ນັບແຕ່ມີການລະບາດຂອງພະຍາດໂຄວິດ-19 ສປປ ລາວ ໄດ້ມີຫຼາຍມາດຕະການເຂັ້ມງວດໃນການຄວບຄຸມພະບາດດັ່ງກ່າວ ເຊິ່ງໜຶ່ງໃນນັ້ນແມ່ນການປິດດ່ານຈໍາກັດຄົນເຂົ້າ-ອອກ ແຕ່ກໍ່ຍັງມີນະໂຍບາຍແກ່ແຮງງານລາວຢູ່ຕ່າງປະເທດໃຫ້ສາມາດກັບເຂົ້າມາລາວໄດ້ຢູ່.

ຕາມການລາຍງານຈາກເພຈຂ່າວອີຈັນ ຂອງປະເທດໄທໃຫ້ຮູ້ວ່າ ຕອນເຊົ້າວັນທີ 7 ພຶດສະພາ 2020 ເວລາ 9:00 ໂມງ ບໍລິເວນຂ້າງເສັ້ນທາງ ແລະ ລານອາຄານການຄ້າຂົວມິດຕະພາບລາວ-ໄທ 1 ຈັງຫວັດໜອງຄາຍ ເຈົ້າໜ້າທີ່ສຳນັກງານສາທາລະນະສຸກຈັງຫວັດ ແລະ ສິ່ງແວດລ້ອມເທດສະບານເມືອງໜອງຄາຍ ໄດ້ຮ່ວມກັນກວດຄັດກອງ ແລະ ເຮັດບັນທຶກປະຫວັດແຮງງານລາວຈຳນວນ 250 ຄົນທີ່ລໍຖ້າຂ້າມແດນກັບປະເທດ.

ແນວໃດກໍ່ດີ, ທາງເຈົ້າໜ້າທີ່ ສປປ ລາວ ເມື່ອໄດ້ຮັບຂ່າວກໍ່ໄດ້ປະສານງານໄປຍັງເຈົ້າໜ້າທີ່ໄທ ເພື່ອກວດສອບຫາຄວາມເປັນຈີງ ແລະຂໍໃຫ້ຝ່າຍໄທສົ່ງຂໍ້ມູນໃຫ້ ເພື່ອຈະໄດ້ນຳສະເໜີຕໍ່ຂັ້ນເທິງໄດ້ພິຈາລະນາແກ້ໄຂຕໍ່ໄປ.

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: ໜັງສືພິມເສດຖະກິດ-ການຄ້າ