ເວັບໄຊ bangkokbiznews ລາຍງານເມື່ອວັນທີ 28 ພຶດສະພາ ວ່າ ສະພາປະຊາຊົນຈີນຕົກລົງ ເຫັນດີໃນກົດໝາຍຄວາມໝັ້ນຄົງໃໝ່ສຳລັບຮົງກົງ ທີ່ກຳນົດໃຫ້ຜູ້ກະທຳການບັ່ນທອນອຳນາດລັດຖະບານຈີນ ໃນດິນແດນຮົງກົງ ຖືເປັນການກໍ່ອາຊະຍາກຳ ອີກທັງຍັງໃຫ້ອຳນາດລັດຖະບານກາງເຂົ້າໄປຕັ້ງໜ່ວຍງານຄວາມໝັ້ນຄົງໃນຮົງກົງໄດ້ເປັນຄັ້ງທຳອິດ.

ຫຼັງຈາກຮ່າງກົດໝາຍນີ້ຜ່ານສະພາແລ້ວ ຈະຖືກສົ່ງໄປທີ່ຄະນະກຳມະທິການຖາວອນພັກຄອມມູນິດ ແລະ ຈະບັງຄັບໃຊ້ເປັນກົດໝາຍພາຍໃນເດືອນ ສິງຫານີ້.

ກົດໝາຍສະບັບໃໝ່ລະບຸໃຫ້ການກະທຳຕໍ່ໄປນີ້ຖືເປັນຄວາມຜິດທາງອາຍາ ໄດ້ແກ່: ການແບ່ງແຍກຮົງກົງອອກຈາກຈີນ, ການໂຄ່ນລົ້ມລັດຖະບານຈີນ ແລະ ການກໍ່ການຮ້າຍ ໃຊ້ຄວາມຮຸນແຮງ ຫຼື ກອງກຳລັງພາຍນອກຄຸກຄາມກິດຈະກຳປະຊາຊົນ ອັນເປັນແຊກແຊງກິດຈະການພາຍໃນຮົງກົງ.

ຮຽບຮຽງຂ່າວ:​ ພຸດສະດີ