spot_img
Homeອຸບັດເຫດແລະປາກົດການຫຍໍ້ທໍ້3 ວັນ​ມີ​ອຸບັດ​ເຫດ​ເກີດ​ຂຶ້ນ 24 ກໍລະນີ

3 ວັນ​ມີ​ອຸບັດ​ເຫດ​ເກີດ​ຂຶ້ນ 24 ກໍລະນີ

Published on

lao6

ຕາມ​ການ​ສະຫລຸບອຸບັດ​ເຫດ​ 3 ວັນ​​ໃນ​ງານ​ບຸນຊ່ວງ​ເຮືອ​ປະຈຳ​ປີ 2014 ທີ່ ທ່າ​ວັດ​ຈັນ ນະຄອນຫລວງ​ວຽງຈັນ

ຂອງ​ທ່ານ  ພັຕ ບຸນ​ມາກ ສູນ​ດາ​ໄລ ​ຮອງ​ຫົວໜ້າພະ​ແນ​ກຕຳຫລວດ​ຈາລະ​ຈອນນະຄອນຫລວງວຽງຈັນ ໃຫ້​

ຮູ້​ວ່າ: ນັບ​ແຕ່​ວັນ​ທີ 7-9 ​ເດືອນຕຸລາ ປີ 2014, ມີ​ອຸບັດ​ເຫດ ​ເກີດ​ຂຶ້ນທັງໝົດ 24 ກໍລະນີ, ພະ​ຫາ​ນະ​ເປ່​ເພ

52 ຄັນ ​ແລະ ຜູ້ບາດ​ເຈັບ 47 ລາຍ, ​ເຫັນ​ວ່າ ອຸບັດ​ເຫດແມ່ນເພີ່ມ​ຂຶ້ນ​ແຕ່​ບໍ່ມີ​ຜູ້​ເສຍ​ຊີວິດ ຖ້າ​ທຽບ​ໃສ່​ປີ 2013

ມີອຸບັດ​ເຫດເກີດ​ຂຶ້ນ 19 ກໍລະນີ, ພາຫະນະ​ເປ່​ເພ 38 ຄັນ, ​ຜູ້​ບາດ​ເຈັບ 33 ລາຍ ​ແລະ ​ເສຍ​ຊີວິດ 1 ລາຍ.

ສາ​ເຫດ​ທີ່​ເກີດ​ອຸບັດ ​ເຫດ​ແມ່ນ​ຜູ້​ຂັບ​ຂີ່​ຂາດ​ສະຕິ, ດື່ມ​ຂອງ​ມືນ​ເມົາ​ແລ້ວ​ຂັບ​ຂີ່​ດ້ວຍ​ຄວາມ​ໄວ ​ແລະ ບໍ່​ເຄົາລົບ

​ກົດ​ລະບຽບຈາລະ​ຈອນ. ສະນັ້ນ ຢາກ​ຝາກ​ເຖິງ​ຜູ້​ໃຊ້​ລົດ​ ໃຊ້​ຖະ ໜົນຄວນມີ​ສະຕິ​​ເປັນ​ເຈົ້າ​ການ​​ປະຕິບັດ​ກົດ​ລະ

ບຽບຈາລະ​ຈອນ ​ແລະ ​​ແຈ້ງ​ການຕ່າງໆໃຫ້​ເຂັ້ມງວດ ​ເພື່ອ​​​ໃຫ້​ອຸບັດ​ເຫດ​ຕາມ​ທ້ອງ​ຖະໜົນຫລຸດ​ລົງ.

