກ ສາ​ສະຖຽນ​ລະ​ພາບ​ທາງ​ດ້ານ​ການ​ເມືອງ.

2. ສືບຕໍ່​ພັດ ທະນາ​ເສດ​ຖະ​ກິດ​-​ສັງຄົມ​ໃຫ້​ມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ​ທາງ​ດ້ານ​ການ​ກະສິກຳ, ອຸດສາຫະກຳ, ການ​ບໍລິການ ແລະ ຍັງ​ຮັກສາ​ວັດທະນະທຳ​ຮີດຄອງ​ປະເພນີ​ໄດ້​ເປັນ​ຢ່າງ​ດີ​ເຖິງ​ຈະ​ມີ​ອຸປະສັກ​ຫຍຸ້ງຍາກ​ກໍ່​ສາມາດ​ຜ່ານ​ຜ່າ​ໄປ​ໄດ້.

3. ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ໄດ້​ສະກັດ​ກັ້ນ​ການ​ນຳ​ເຂົ້າ​ບັນດາ​ສິນຄ້າ​ທີ່​ບໍ່​ຈຳເປັນ ແລະ ສິນຄ້າ​ທີ່​ເຮົາ​ຜະລິດ​ໄດ້​ເອງ​ໂດຍ​ຕ້ອງ​ສົ່ງເສີມ​ການ​ຜະລິດ​ຢູ່​ພາຍ​ໃນ​ໃຫ້​ເປັນ​ໜໍ່​ແໜງ.

4. ສູ້​ຊົນ​ຊຸກຍູ້​ປະຊາຊົນ​ຜະລິດ​ກຸ້ມ​ຕົນ​ເອງ ເພີ່ງ​ຕົນ​ເອງ ແລະ ຜະລິດ​ເປັນ​ສິນຄ້າ​ສ້າງ​ລາຍ​ຮັບ​ໃຫ້​ແກ່​ຄອບຄົວ, ສ້າງ​ຕະຫຼາດ​ໄວ້​ຮອງ​ຮັບ​ຜົນ​ຜະລິດ​ເພື່ອ​ຈຳໜ່າຍ​ແກ່​ຜູ້​ບໍລິໂພກ.

5. ປັບປຸງ​ແບບແຜນ​ວິທີ​ເຮັດ​ວຽກ, ການ​ບໍລິຫານ​ດ້ານ​ເສດ​ຖະ​ກິດ​-​ສັງຄົມ, ວັດທະນະທຳ​ໃຫ້​ມີ​ລະບຽບ ແລະ ສ້າງ​ມາດ​ຕະການ​ປ້ອງ​ກັນ​ແກ້​ໄຂ​ຢ່າງ​ເຂັ້ມ​ງວດ.

6. ສືບຕໍ່​ຮັກສາ​ສະຖຽນ​ລະ​ພາບ​ທາງ​ດ້ານ​ການເມືອງ​ຄວາມ​ໝັ້ນຄົງ, ຄວາມ​ເປັນ​ລະບຽບ​ຮຽບຮ້ອຍ​ທາງ​ສັງ​ຄົມ.

7. ສືບຕໍ່​ຫຼຸດຜ່ອນ​ປະກົດ​ການ​ຫຍໍ້ທໍ້​ທາງ​ສັງຄົມ​ເຊັ່ນ : ຢາ​ເສບ​ຕິດ, ອຸບັດ​ເຫດ​ຕາມ​ທ້ອງ​ຖະໜົນ.

8. ຊຸກຍູ້​ດ້ານ​ວິຊາ​ການ​ປູກຝັງ​ລ້ຽງສັດ, ຫາ​ແຫຼ່ງ​ສິນ​ເຊື່ອ ແລະ ທຶນຮອນ​ໃຫ້​ຊາວ​ກະສິກອນ​ຜູ້​ເຮັດ​ການ​ຜະລິດ​ໂດຍ​ບໍ່​ໃຫ້​ເກັບ​ຄ່າ​ໃຊ້​ຈ່າຍ​ທີ່​ບໍ່​ຈຳເປັນ​ກັບ​ເຂົາເຈົ້າ​ເພື່ອ​ແກ້​ໄຂ​ຂອດ​ຕ່າງໆ​ທີ່​ອັດ​ອັ້ນ​ຕັນ​ໃຈ​ກັບ​ປະຊາຊົນ, ທັງ​ມີ​ນໍ້​ໃຈ​ຮັບ​ໃຊ້​ປະຊາ​ຊົນ.

