ໜັງສືພິມວຽງຈັນທາມ ລາຍງານວ່າ ກະຊວງການຕ່າງປະເທດ ແຫ່ງ ສປປ ລາວ ໄດ້ອອກຖະແຫຼງການມື້ນີ້ວັນທີ 3 ກໍລະກົດ 2020 ວ່າ: ສປປ ລາວ ສະແດງຄວາມຊົມເຊີຍ ແລະ ສະໜັບສະໜູນ ສປ ຈີນ ຕໍ່ການຮັບຮອງເອົາກົດໝາຍ ວ່າດ້ວຍ ການຮັກສາຄວາມຫມັ້ນຄົງແຫ່ງຊາດ ຂອງເຂດປົກຄອງພິເສດຮົງກົງ ແຫ່ງ ສປ ຈີນ ທີ່ກອງປະຊຸມຄະນະກໍາມະການປະຈໍາສະພາຜູ້ແທນປະຊາຊົນທົ່ວປະເທດຈີນ ຄັ້ງທີ 20 ສະໄໝທີ 13, ໃນວັນທີ 30 ມິຖຸນາ 2020 ຜ່ານມາ.
ສປປ ລາວ ເຫັນວ່າ ການຈັດຕັ້ງປະຕິບັດກົດໝາຍດັ່ງກ່າວ ຈະຮັບປະກັນຄວາມຫມັ້ນຄົງ ແລະ ຄວາມຈະເລີນຂອງຮົງກົງໃນໄລຍະຍາວ. ລັດຖະບານ ສປປ ລາວ ເວລາໃດ ກໍ່ຢຶດໝັ້ນ ແລະ ສະໜັບສະໜູນນະໂຍບາຍຈີນດຽວ ແລະ ຮັບຮູ້ ຮົງກົງ ແມ່ນເຂດປົກຄອງພິເສດ ຂອງ ສປ ຈີນ ຕາມລະບົບການປົກຄອງ “ໜຶ່ງປະເທດ ສອງລະບອບ”.
ຮຽບຮຽງຂ່າວ: ພຸດສະດີ