spot_img
Homeຂ່າວຕ່າງປະເທດເອີຣົບອະນຸຍາດໃຫ້ 14 ປະເທດເດີນທາງເຂົ້າ-ອອກເອີຣົບໄດ້ໃນຊ່ວງໂຄວິດ-19

ເອີຣົບອະນຸຍາດໃຫ້ 14 ປະເທດເດີນທາງເຂົ້າ-ອອກເອີຣົບໄດ້ໃນຊ່ວງໂຄວິດ-19

Published on

ເວັບໄຊ sanook ລາຍງານວ່າ ຕາມການລາຍງານຂອງຣອຍເຕີ ໂດຍ 27 ປະເທດສະມາຊິກຂອງສະຫະພາບເອີຣົບ ມີມະຕິເມື່ອວັນອັງຄານທີ່ຜ່ານມາ ໃຫ້ອະນຸຍາດພົນລະເມືອງຈາກ 14 ປະເທດນອກກຸ່ມອີຢູ ສາມາດເດີນທາງເຂົ້າອອກປະເທດໃນກຸ່ມໄດ້.

ທັງ 14 ປະເທດທີ່ຢູ່ໃນລາຍການປະເທດທີ່ປອດໄພຈາກໂຄວິດ-19 ເຊິ່ງມີຜົນບັງຄັບໃຊ້ໃນວັນທີ 1 ກໍລະກົດ 2020 ໄດ້ແກ່: ອັລຈີເຣຍ, ອົດສະຕາລີ, ການາດາ, ຈໍເຈຍ, ຍີ່ປຸ່ນ, ມອນເຕເນໂກຣ, ໂມຣອດໂຄ, ນິວຊີແລນ, ຮວານດາ, ເຊີເບຍ, ເກົາຫຼີໃຕ້, ໄທ, ຕູນີເຊຍ ແລະ ອຸຣຸກວັຍ.

ຂະນະທີ່ສະຫະລັດອາເມລິກາ, ຣັດເຊຍ, ບຣາຊິນ, ຕວັກກີ ຢູ່ໃນກຸ່ມທີ່ຜູ້ຕິດຕາມເຊື້ອໂຄວິດ-19 ສູງເກີນມາດຕະຖານທີ່ສະຫະພາບເອີຣົບ ກຳນົດ ແລະ ຕ້ອງລໍຖ້າໄປອີກ 2 ອາທິດໃນການພິຈາລະນາຕໍ່ຈາກນີ້.

ໃນການຖະແຫຼງການຂອງສະຫະພາບເອີຣົບ ລະບຸວ່າ ເກນການພິຈາລະນາໃຫ້ປະເທດທີ່ປອດໄພ ແມ່ນອ້າງອີງຈາກຂໍ້ມູນທາງວິທະຍາສາດ ລວມເຖິງອັດຕາການຕິດເຊື້ອລາຍໃໝ່ໃນປະເທດທີ່ຕ້ອງຢູ່ໃນລະດັບຕໍ່າ ຄື ນ້ອຍກວ່າ 16 ຄົນ ຕໍ່ປະຊາກອນ 1 ແສນຄົນໃນປະເທດມີແນວໂນ້ມຕິດເຊື້ອໃໝ່ທີ່ທີ່ຫຼຸດລົງຕໍ່ເນື່ອງ ແລະ ມີການບັງຄັບໃຊ້ມາດຕະການຮັກສາໄລຍະຫ່າງທາງສັງຄົມທີ່ພຽງພໍ.

 

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສສ ຫວຽດນາມ ຕັ້ງເປົ້າໃຫ້ພາສາອັງກິດ ເປັນພາສາທີສອງ ໃນປີ 2035

ຫວຽດນາມປັບແຜນການຮຽນຄັ້ງສຳຄັນໃນປະເທດ ໂດຍຕັ້ງເປົ້າໃຫ້ພາສາອັງກິດເປັນພາສາທີສອງ ພາຍໃນປີ 2035 ເຊິ່ງຈະຄ່ອຍໆເລີ່ມໃນແຕ່ລະໂຮງຮຽນທົ່ວປະເທດ. ສຳລັບໂຄງການນີ້ ແມ່ນເລີ່ມແຕ່ປີ 2025 ໄປຈົນເຖິງປີ 2035 ແລະ ມີແຜນຈະຂະຫຍາຍໄປຕື່ມຈົນຮອດປີ 2045 ໂດຍກຳລັງຄັດເລືອກວິທະຍາໄລ ແລະ...

ເປີດການນໍາໃຊ້ຢ່າງເປັນທາງການ ທ່າທຽບເຮືອເລກ 3 ທ່າເຮືອສາກົນ ລາວ-ຫວຽດ

ຄະນະຜູ້ແທນຂັ້ນສູງ ພັກ, ລັດ ແຫ່ງ ສປປ ລາວ ນໍາໂດຍ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ...

ຫຼາຍເພຈໃນລາວຖືກແອບອ້າງ!

ເຕືອນໄພ! ທາງສື່ສັງຄົມອອນລາຍ ປັດຈຸບັນໄດ້ມີກຸ່ມຄົນບໍ່ດີ ຫຼື ມິດສາຊີບ ພະຍາຍາມສ້າງເພຈປອມຂອງສຳນັກຂ່າວຕ່າງໆຂຶ້ນຫຼາຍ. ເມື່ອ 2 ອາທິດທີ່ຜ່ານມານີ້, ຜູ້ນຳໃຊ້ສື່ສັງຄົມອອນລາຍພົບເຫັນເພຈປອມທີ່ແອບອ້າງເປັນເພຈຂອງສຳນັກຂ່າວເພື່ອຍິງໂຄສະນາຂາຍສິນຄ້າຕ່າງໆ ໂດຍໄດ້ນຳໃຊ້ໂລໂກ້, ພາບໜ້າປົກ, ຂໍ້ມູນຂ່າວລົງໃນເພຈປອມເພື່ອໃຫ້ຜູ້ອ່ານເຊື່ອຖື ຫຼັງຈາກນັ້ນແມ່ນຍິງໂຄສະນາ ແລະ...

ພະຍາກອນອາກາດ ເຊົ້າວັນທີ 28 ເມສາ 2025

ພາກເໜືອ-ພາກກາງກຽມຮັບມື ສະພາບອາກາດຮ້ອນ-ຮ້ອນເອົ້າ ອຸນຫະພູມສູງສຸດ 40 ອົົງສາ ຄວາມກົດດັນຕ່ຳຂອງອາກາດຮ້ອນຈະປົກຄຸມຢູ່ທົ່ວທຸກພາກຂອງ ປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີຝົນຕົກຟ້າຮ້ອງ, ຟ້າເຫລື້ອມໃນລະດັບຄ່ອຍຫາປານກາງພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກຕື່ມອີກ. ພະຍາກອນອາກາດ ແຕ່ເວລາ 07...