ພາຍຸຫິມະຖະຫລົ່ມສາຍພູຫິມາໄລ ພົບຜູ້ເສຍຊີວິດແລ້ວ 24 ຄົນ ພ້ອມເລັ່ງຄົ້ນຫາຕໍ່ອີກຫລາຍລາຍທີ່ສູນຫາຍ
ຄາດຈຳນວນຜູ້ເສຍຊີວິດຍັງຈະເພີ່ມອີກ.
ໃນວັນທີ 15 ຕຸລາຜ່ານມານີ້ ສຳນັກຂ່າວຕ່າງປະເທດລາຍງານວ່າ ເກີດເຫດພາຍຸຫິມະ ແລະ ຫິມະຖະຫລົ່ມເທິງ
ສາຍພູຫິມາໄລ ປະເທດເນປານ ຈາກອິດທິພົນຂອງພາຍຸໄຊໂຄນ ຮຸດຮຸດ ສົ່ງຜົນເຮັດໃຫ້ມີຜູ້ເສຍຊີວິດແລ້ວ
24 ຄົນ ເຊິ່ງລວມທັງນັກປີນພູ ແລະ ຊາວໄຮ່ອີກຈຳນວນຫລາຍສິບຄົນຍັງຄົງສູນຫາຍຢູ່.
ລາຍງານໄດ້ລະບຸວ່າ ຈຳນວນຜູ້ເຊຍຊີວິດນັ້ນແມ່ນເປັນນັກປີນພູຫລາຍຊາດເຊັ່ນ: ຫວຽດນາມ, ໂປໂລຍ, ອິດ
ສະລາແອນ, ອິນເດຍ, ການາດາ ແລະ ເນປານ ເຊິ່ງເສຍຊີວິດຈົມຢູ່ກ້ອງກອງຫິມະຢ່າງໜ້າສະຫລົດໃຈ, ນອກ
ຈາກນີ້ກໍຍັງພົບເປັນຊາວໄຮ່ໃນພື້ນທີ່ ລວມຢູ່ໃນຈຳນວນຜູ້ເສຍຊີວິດນັ້ນດ້ວຍ.
ຢ່າງໃດກໍຕາມ ທີມກູ້ໄພສາມາດຊ່ວຍຊີວິດນັກປີນພູໄດ້ເກືອບ 40 ຄົນ ເຊິ່ງທັງໝົດໄດ້ຖືກນຳສົ່ງໂຮງໝໍ, ແຕ່
ກໍຍັງມີອີກຫລາຍສິບຄົນຍັງຄົງສູນຫາຍ ໂດຍຍັງບໍ່ທັນຮູ້ຊາຕາກຳ, ບາງຄົນຖືກຝັງຢູ່ກ້ອງກອງຫິມະທີ່ໜາ
ຈິ່ງຕ້ອງໄດ້ປະຕິບັດການຄົ້ນຫາກັນຕໍ່ ຄາດວ່າຈະໃຊ້ເວລາອີກຫລາຍມື້ ແລະ ຕົວເລກຂອງຜູ້ເສຍຊີວິດອາດຈະ
ເພີ່ມຂຶ້ນອີກ.
