spot_img
Homeຂ່າວທ້ອງຖິ່ນຄົນຍີ່ປຸ່ນ 119 ຄົນ ທີ່ອາໄສໃນລາວ ເດີນທາງກັບປະເທດດ້ວຍຖ້ຽວບິນພິເສດຂອງການບິນລາວ

ຄົນຍີ່ປຸ່ນ 119 ຄົນ ທີ່ອາໄສໃນລາວ ເດີນທາງກັບປະເທດດ້ວຍຖ້ຽວບິນພິເສດຂອງການບິນລາວ

Published on

ເນື່ອງຈາກຂໍ້ຈຳກັດດ້ານການເດີນທາງ ແລະ ການຍົກເລີກຖ້ຽວບິນສາກົນ ທີ່ອອກມາເມື່ອບໍ່ດົນມານີ້ ຍ້ອນການລະບາດຂອງພະຍາດ COVID-19, ເຮັດໃຫ້ຄົນຍີ່ປຸ່ນ ຈຳນວນ 119ຄົນ ທີ່ທັງອາໄສ ແລະ ມາທ່ອງທ່ຽວຢູ່ ລາວ ບໍ່ສາມາດອອກຈາກ ສປປ ລາວ ໄດ້ ຈຶ່ງໄດ້ຮ້ອງຂໍການຊ່ວຍເຫຼືອເພື່ອກັບຄືນຍີ່ປຸ່ນ.

ເພື່ອຕອບສະໜອງຕໍ່ການຮ້ອງຂໍຈາກສະຖານທູດຍີ່ປຸ່ນ ປະຈໍາ ສປປ ລາວການບິນລາວ ໄດ້ເຫັນດີຈັດຖ້ຽວບິນພິເສດທີ່ບິນກົງ ໄປຍັງສະໜາມບິນນາຣິຕະ (ແຂວງ ຈິບະ) ຢູ່ຍີ່ປຸ່ນ ເຊິ່ງໄດ້ເດີນທາງອອກຈາກນະຄອນຫຼວງວຽງຈັນ ກ່ອນຮຸ່ງເຊົ້າຂອງວັນທີ 6 ເມສາ ທີ່ຜ່ານມາ.

ໃນເວລາເດີນທາງ, ພະນັກງານສະຖານທູດຍີ່ປຸ່ນໄດ້ຊ່ວຍເຫຼືອຜູ້ໂດຍສານ ຢູ່ທີ່ສະໜາມບິນ ເພື່ອໃຫ້ການເດີນທາງ ດໍາເນີນໄປດ້ວຍດີ. ພ້ອມກັນນັ້ນກະຊວງໂຍທາທິການ ແລະ ຂົນສົ່ງກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບ ກໍໄດ້ຊ່ວຍອຳນວຍຄວາມສະດວກໃນການດໍາເນີນງານຂອງຖ້ຽວບິນດັ່ງກ່າວ.

ທ່ານ ທາເກວະກະ ເຄໂຊ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວໄດ້ຕ້ອນຮັບຈຸບິນຂອງຖ້ຽວບິນ ທີ່ເດີນທາງກັບມາຈາກ ຍີ່ປຸ່ນ ພ້ອມກັບ ທ່ານ ບຸນມາ ຈັນທະວົງສາ ຜູ້ອຳນວຍການບໍລິສັດການບິນລາວຢູ່ທີ່ສະໜາມບິນສາກົນວັດໄຕ ໃນຕອນຄໍ່າຂອງວັນຈັນ. ທ່ານທູດໄດ້ກ່າວສະແດງຄວາມຂອບໃຈ ເປັນຢ່າງສູງຕໍ່ກັບຈຸບິນ ແລະ ພະນັກງານຂອງການບິນລາວ ທີ່ເຮັດວຽກຢ່າງໜັກທັງເວັນ ແລະ ຄືນ ເພື່ອເຮັດໃຫ້ຖ້ຽວບິນພິເສດນີ້ເກີດຂຶ້ນ.

 

ຮຽງຮຽງຂ່າວ: ພຸດສະດີ

ແຫຼ່ງຂໍ້ມູນ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ເກືອບລ້ານເທື່ອຄົນ! ນັກທ່ອງທ່ຽວເຂົ້າມາທ່ຽວງຊົມແຂວງວຽງຈັນໃນ 3 ເດືອນຕົ້ນປີ 2025

3 ເດືອນຕົ້ນປີ 2025 ແຂວງວຽງຈັນສາມາດດຶງດູດນັກທ່ອງທ່ຽວເຂົ້າມາທ່ຽວຊົມໄດ້ 902.057 ເທື່ອຄົນ ແຫລ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ນັບແຕ່ເດືອນ ມັງກອນ ຫາ ເດືອນ ມີນາ 2025...

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...