spot_img
Homeຂ່າວທ້ອງຖິ່ນເສັ້ນທາງຕານມີໄຊ-ສີເກີດສຳເລັດການກໍ່ສ້າງຫຼາຍກວ່າ 80ເປີເຊັນ

ເສັ້ນທາງຕານມີໄຊ-ສີເກີດສຳເລັດການກໍ່ສ້າງຫຼາຍກວ່າ 80ເປີເຊັນ

Published on

ເສັ້ນທາງເຊື່ມຕໍ່ລະຫວ່າງຕານມີໄຊ ຫາ ສີເກີດ ເມືອງນາຊາຍທອງ ນະຄອນຫຼວງວຽງຈັນ ໂດຍເສັ້ນທາງທີ່ມີຄວາມຍາວ 9,4 ກິໂລແມັດ ໄດ້ສ້າງສຳເລັດຫຼາຍກວ່າ 80%.

ທ່ານ ສົມປະສົງ ຈັນທະວົງ ຜູ້ອຳນວຍການໂຄງການທີ່ປຶກສາ ໄດ້ໃຫ້ສຳພາດຕໍ່ໜັງສືພິມວຽງຈັນທາມເມື່ອວັນທີ 18 ມີນາ 2020 ທີ່ຜ່ານມາວ່າ: ໂຄງການໄດ້ສ້າງສຳເລັດແລ້ວ 85.01% ພ້ອມທັງຢືນຢັນວ່າວຽກງານຫຼັກຂອງໂຄງການຈະສຳເລັດພາຍໃນເດືອນມິຖຸນານີ້.

ໂຄງການດັ່ງກ່າວມີແຜນສ້າງສຳເລັດພາຍໃນເວລາ 2ປີ ແຕ່ງານບາງສ່ວນກໍ່ພົບບັນຫາເຮັດໃຫ້ເກີດຄວາມຊັກຊ້າ ເນື່ອງຈາກຄວາມຫຍຸ້ງຍາກທາງດ້ານການເງິນທີ່ຜູ້ຮັບເໝົາປະເຊີນໜ້າ ແລະ ສິ່ງດັ່ງກ່າວເຮັດໃຫ້ໂຄງການຕ້ອງຂະຫຍາຍອອກໄປ.

ມູນຄ່າການກໍ່ສ້າງທາງເສັ້ນນີ້ທັງໝົດຂອງໂຄງການແມ່ນຢູ່ທີ່ 45,1 ລ້ານໂດລາສະຫະລັດ (ປະມານ 367 ຕື້ກີບລວມທັງດອກເບ້ຍ) ໂດຍກຸ່ມບໍລິສັດ Tangchaleun Group Co Ltd ເປັນອອກທຶນກໍ່ສ້າງກ່ອນລ່ວງໜ້າທັງໝົດ ແລະ ລັດຖະບານຈະຈ່າຍຄືນໃຫ້ບໍລິສັດໃນໄລຍະເວລາ 7 ປີ ໂດຍອັດຕາດອກເບ້ຍທີ່ກຳນົດໄວ້ແມ່ນ 3.5 ເປີເຊັນຕໍ່ປີ.

ເສັ້ນທາງດັ່ງກ່າວມີຄວາມກວ້າງ 28 ແມັດ ແລະ ມີ 6 ເລນ, ເສັ້ນທາງກາງ, ທາງປູຢາງ, ຮ່ອງລະບາຍນໍ້າ ແລະ ໄຟຈະລາຈອນກໍ່ຈະຖືກຕິດຕັ້ງ.

ຖະໜົນເສັ້ນນີ້ມີພາຫະນະຫຼາຍຄັນນຳໃຊ້ໂດຍສະເພາະລົດບັນທຸກໜັກ ເພາະມັນເປັນທາງເຊື່ອມຕໍ່ເສັ້ນທາງເລກທີ 13 ເໜືອ ແລະໃຕ້, ເສັ້ນທາງ 450, ຖະໜົນ ໄກສອນພົມວິຫານຜ່ານມະຫາວິທະຍາໄລແຫ່ງຊາດລາວ ແລະ ຖະໜົນສາຍຫຼັກອື່ນໆ.

