spot_img
Homeຂ່າວທ້ອງຖິ່ນຄາດຄະເນສະພາບອາກາດປະຈຳ 3 ເດືອນຕໍ່ໜ້າ! ຝົນຈະຕົກໜ້ອຍຫຼຸດເກນປົກກະຕິ

ຄາດຄະເນສະພາບອາກາດປະຈຳ 3 ເດືອນຕໍ່ໜ້າ! ຝົນຈະຕົກໜ້ອຍຫຼຸດເກນປົກກະຕິ

Published on

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດປະຈຳ 3 ເດືອນຕໍ່ໜ້າ (ພຶດສະພາ, ມິຖຸນາ, ກໍລະກົດ) 2020 ວ່າ: ຕະຫຼອດໄລຍະ ເດືອນ ເມສາ 2020 ອຸນຫະພູມສະພາບຂອງອຸນຫະພູມໜ້ານໍ້າທະເລຢູ່ເຂດມະຫາສະໝຸດປາຊີຟິກ ໄດ້ຮ້ອນສູງກວ່າເກນປົກກະຕິໃນລະດັບອ່ອນ ເຊິ່ງໄດ້ເຮັດໃຫ້ດັດສະນີການປ່ຽນແປງຂອງ NINO3.4 ຍັງມີຄ່າບວກ (ໃຫຍ່ກວ່າສູນ) ໃນອັດຕາທີ່ມີລະດັບອ່ອນ, ຄາດຄະເນໃນໄລຍະເດືອນ ພຶດສະພາ-ກໍລະກົດ 2020 ສະພາວະຂອງ ENSO ຈະຢູ່ໃນສະພາວະເປັນກາງ (Neutral) ທີ່ມີຄວາມເປັນໄປໄດ້ 70-80% ເຊິ່ງຈະເຮັດໃຫ້ສະພາບອາກາດໃນໄລຍະເດືອນພຶດສະພາ-ມິຖຸນາ-ກໍລະກົດ 2020 ຢູ່ໃນ ສປປ ລາວ ມີການປ່ຽນແປງດັ່ງນີ້:

ສະພາບອາກາດໃນເດືອນ ພຶດສະພາ 2020: ໄລຍະຕົ້ນເດືອນ ພຶດສະພາ ບໍລິເວນຄວາມກົດດັນຂອງອາກາດຮ້ອນຈະປົກຄຸມ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ອາກາດຮ້ອນ ຫາ ຮ້ອນເອົ້າໃນແຕ່ລະພາກ ພ້ອມມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງຢູ່ບາງທ້ອງຖິ່ນ, ໄລຍະກາງເດືອນ ຄວາມກົດດັນອາກາດສູງຈາກປະເທດຈີນ ຈະແຜ່ລົງມາປົກຄຸມເຂດພາກເໜືອຂອງປະເທດລາວດ້ວຍກຳລັງອ່ອນ ພ້ອມດຽວກັນບໍລິເວນຄວາມກົດດັນອາກາດຕໍ່າທີ່ມີກໍາລັງແຮງຈະປົກຄຸມເຂດທະເລອັນດາມັນ ແລະ ໄດ້ມີກະແສລົມຕາເວັນຕົກສ່ຽງໃຕ້ພັດປົກຄຸມພາກໃຕ້ ແລະ ພາກກາງຂອງປະເທດລາວ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍໃນແຕ່ລະພາກ ແລະ ຕົກປານກາງຢູ່ບາງທ້ອງຖິ່ນ, ຈົນມາຮອດໄລຍະທ້າຍເດືອນພຶດສະພາ 2020, ກະແສລົມມໍລະສຸມຕາເວັນຕົກສ່ຽງໃຕ້ຈະມີກໍາລັງແຮງເພີ່ມຂຶ້ນພັດປົກຄຸມ ເຊິ່ງຈະເຮັດໃຫ້ມີຝົນຕົກຫຼາຍເພີ່ມຂຶ້ນໃນແຕ່ລະພາກ ເຊິ່ງຈະເປັນໄລຍະເລີ່ມຕົ້ນລະດູຝົນປະຈຳປີ 2020. ຄາດຄະເນປະລິມານນໍ້າຝົນໃນເດືອນ ພຶດສະພາ 2020 ຈະມີຝົນຫຼຸດເກນປົກກະຕິເປັນສ່ວນຫຼາຍ.

ສະພາບອາກາດໃນເດືອນ ມິຖຸນາ 2020: ໃນໄລຍະຕົ້ນເດືອນ ມິຖຸນາ ສົມທົບກັບກະແສລົມມໍລະສູມຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ໃນແຕ່ລະພາກ, ຈາກນັ້ນໄລຍະກາງ ຫາ ທ້າຍເດືອນ ຮ່ອງຄວາມກົດດັນອາກາດຕໍ່າຈະພາດຜ່ານພາກເໜືອ ແລະ ພາກກາງຂອງປະເທດລາວ ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງ ແລະ ຕົກໜັກຢູ່ບາງທ້ອງຖິ່ນ, ຄາດຄະເນປະລິມານນໍ້າຝົນ ໃນເດືອນ ມິຖຸນາ 2020 ຈະມີຝົນຫຼຸດເກນປົກກະຕິ ເປັນສ່ວນຫຼາຍ.

ສະພາບອາກາດໃນເດືອນກໍລະກົດ 2020: ໃນໄລຍະຕົ້ນຫາກາງເດືອນກໍລະກົດ ຮ່ອງຄວາມກົດດັນອາກາດຕໍ່າຈະສືບຕໍ່ພັດຜ່ານພາກເໜືອ ແລະ ພາກກາງຂອງປະເທດລາວ ປ່ອງໃສ່ພາຍຸໝຸນເຂດຮ້ອນ ທີ່ຈະເຄື່ອນທີ່ຜ່ານພາກເໜືອຂອງປະເທດ ຟິລິບປິນ ແລະ ເຂດທະເລຈີນໃຕ້ຕອນເທິງ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍຢູ່ທົ່ວໄປ ແລະ ຕົກປານກາງ ຫາ ໜັກຢູ່ບາງທ້ອງຖິ່ນ. ຈາກນັ້ນ, ໄລຍະກາງ ຫາ ທ້າຍເດືອນ ກະແສລົມມໍລະສຸມຕາເວັນຕົກສ່ຽງໃຕ້ຈະອ່ອນກໍາລັງລົງ ເຊິ່ງຈະເຮັດໃຫ້ມີຝົນຕົກຫຼຸດລົງໃນແຕ່ລະພາກ ແລະ ມີບາງທ້ອງຖິ່ນອາດຈະມີຝົນຂາດຊ່ວງ. ຄາດຄະເນປະລິມານນໍ້າຝົນ ໃນເດືອນ ກໍລະກົດ 2020 ຈະມີຝົນຫຼຸດເກນປົກກະຕິ ເປັນສ່ວນຫຼາຍ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...