9. ສຳລັບ​ແຮງ​ງານ​ລາວ​ທີ່​ກັບ​ມາ​ແຕ່​ຕ່າງປະເທດ​ມອບ​ໃຫ້​ພະ​ແນກ​ແຮງ​ງ​ງານ ແລະ ສະຫວັດດີ​ການ​ສັງຄົມ ນະຄອນຫຼວງ​ວຽງ​ຈັນ​ເປັນ​ເສນາ​ທິ​ການ ປະສານ​ກັບ​ບັນດາ​ໂຮງ​ຈັກ​ໂຮງງານ​ຢູ່​ໃນ​ນະຄອນຫຼວງ​ວຽງ​ຈັນ ແລະ ຕ່າງ​ແຂວງ​ໃນ​ການ​ສອບເສັງ ຫຼື ຄັດ​ເລືອກ​ບັນຈຸ​ເຂົ້າ​ເຮັດ​ວຽງ​ຕາມ​ເງື່ອນໄຂ​ຕົວ​ຈິງ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເກີດແຜ່ນດິນໄຫວ ຢູ່ເມືອງນາຊາຍທອງ, ນະຄອນຫຼວງວຽງຈັນ ຂະໜາດ 1.9 ຣິກເຕີ, ຄວາມເລິກ 1 ກິໂລແມັດ ໃນເວລາ 14:20 ນາທີ ວັນທີ 15 ມັງກອນ 2026

ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ລາຍງານເຫດການເກີດແຜ່ນດິນໄຫວ ພາຍໃນປະເທດ ແລະ ບັນດາປະເທດໃກ້ຄຽງ ປະຈຳວັນທີ 15 ມັງກອນ 2026 ເວລາ 7:00 ໂມງເຊົໍ້າ ຫາ ວັນທີ...

ລະງັບແລ້ວ 75 ປະເທດ ອາເມລິກາ ສັ່ງລະງັບວີຊາ 75 ປະເທດ (ມີປະເທດໄທ) ເພື່ອປ້ອງກັນບໍ່ໃຫ້ຜູ້ອົບພະຍົບກາຍເປັນພາລະຂອງລັດ ມີຜົນເລີ່ມແຕ່ ວັນທີ 21 ມັງກອນ 2026 ເປັນຕົ້ນໄປ

ສຳນັກຂ່າວຕ່າງປະເທດລາຍງານວ່າ ເມື່ອບໍ່ດົນມານີ້ ທ່ານ ໂດນັລ ທຣຳ ປະທານາທິບໍດີ ແຫ່ງ ສະຫະລັດ ອາເມລິກາ, ປະກາດລະງັບການພິຈາລະນາວີຊາຜູ້ອົບພະຍົບ (Immigrant Visa) ສໍາລັບປະຊາຊົນຈາກ 75...

ທູດ ອາເມລິກາ ປະຈໍາລາວ ເຂົ້າຢ້ຽມອໍາລາ ລັດຖະມົນຕີກະຊວງການຕ່າງປະເທດ ເນື່ອງໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ

ໃນຕອນບ່າຍວັນທີ 14 ມັງກອນ 2026 ທີ່ຜ່ານມາ, ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ...

ປິດການສັນຈອນຊົ່ວຄາວ ໂດຍບໍ່ອະນຸຍາດໃຫ້ລົດທີ່ມີນໍ້າໜັກ 12 ໂຕນຂຶ້ນໄປ ແລ່ນຜ່ານເລີ່ມແຕ່ ບ້ານເລົ່າໂພໄຊ-ແຍກທາງເຂົ້າທາດເມືອງເກົ່າ ແຂວງຄໍາມ່ວນ ລະຫວ່າງ ວັນທີ 13 ມັງກອນ 2026 ຫາ 03 ກຸມພາ 2026

ອີງຕາມແຈ້ງການຂອງຫ້ອງວ່າການເມືອງເມືອງທ່າແຂກ, ແຂວງຄໍາມ່ວນ ເລກທີ 03/ຫວມ ທ່າແຂກ, ລົງວັນທີ 13 ມັງກອນ 2026 ຮຽນ: ບັນດາພໍ່ແມ່ປະຊາຊົນ, ພະນັກງານ, ທະຫານ, ຕໍາຫຼວດ, ພໍ່ຄ້າຊາວຂາຍ,...