spot_img
Homeຂ່າວທ້ອງຖິ່ນTravel Bubble ຮູບແບບການທ່ອງທ່ຽວແບບໃໝ່ໃນຍຸກໂຄວິດ-19

Travel Bubble ຮູບແບບການທ່ອງທ່ຽວແບບໃໝ່ໃນຍຸກໂຄວິດ-19

Published on

ການລະບາດໂຄວິດ-19 ສົ່ງຜົນກະທົບໂດຍກົງຕໍ່ການເດີນທາງ ແລະ ການທ່ອງທ່ຽວ; ຫຼ້າສຸດ ອົງການທ່ອງທ່ຽວໂລກເຕືອນວ່າ ວິກິດການສາທາລະນະສຸກຄັ້ງນີ້ອາດເຮັດໃຫ້ນັກທ່ອງທ່ຽວທົ່ວໂລກຫາຍໄປກວ່າ 80% ໃນປີນີ້ ແລະ ເພີ່ມຄວາມສ່ຽງທີ່ຈະເຮັດໃຫ້ຄົນຕົກງານຢ່າງໜ້ອຍ 100 ລ້ານຄົນ.

Travel Bubble ຖືໄດ້ວ່າເປັນຄໍາຕອບເພື່ອແກ້ໄຂບັນຫາການຢຸດຊະງັກການສັນຈອນຂອງນັກທ່ອງທ່ຽວໃນໄລຍະນີ້ ກໍຄື ການຕົກລົງກັນລະຫວ່າງກຸ່ມປະເທດທີ່ປອດໄພ ປອດເຊື້ອຈາກພະຍາດໂຄວິດ-19 ໃຫ້ເດີນທາງໄປມາຫາສູ່ກັນໄດ້.

ກໍລະນີ ປະເທດນິວຊີແລນ ແລະ ອົດສະຕາລີ ຮັບປາກວ່າຈະເຮັດ ເຂດທ່ອງທ່ຽວປອດໂຣກ (Travel Bubble) ເປີດປ່ອງການເດີນທາງລະຫວ່າງກັນເພື່ອຄວາມປອດໄພຫຼາຍທີ່ສຸດ ສ່ວນຈີນກໍ່ເລີ່ມອະນຸຍາດໃຫ້ປະຊາຊົນເດີນທາງພາຍໃນປະເທດ ເຖິງແມ່ນວ່າຍັງບໍ່ເປີດຮັບນັກທ່ອງທ່ຽວຕ່າງຊາດ ສ່ວນປະເທດໄທ ກໍ່ກຳລັງເຮັດຣີສອດພິເສດເປັນເຂດກັກກັນສຳລັບນັກທ່ອງທ່ຽວຕ່າງປະເທດທີ່ເດີນທາງເຂົ້າມາທ່ຽວໄທ.

ຂໍ້ສະເໜີການເຮັດ ເຂດທ່ອງທ່ຽວປອດໂຣກ ຂອງອົດສະຕາລີ ແລະ ນິວຊີແລນ ເປັນການເປີດພື້ນທີ່ກວ້າງໃຫ້ປະຊາຊົນທີ່ອາໃສຢູ່ທັງສອງປະເທດສາມາດເດີນທາງທ່ອງທ່ຽວໄປມາໄດ້ຢ່າງເສລີ ໂດຍບໍ່ຈຳເປັນຕ້ອງມີການກັກກັນຕົວ ເຊິ່ງເຂດລະບຽງການທ່ອງທ່ຽວນີ້ຈະສ້າງປະໂຫຍດຕໍ່ທັງອົດສະຕາລີ ແລະ ນິວຊີແລນໃນມິຕິຕ່າງໆ ບໍ່ວ່າຈະເປັນການທ່ອງທ່ຽວ ເສດຖະກິດການຄ້າ ລວມເຖິງການຂົນສົ່ງ.

ບັນດາປະເທດໃນເຂດທະເລ 3 ແຫ່ງໄດ້ແກ່: ເອສໂຕເນຍ, ລັດເວຍ ແລະ ລິທົວເນຍ ປະກາດເປີດໃຫ້ຄົນ 3 ປະເທດເດີນທາງໄປມາຫາສູ່ກັນໄດ້ຕັ້ງແຕ່ວັນທີ 15 ພຶດສະພາ 2020 ທີ່ຜ່ານມາ ເພາະປະເທດສ່ວນໃຫຍ່ບໍ່ສາມາດປິດປະເທດໄດ້ດົນ ແລະ ຕໍ່ໄປທຸກປະເທດຕ້ອງເຮັດ Travel Bubble ຂອງຕົນເອງໄວ້.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...