spot_img
Homeຂ່າວຕ່າງປະເທດWHO ລະບຸການລະບາດໂຣກໂຄວິດ-19 ຍັງຢູ່ໃນໄລຍະຮອບທຳອິດເທົ່ານັ້ນ

WHO ລະບຸການລະບາດໂຣກໂຄວິດ-19 ຍັງຢູ່ໃນໄລຍະຮອບທຳອິດເທົ່ານັ້ນ

Published on

ເວັບໄຊຂ່າວ sanook ລາຍງານໃຫ້ຮູ້ວ່າ ປັດຈຸບັນຈຳນວນຜູ້ຕິດເຊື້ອໂຄວິດ-19 ໃນທົ່ວໂລກຈຳນວນ ມີ 5,584,211 ຄົນ ແລະ ເສຍຊີວິດ 347,613 ຄົນ. ໃນເອີຣົບ ໄລຍະອາທິດທີ່ຜ່ານມາ ຈຳນວນຜູ້ຕິດເຊື້ອລາຍໃໝ່ຫຼຸດລົງເຫຼືອພຽງຫຼັກຮ້ອຍຄົນເທົ່ານັ້ນ ໃນຂະນະທີ່ຈຳນວນຜູ້ເສຍຊີວິດໃນ ອິຕາລີ, ຝຣັ່ງ ແລະ ເຢຍລະມັນ ກໍ່ມີຕົວເລກຫຼຸດລົງນັບຕັ້ງແຕ່ມີການລະບາດເມື່ອເດືອນມີນາເປັນຕົ້ນມາ ສ່ວນໃນອາເມລິກາມີຈຳນວນຜູ້ເສຍຊີວິດເຖິງ 99,805 ຄົນ.

ອາທິດທີ່ຜ່ານມາຫຼາຍປະເທດໃນເອີຣົບ ແລະ ຫຼາຍລັດໃນອາເມລິກາເລີ່ມຜ່ອນຄາຍມາດຕະການປິດເມືອງ ແລະ ອະນຸຍາດໃຫ້ປະຊາຊົນເດີນທາງໄປທ່ອງທ່ຽວໃນສະຖານທີ່ຕ່າງໆໄດ້ ໂດຍສະເພາະຫາດຊາຍ ແລະ ຫຼາຍລັດໃນອາເມລິກາປະຊາຊົນໄດ້ອອກມາສະເຫຼີມສະຫຼອງວັນພັກໃນພື້ນທີ່ຕ່າງໆ ຈົນຫຼາຍຝ່າຍກັງວົນວ່າການຢູ່ຮ່ວມກັນໂດຍບໍ່ມີການຮັກສາໄລຍະຫ່າງທາງສັງຄົມຈະເຮັດໃຫ້ເກີດການແຜ່ລະບາດຂອງເຊື້ອໄວຣັດອີກຮອບ.

ທ່ານ ດຣ. ໄມ ໄຣອັນ ຜູ້ອຳນວຍການໂຣກລະບາດສຸກເສີນຂອງອົງການອານາໄມໂລກ ກ່າວວ່າ ປັດຈຸບັນໂລກຍັງຢູ່ໃນໄລຍະກາງຂອງການລະບາດໂຣກໂຄວິດ-19 ໃນຮອບທຳອິດເທົ່ານັ້ນ ເນື່ອງຈາກຜູ້ຕິດເຊື້ອໃນທົ່ວໂລກຍັງເພີ່ມຂຶ້ນຕໍ່ເນື່ອງ ເຖິງແມ່ນວ່າຫຼາຍປະເທດຈະມີຈຳນວນຜູ້ຕິດເຊື້ອຫຼຸດລົງກໍ່ຕາມ.

 

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...