ໂດຍອີງຕາມແຜນການລະດົມທຶນ ເພື່ອປັບປຸງສ້ອມແປງເສັ້ນທາງທີ່ເປ່ເພ ແລະ ເສຍຫາຍຈາກສະພາບນ້ຳອັ່ງຂັງ
ຢູ່ນະຄອນຫຼວງວຽງຈັນ ໃນລະດູຝົນທີ່ຜ່ານມາ ເຈົ້າຄອງນະຄອນຫຼວງ ໄດ້ແຈ້ງໄປຍັງທຸກພາກສ່ວນໃນສັງຄົມ ທັງ
ພາກລັດ ແລະ ເອກະຊົນ ລວມທັງປະຊາຊົນຊາວນະຄອນຫຼວງທຸກຊັ້ນຄົນ ເພື່ອເຂົ້າຮ່ວມປະກອບສ່ວນຊ່ວຍເຫຼືອ
ສັງຄົມໃນການບູລະນະ ແລະ ສ້ອມແປງເສັ້ນທາງດ້ວຍ 2 ຮູບແບບຄື: ຈັດການແຂ່ງຂັນກີລາກ໊ອບຊິງຂັນນາຍົກ
ລັດຖະມົນຕີ ເຊິ່ງໄດ້ຈັດຂຶ້ນໃນວັນທີ 11 ຕຸລາ 2014 ທີ່ຜ່ານມາຢູ່ທີ່ສະໜາມກ໊ອບລອງແທງ ນະຄອນຫຼວງ ແລະ
ຮັບການປະກອບສ່ວນຊຸກຍູ້ຈາກພາກສ່ວນກົມກອງ ແລະ ບຸກຄົນທີ່ໃຈບຸນທີ່ຢາກປະກອບສ່ວນຊ່ວຍເຫຼືອສັງຄົມ.
ໃນຕອນບ່າຍວັນທີ 13 ຕຸລາ 2014 ທີ່ຜ່ານມາ ຢູ່ທີ່ຫ້ອງວ່າການປົກຄອງນະຄອນຫຼວງວຽງຈັນ ທ່ານ ດຣ. ສົມບູນ
ມະໂນລົມ ຜູ້ອຳນວຍການລັດວິສາຫະກິດຖືຮຸ້ນລາວ ໄດ້ມອບເງິນຈຳນວນ 20 ລ້ານກີບ ແລະ ຄະນະອຳນວຍການ
ທະນາຄານການຄ້າຕ່າງປະເທດ ໄດ້ມອບເງິນຈຳນວນ 5 ລ້ານກີບ ເພື່ອປະກອບສ່ວນສົມທົບທຶນປັບປຸງສ້ອມແປງ
ເສັ້ນທາງທີ່ເປ່ເພ ແລະ ເສຍຫາຍຈາກສະພາບນ້ຳໃນລະດູຝົນທີ່ຜ່ານມາ ເປັນກຽດກ່າວຮັບເງິນຈຳນວນດັ່ງກ່າວນີ້
ໂດຍທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫຼວງ.
ໃນໂອກາດດຽວກັນນີ້ ທ່ານຮອງເຈົ້າຄອງນະຄອນຫຼວງ ກໍ່ໄດ້ສະແດງຄວາມຂອບໃຈ ຕໍ່ຜູ້ອຳນວຍການລັດວິສາຫະ
ກິດຖືຮຸ້ນລາວ ແລະ ຄະນະອຳນວຍການທະນາຄານການຄ້າຕ່າງປະເທດ ທີ່ໃຫ້ກຽດ ແລະ ສະຫຼະທຶນຮອນ ເພື່ອປະ
ກອບສ່ວນເຂົ້າໃນການພັດທະນາປະເທດຊາດໃນຄັ້ງນີ້.
ແຫລ່ງຂ່າວ: ວຽງຈັນໃໝ່