ຄະນະທີມວິໄຈຫວຽດນາມພົບວ່າ ໄວຣັດໂຄໂຣນາສາຍພັນໃໝ່ທີ່ກໍ່ໃຫ້ເກີດການລະບາດຄັ້ງໃຫຍ່ຂອງໂຣກໂຄວິດ-19 ນັ້ນ ມີວິວັດທະນາການແລ້ວ ແລະ ແບ່ງອອກເປັນ 2 ກຸ່ມຕາມທີ່ພົບໃນຫວຽດນາມ.

ທ່ານ ເລຖິ-ກວິນມາຍ (Le Thi Quynh Mai) ຮອງຜູ້ອຳນວຍການສະຖາບັນອະນາໄມ ແລະ ໂຣກລະບາດວິທະຍາແຫ່ງຊາດ ກ່າວວ່າ ທີມນັກວິໄຈພົບວ່າເຊື້ອໄວຣັດທີ່ເກັບມາຈາກຜູ້ປ່ວຍໂຄວິດ-19 ທີ່ເດີນທາງມາຈາກເອີຣົບ ມີຄວາມແຕກຕ່າງຈາກເຊື້ອໄວຣັດທີ່ພົບໃນຜູ້ປ່ວຍເຂດອາຊີ.

ຮອງຜູ້ອຳນວຍການອະທິບາຍເພີ່ມເຕີມວ່າ ການສຶກສາຂອງສະຖາບັນບໍ່ໄດ້ລະບຸວ່າກຸ່ມໃດກຸ່ມໜຶ່ງທີ່ເປັນເຫດໃຫ້ມີການແຜ່ເຊື້ອຫຼາຍກວ່າກັນ ເນື່ອງຈາກການແຜ່ກະຈາຍຂອງໄວຣັດຂຶ້ນຢູ່ກັບສະພາບແວດລ້ອມ, ພູມສັນຖານ ແລະ ຕົວຜູ້ຕິດເຊື້ອ ໃນຂະນະທີ່ການກວດພົບຄວາມປ່ຽນແປງຂອງໄວຣັດນີ້ຈະຊ່ວຍໃນການຜະລິດວັກຊີນໄດ້. 

ຮຽບຮຽງຂ່າວ: ພຸດສະດີ