ໜ້າ ໜາວ ໃກ້ຈະມາຮອດແລ້ວ ແຕ່ກໍມີຝົນທີ່ຍັງຕົກຢູ່ບາງແຫ່ງ ແຕ່ໄລຍະອາກາດປ່ຽນແບບນີ້ແຫລະ ທີ່ຈະເຮັດໃຫ້ເຮົາບໍ່ສະບາຍໄດ້ ເຮົາຈຶ່ງຄວນເບິ່ງແຍງຮ່າງກາຍໃຫ້ແຂງແຮງສະເໝີ ພ້ອມຮັບກັບລະດູທີ່ກຳລັງຈະປ່ຽນໄປ ມື້ນີ້ເຮົາເລີຍມີຄຳແນະນຳດີ ໆໃນການເບິ່ງແຍງສຸຂະພາບຕົວເອງໃຫ້ຫ່າງໄກຈາກພະຍາດ ໃນໜ້າໜາວ ມາຝາກກັນ
- ຮັບປະທານອາຫານທີ່ມີປະໂຫຍດຄົບ 5 ໝູ່ ຢ່າງພຽງພໍ ດື່ມນ້ຳຫລາຍ ໆ ອອກກຳລັງກາຍສະໝ່ຳສະເໝີ ພັກຜ່ອນໃຫ້ພຽງພໍ
- ບໍ່ເຂົ້າໄປໃນທີ່ແອອັດ ໂດຍສະເພາະຊ່ວງທີ່ມີການລະບາດຂອງໄຂ້ຫວັດໃຫຍ່ ໄຂ້ຫວັດ 2009 ພະຍາດຄໍຕີບ
- ຫລີກລ້ຽງການສູບຢາ ດື່ມເຫຼົ້າ ແລະ ຢາເສບຕິດຕ່າງ ໆ ເນື່ອງຈາກອາດເຮັດໃຫ້ສຸຂະພາບເສື່ອມໂຊມ ຕິດເຊື້ອໄດ້ງ່າຍ
- ໃຊ້ ຜ້າປິດປາກ ປິດດັງ ເວລາໄອຈາມ ແລະ ເມື່ອເຈັບປ່ວຍ ມີອາການ ໄອ ຈາມ ຕ້ອງແຍກຕົວ ບໍ່ໃຫ້ຢູ່ໃກ້ກັບຜູ້ອື່ນ ໝັ່ນລ້າງມື ແລະ ຫລີກລ່ຽງການໄປໃນທີ່ຊຸມຊົນ ເພື່ອປ້ອງກັນການແພ່ເຊື້ອໄປສູ່ຜູ້ອື່ນ
- ຫຼີກລ່ຽງການຢູ່ໃກ້ຊິດກັບຜູ້ ທີ່ມີອາການ ໄຂ້ ໄອ ເຈັບຄໍ ແລະ ບໍ່ໃຊ້ສິ່ງຂອງສ່ວນຕົວຮ່ວມກັນ ເຊັ່ນ ຜ້າເຊັດໜ້າ ຜ້າເຊັດຕົວ ແກ້ວນ້ຳ ຈານ ຄວນໃຊ້ບ່ວງ ເມື່ອຮັບປະທານອາຫານຮ່ວມກັບຜູ້ອື່ນ
- ນຳລູກຫຼານໄປສີດວັກຊີນປ້ອງກັນພະຍາດຕາມກຳນົດນັດທຸກເທື່ອ
- ຮັບປະທານອາຫານສະອາດ ປຸງສຸກໃໝ່ ໆ
- ລ້າງມືເລື້ອຍໆ ດ້ວຍນ້ຳສະອາດ ແລະ ສະບູ່ ຫລັງສຳຜັດສິ່ງຂອງຕ່າງໆ ເຊັ່ນ ຮາວຂັ້ນໄດ ລູກບິດປະຕູ ແລະ ອື່ນໆ
- ຮັກສາຄວາມອົບອຸ່ນຂອງຮ່າງກາຍໃນໄລຍະລະດູໜາວ ຫລືໄລຍະທີ່ມີອາກາດປ່ຽນແປງ
- ໃສ່ເຄື່ອງໃຫ້ເໝາະກັບສະພາບອາກາດ ຫລັງອາບນ້ຳຄວນທາໂລຊັນ ຫລື ນ້ຳມັນທາຜິວ ປ້ອງກັນຮິມສົບແຫ້ງແຕກນຳ ລິບມັນ ບໍ່ຄວນເລຍຮິມສົບເລື້ອຍໆ
- ກໍລະນີຊື້ເຄື່ອງມືສອງມາໃຊ້ ຕ້ອງນຳມາຜ່ານຂັ້ນຕອນການເຮັດຄວາມສະອາດກ່ອນໃຊ້
ຢ່າລືມລອງໄປເຮັດຕາມຄຳແນະນຳເບິາງເດີ້ ເພື່ອສຸຂະພາບທີ່ແຂງແຮງຂອງຕົວທ່ານເອງ