spot_img
Homeຂ່າວທ້ອງຖິ່ນຂັ້ນຕອນ ແລະ ເອກະສານທີ່ຕ້ອງມີເມື່ອເວລາໄປພົວພັນຮັບເງິນອຸດໜູນວ່າງງານ

ຂັ້ນຕອນ ແລະ ເອກະສານທີ່ຕ້ອງມີເມື່ອເວລາໄປພົວພັນຮັບເງິນອຸດໜູນວ່າງງານ

Published on

ໜັງສືພິມ ເສດຖະກິດ-ການຄ້າ ລາຍງານໃຫ້ຮູ້ວ່າ ສຳລັບກຸ່ມເປົ້າໝາຍທີ່ຈະໄດ້ຮັບເງິນອຸດໜູນວ່າງງານແມ່ນ ຜູ້ປະກັນຕົນທີ່ເຮັດວຽກຢູ່ຫົວໜ່ວຍແຮງງານ ທີ່ໄດ້ຢຸດກິດຈະການຊົ່ວຄາວ ຫຼື ຖືກໃຫ້ພັກວຽກ ໂດຍບໍ່ໄດ້ຮັບເງິນເດືອນ ຫຼື ຄ່າແຮງງານນັບແຕ່ວັນທີ 1 ພຶດສະພາ 2020 ເປັນຕົ້ນມາ.

ເອກະສານປະກອບມີ: ໜັງສືສະເໜີຂອງຫົວໜ່ວຍແຮງງານເຖິງອົງການປະກັນສັງຄົມແຫ່ງຊາດ, ໃຫ້ຕົວແທນຫົວໜ່ວຍວິສາຫະກິດມາພົວພັນໂດຍກົງກັບອົງການປະກັນສັງຄົມແຫ່ງຊາດ, ມີໃບຢັ້ງຢືນທາງການຈາກພາກສ່ວນກ່ຽວຂ້ອງໃນການຢຸດດຳເນີນກິດຈະການຊົ່ວຄາວ (ສຳລັບຫົວໜ່ວຍແຮງງານທີ່ນອນໃນຂົງເຂດທຸລະກິດທີ່ສືບຕໍ່ໃຫ້ປິດການດຳເນີນກິດຈະການ ຕາມຄຳສັ່ງບໍ່ຈຳເປັນຕ້ອງມີການຢັ້ງຢືນ), ແຈ້ງບັນຊີພະນັກງານລວມທັງເລກລະຫັດປະກັນສັງຄົມ ແລະ ບັນຊີທະນາຄານຂອງພະນັກງານແຕ່ລະຄົນ.

ພາຍຫຼັງຍື່ນເອກະສານແລ້ວ ອົງການປະກັນສັງຄົມຈະກວດສອບຂໍ້ມູນແລ້ວແຈ້ງຢັ້ງຢືນຈຳນວນຜູ້ທີ່ຄົບເງື່ອນໄຂໄດ້ຮັບອຸດໜູນເຖິງຫົວໜ່ວຍແຮງງານ. ອັນສຳຄັນຜູ້ຈະໄດ້ອຸດໜູນວ່າງງານຕ້ອງຈ່າຍເງິນສົມທົບ 12 ເດືອນຂຶ້ນໄປ, ສ່ວນຜູ້ເປັນສະມາຊິກປະກັນຕົນແບບສະໝັກໃຈແມ່ນບໍ່ຢູ່ໃນເງື່ອນໄຂຮັບອຸດໜູນວ່າງງານ.

ສຳລັບຜູ້ທີ່ມີເງື່ອນໄຂໄດ້ອຸດໜູນວ່າງງານ ສະເພາະຫົວໜ່ວຍວິສາຫະກິດທີ່ໄດ້ຮັບຜົນກະທົບໃນໄລຍະການແຜ່ລະບາດ ໂຄວິດ-19 ໃຫ້ຫົວໜ່ວຍວິສາຫະກິດເຂົ້າມາດຳເນີນເອກະສານໃຫ້ພະນັກງານຂອງຕົນ ຫຼີກລ່ຽງບໍ່ໃຫ້ບຸກຄົນມາເອງ (ຮັກສາໄລຍະຫ່າງ) ຖ້າມີຄຳຖາມເພີ່ມເຕີມໂທໄດ້ທີ່ ສາຍດ່ວນ 1508 / 021 225042, 021 225043, 021 241280.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...