ທ່ານ​ຍັງ​ໃຫ້​ຮູ້​ຕື່ມ​ວ່າ: ​ເພື່ອ​ຄວາມ​ເປັນ​ລະບຽບຮຽບຮ້ອຍ​ໃນ​ງານ​ບຸນຊ່ວງ​ເຮືອ​ປະຈຳ​ປີ 2014 ທີ່ ທ່າ​ວັດ​ຈັນ​

ທາງ​ພາກສ່ວນ​ແນ​ກຕຳຫລວດ​ຈາລະ​ຈອນ ນະຄອນຫລວງວຽງຈັນ ​​ແມ່ນ​ມີ​ການວາງ​ກຳລັງ​ປ້ອງ​ກັນ​ທັງໝົດ

95ຈຸດ, ສະ​ເພາະ​ວົງ​ໃນ 56 ຈຸດ ​ແລະ ມີ​ກຳລັງ 300 ກວ່າ​ສະຫາຍ. ນອກ​ນັ້ນ ຍັງ​ໄດ້​ເປີດ​ບູດ​ຂອງ​ຕຳຫລວດ​ຈາ

ລະ​ຈອນ​ຂຶ້ນ ​ເພື່ອ​ໂຄສະນາ​ເຜີຍ​ແຜ່​ກົດ​ລະບຽບຈາລະ​ຈອນ​ໃຫ້​ແກ່ມ​ວນຊົນ​ທີ່​ເຂົ້າ​ຮ່ວມ​ ໃນ​ງານ​ບຸນ ​ໄດ້​ຮູ້​ເຖິງ

​ຜົນ​ເສຍ​ ຫາຍ​ຈາກ​ການບໍ່ປະຕິບັດ​ກົດ​ລະບຽບຈາລະ​ຈອນ. ການ​ໂຄສະນາ​ເຜີຍ​ແຜ່​ກົດ​ລະບຽບຈາລະ​ຈອນ​ໃນ​

ຄັ້ງນີ້ ​ເຫັນ​ວ່າ ​ໄດ້​ຮັບ​ຜົນ​ດີ ​ແລະ ມວນ​ຊົນ​ກໍ​ໃຫ້​ຄວາມສົນ​ໃຈ.

ສຳລັບ ​ສະພາບ​ຂອງການ​ສັນຈອນ​ປີນີ້ ​ແມ່ນມີ​ຄວາມ​ເປັນ​ລະບຽບຮຽບຮ້ອຍ, ​ສະດວກ​ສະບາຍ​ໃນ​ການ​ໃຊ້

​ລົດ​ໃຊ້​ຖະໜົນຂອງ​ພໍ່, ແມ່​ປະຊາຊົນຖ້າ​ທຽບ​ໃສ່​ປີຜ່ານມາ. ແຕ່​ຍັງມີ​ບາງ​ຈຸດ​ທີ່​ເຮັດ​ໃຫ້ການ​ສັນຈອນ​ແອ​ອັດ

​ເຊັ່ນ: ຈຸດໜ້າກະຊວງ​ແຜນການ ​ແລະ ການ​ລົງທຶນ, ຈຸດໜ້າ ວັດ​ອົງ​ຕື້, ອິນ​ແປງ ​ແລະ ຈຸດໜ້າຫໍ​ວັດທະນະ

ທຳ, ​ໄຟ​ແດງ​ຂົວ​ຫລວງ.  ສາ​ເຫດ​ແມ່ນ​ຜູ້​ປະກອບ​ການ​ຝາກ​ລົດ​ໄດ້​ເອົາ​ເສັ້ນທາງ​ດັ່ງກ່າວ​ ເຮັດ​ເປັນ​ບ່ອນ​ຝາກ

​ລົດ ຈຶ່ງ​ເຮັດ​ໃຫ້​ເສັ້ນທາງ​ແຄບ, ການ​ໄປມາ​ຂອງ​ລົດ​ບໍ່ສະດວກ ​ແລະ ການ​ເຂົ້າ​ຮ່ວມ​ຂອງ​ມວນ​ຊົນ​ໃນ​ປີນີ້​ແມ່ນ

​ເພີ່ມ​ຂຶ້ນຫລາຍ​ກວ່າ​ທຸກໆປີຜ່ານມາ.

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...