ການຍົກລະດັບເສັ້ນທາງມັນເປັນສິ່ງທີ່ສຳຄັນໃນຕົວເມືອງນະຄອນຫຼວງ ເພາະບັນຈະຊ່ວຍແກ້ໄຂບັນຫາການສັນຈອນທີ່ແອອັດຈາກຍານພາຫະນະຈຳນວນຫຼາຍ ແລະ ຍັງຊ່ວຍໃນດ້ານຄ້າຂາຍ, ຜູ້ຢູ່ອາໄສໃນທ້ອງຖິ່ນນັ້ນ ນອກຈາກນີ້, ມັນຍັງຈະເປັນທາງເລືອກສຳ ລັບລົດບັນທຸກໜັກ ທີ່ເດີນທາງລະຫວ່າງແຂວງພາກເໜືອ ຫາ ພາກໃຕ້ ແລະ ຈາກນະຄອນຫຼວງວຽງຈັນໄປສູ່ຂົວມິດຕະພາບລາວ – ໄທ 1 ອີກດ້ວຍ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ກອງປະຊຸມລັດຖະບານ ເປີດກວ້າງ ຄັ້ງທີ II ປະຈຳປີ 2025 ຈັດຂຶ້ນລະຫວ່າງ ວັນທີ 12-13 ມັງກອນ 2026

ໃນຕອນເຊົ້າວັນທີ 12 ມັງກອນ 2026 ທີ່ຫໍປະຊຸມແຫ່ງຊາດ, ລັດຖະບານ ໄດ້ໄຂກອງປະຊຸມເປີດກວ້າງ ຄັ້ງທີ II ປະຈໍາປີ 2025 ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ...

ປັບໃໝ 300,000 ກີບ ນະຄອນຫຼວງພະບາງເຂັ້ມງວດ ການຄຸ້ມຄອງຄວາມສະອາດຖ້າຖິ້ມຂີ້ເຫຍື້ອຊະຊາຍ ຈະປັບໃໝ 300,000 ກີບ ແລະ ຖ້າມີຄັ້ງທີ 2 ຈະຖືກປັບໃໝ 1,000,000 ກີບ

ອີງຕາມໜັງສືແຈ້ງການຂອງເຈົ້ານະຄອນ ຫຼວງພະບາງ ເລກທີ 004 ຈນ.ຫຼບ ລົງວັນທີ 9 ມັງກອນ 2026 ບໍລິສັດນຳທ່ຽວ, ສະມາຄົມລົດຕູ້ນຳທ່ຽວ, ສະມາຄົມເຮືອນຳທ່ຽວ, ຜູ້ປະກອບການດ້ານການທ່ອງທ່ຽວ,ລວມທັງພະນັກງານນຳທ່ຽວ (ໄກ້ນຳທ່ຽວ) ພາຍໃນນະຄອນ...

ຄົ້ນພົບພຣະພຸດທະຮູບເກົ່າ ຈໍານວນ105 ອົງ ຢູ່ເມືອງໂຂງ, ແຂວງຈຳປາສັກ ໃນນັ້ນມີພຣະທອງສຳລິດ ຈຳນວນ 4 ອົງ ແລະ ພຣະເງິນ ຈຳນວນ 101 ອົງ

ໃນວັນທີ 12 ມັງກອນ 2026 ນີ້, ໄດ້ມີການແຕກຕື່ນກັນທັງບ້ານ ເມື່ອມີການລາຍງານວ່າ: ໄດ້ຄົ້ນພົບພະພຸດທະຮູບເກົ່າແກ່ຈຳນວນຫຼາຍກວ່າຮ້ອຍອົງ ຢູ່ບໍລິເວນບ້ານເວີນຂາວ, ເມືອງໂຂງ, ແຂວງຈຳປາສັກ ເຊິ່ງສ້າງຄວາມປິຕິຊົມຊື່ນໃຫ້ແກ່ຊາວພຸດທະສາສະນິກະຊົນ ແລະ ປະຊາຊົນໃນທ້ອງຖິ່ນເປັນຢ່າງຍິ່ງ. ສະນັ້ນ,...

ການສ້າງສາຍພົວພັນການທູດ ລະຫວ່າງ ສປປ ລາວ ແລະ ຣາຊະອານາຈັກ ຮາຊິມິດ ຊອກດານີ ເຮັດໃຫ້ລາວ ມີສາຍພົວພັນການທູດເພີ່ມຂຶ້ນເປັນ 152 ປະເທດ

ໃນຕອນເຊົ້າຂອງ ວັນທີ 7 ມັງກອນ 2026, ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກ ຮາຊິມິດ ຊອກດານີ ໄດ້ລົງນາມຖະແຫຼງການຮ່ວມ ວ່າດ້ວຍ...