ກົມຕຳຫລວດຈະລາຈອນ ກະຊວງປ້ອງກັນຄວາມສະຫງົບໃຫ້ຮູ້ວ່າ: ມີລົດໂດຍສານໝາຍເລກ ທະບຽນ ບກ 0064​

ກຳແພງນະຄອນ ພິກປີ້ນລົງຂ້າງທາງ ເລກ 13 ໃຕ້ໃນເຂດບ້ານຫ້ວຍລຳພັນ ແຂວງເຊກອງ ເມື່ອຕົ້ນອາທິດນີ້, ເຮັດ

ໃຫ້ມີຜູ້ໂດຍສານ ໄດ້ຮັບບາດເຈັບ 10 ກວ່າຄົນນັ້ນ ຍ້ອນຄວາມປະໝາດຂອງຜູ້ຂັບຂີ່, ເຊິ່ງລົດເມຄັນດັ່ງກ່າວແລ່ນ

ມາແຕ່ແຂວງເຊກອງ ເພື່ອມຸ່ງໜ້າມານະຄອນຫລວງວຽງຈັນ, ພໍມາຮອດຈຸດເກີດເຫດເສັ້ນທາງມີລັກສະນະເປັນ

ໂຄ້ງຄ້ອຍຊັນ ບວກກັບຂັບຂີ່ດ້ວຍຄວາມໄວສູງ ເຮັດໃຫ້ບໍ່ສາມາດຄວບຄຸມລົດໄວ້ໄດ້ ຈຶ່ງເສຍຫລັກເຈືອກປີ້ນລົງຂ້າງ

ທາງຢ່າງແຮງ ແຕ່ໂຊກບໍ່ມີຜູ້ເສຍຊີວິດ.

ເຈົ້າໜ້າທີ່ໃຫ້ຮູ້ວ່າ: ອຸປະຕິເຫດລົດເມປີ້ນເທື່ອນີ້ແມ່ນເປັນກໍລະນີທີສອງທີ່ເກີດຂຶ້ນໃນເດືອນນີ້ ເຊິ່ງກ່ອນໜ້ານີ້ຄື

ວັນທີ 6 ຕຸລາ ກໍແມ່ນເກີດອຸປະຕິເຫດລົດເມພິກປີ້ນລົງຂ້າງທາງ 13 ໃຕ້ໃນເຂດບ້ານຫີນສິວ ເມືອງຄົງເຊໂດນ ແຂວງ

ສາລະວັນ, ເຊິ່ງເຮັດໃຫ້ມີຜູ້ໂດຍສານໄດ້ຮັບບາດເຈັບສີບກວ່າຄົນເຊັ່ນກັນ.

ຂະນະທີ່ໃນອາທິດຜ່ານມາ ທົ່ວປະເທດມີອຸປະຕິເຫດເກີດຂຶ້ນແລ້ວ 60 ກວ່າກໍລະນີ, ມີຜູ້ເສຍຊີວິດ 10 ກວ່າຄົນ, ສາ

ເຫດຕົ້ນຕໍຍັງແມ່ນເກີດຈາກການຂັບຂີ່ແບບປະໝາດ ເຊັ່ນ : ດື່ມສິ່ງມຶນເມົາແລ້ວຂັບຂີ່ລົດ, ຂັບຂີ່ດ້ວຍຄວາມໄວສູງ,

ລ່ວງປ້າຍຫ້າມ, ລ່ວງໄຟອຳນາດ ແລະ ອື່ນໆ ບວກກັບສະພາບເສັ້ນທາງໃນຕົວເມືອງ ແລະ ທ້ອງຖິ່ນເກີດສະພາບເປ່ເພ

ຊຸດໂຊມເປັນຂຸມເປັນບວກ ກໍແມ່ນສາເຫດໜຶ່ງພາໃຫ້ມີອຸປະຕິເຫດເພີ່ມຂຶ້ນ, ສະນັ້ນ ຈຶ່ງຮຽກຮ້ອງໃຫ້ຜູ້ໃຊ້ລົດໃຊ້ຖະ

ໜົນຂັບຂີ່ຢ່າງມີສະຕິ, ເຄົາລົບກົດລະບຽບຈະລາຈອນຢ່າງເຂັ້ມງວດເພື່ອຮັບປະກັນຄວາມປອດໄພດ້ານຊີວິດ ແລະ

ຊັບສີນຂອງຕົນກໍຄືສວນລວມ ແລະ ເຮັດໃຫ້ສະພາບອຸປະຕິເຫດບົນທ້ອງຖະໜົນຫລຸດໜ້ອຍລົງ.

ແຫລ່ງຂ່າວ: ລາວພັດທະນາ