spot_img
Homeຂ່າວທ້ອງຖິ່ນ7 ບ້ານຢູ່ສາລະວັນພົບໝູຕິດພະຍາດອະຫິວາໝູອາຟຣິກາ

7 ບ້ານຢູ່ສາລະວັນພົບໝູຕິດພະຍາດອະຫິວາໝູອາຟຣິກາ

Published on

ພະຍາດອະຫິວາໝູອາຟຣິກາລະບາດຢູ່ 2 ປະເທດໃກ້ຄຽງຄື ຈີນ ແລະ ຫວຽດນາມເມື່ອກາງເດືອນມີນາ 2019 ທີ່ຜ່ານມາ ຫຼ້າສຸດພົບໝູຕິດເຊື້ອພະຍາດດັ່ງກ່າວຢູ່ 7 ບ້ານຂອງເມືອງຕຸ້ມລານ ແຂວງສາລະວັນ ຄາດວ່າສາເຫດອາດເກີດມາຈາກຮານອາຫານຫວຽດນາມລັກລອບນຳເຂົ້າຜະລິດຕະພັນໝູມາປຸງແຕ່ງອາຫານໃນພື້ນທີ່ດັ່ງກ່າວ.

ອີງຕາມການແຈ້ງການກະຊວງກະສິກຳ ແລະ ປ່າໄມ້ ກົມລ້ຽງສັດ ແລະ ກົມປະມົງກ່ຽວກັບກໍລະນີກວດພົບເຊື້ອພະຍາດອະຫິວາໝູອາຟຣິກາຢູ່ເມືອງຕຸ້ມລານ ແຂວງສາລະວັນ ສະບັບເລກທີ 1609/ກລປ ລົງວັນທີ 20 ມິຖຸນາ 2019 ໂດຍແຈ້ງໃຫ້ຊາບວ່າ ໃນວັນທີ 17 ມິຖຸນາ 2019 ສູນວິໄຈພະຍາດສັດ ກົມລ້ຽງສັດ ແລະ ການປະມົງ ໄດ້ກວດພົບເຊື້ອພະຍາດອະຫິວາໝູອາຟຣິກາຈຳນວນ 8 ຕົວຢ່າງຈາກ 7 ບ້ານທີ່ມີການລະບາດຄື ບ້ານສາມັກຄີໄຊ​ ດິນດາກ ໂພນງາມ ແກ້ງຮັງ ນາລະຈາງ ຫ້ວຍຫວ້າ ແລະ ບ້ານນາຮ່ອງໃຫຍ່ທີ່ຂຶ້ນກັບເມືອງຕຸ້ມລານ ແຂວງສາລະວັນ.

ທ່ານ ສີແສງ ຂຸນສີ ຮອງຫົວໜ້າກົມລ້ຽງສັດ ແລະ ການປະມົງໃຫ້ຮູ້ວ່າ ປັດຈຸບັນໄດ້ກວດພົບໝູຕິດເຊື້ອພະຍາດດັ່ງກ່າວຢູ່ 7 ບ້ານຂອງເມືອງ ຕຸ້ມລານ ແຂວງ ສາລະວັນ, ຄາດວ່າສາເຫດອາດເກີດມາຈາກຮານອາຫານຫວຽດນາມລັກລອບນຳເຂົ້າຜະລິດຕະ ພັນໝູມາປຸງແຕ່ງອາຫານໃນພື້ນທີ່ດັ່ງກ່າວ ພ້ອມນີ້ ກໍມີການຄຸມເຂັ້ມຕັ້ງດ່ານກວດກາຢ່າງເຂັ້ມງວດບໍ່ໃຫ້ມີີການຍົກຍ້າຍໝູຈາກເມືອງດັ່ງກ່າວໄປເມືອງອື່ນພາຍໃນແຂວງຢ່າງເດັດຂາດ.

ດັ່ງນັນ ເພື່ອບໍ່ໃຫ້ພະຍາດແຜ່ລາມອອກເປັນວົງກວ້າງ ແລະ ສົ່ງຜົນກະທົບດ້ານລົບຕໍ່ການຜະລິດໝູ ແລະ ການດຳລົງຊີວິດຂອງປະຊາຊົນ ມີຄວາມຈຳເປັນຕ້ອງໄດ້ພ້ອມກັນຕ້ານ ສະກັດກັ້ນ ແລະ ຕອບໂຕ້ພະຍາດໃຫ້ສະຫງົບລົງໂດຍໄວ ຈຶ່ງໄດ້ແນະນຳໃຫ້ປະຕິ ບັດບາງມາດຕາແບບສຸກເສີນ.

ຂະນະທີ່ມີແຈ້ງການຈາກລັດຖະບານຂອງ ສປ ຈີນ ແລະ ຣາຊະອານາຈັກໄທ ທີ່ປະກາດສັ່ງຫ້າມນຳເຂົ້າຊີ້ນໝູ ຫຼື ຜະລິດຕະພັນທີ່ມີສ່ວນປະກອບຈາກຊີ້ນໝູຂອງລາວເຂົ້າປະເທດເດັດຂາດ.

 

ຮຽບຮຽງ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ໜັງສືພິມເສດຖະກິດ-ການຄ້າ

ບົດຄວາມຫຼ້າສຸດ

ປະຫວັດສາດໜ້າໃໝ່ທີ່ “ເຊໂນ”! ຈະເລີນໄຊ x ບຼູດອດ (Chalernchai | BlueDot) ເປີດໂຕ SENO EV Hub 400kW ທີ່ໄວທີ່ສຸດ! ຮອງຮັບການສາກພ້ອມກັນເຖິງ 8 ຄັນ ດັນລາວສູ່ສູນກາງການຂົນສົ່ງສີຂຽວ!

ວົງການຍານຍົນໄຟຟ້າ (EV) ຂອງ ສປປ ລາວ ຕ້ອງສັ່ນສະເທືອນອີກຄັ້ງ! ເມື່ອການຮ່ວມມືລະດັບຍຸດທະສາດລະຫວ່າງ “ບໍລິສັດ ຈະເລີນໄຊ ພັດທະນາ” ຜູ້ພັດທະນາຈຸດພັກລົດ ປ້ຳນ້ຳມັນ ປຕທ ເຊໂນ ແລະ ອີກຫຼາກຫຼາຍໂຄງການໃນແຂວງສະຫວັນນະເຂດ ຄົບວົງຈອນທີ່ໃຫຍ່ທີ່ສຸດໃນພາກກາງ ແລະ “ບໍລິສັດ ລາວທານີ ກົນຈັກໜັກ...

ປັບໃໝ 500.000 ກີບຕໍ່ອັນ ຫາກບຸກຄົນໃດຈູດໝາກກະໂພກ ບັ້ງໄຟດອກ ແລະ ໂຄມໄຟລອຍຟ້າໃນ ນວ ໂດຍສະເພາະງານສະເຫຼີມສະຫຼອງວັນປີໃໝ່ສາກົນ

ອີງຕາມແຈ້ງການຂອງ ພະແນກອຸດສາຫະກໍາ ແລະ ການຄ້າ ເລກທີ 2763/ພອຄ.ນວ.ຄພນ ລົງວັນທີ 16 ທັນວາ 2025 ເຖິງ : ຜູ້ປະກອບການ, ຊາວຄ້າຂາຍ, ບຸກຄົນ,...

ຄ້າງຊໍາລະ 2,996.85 ຕື້ກີບ ຮອງຫົວໜ້າພະແນກການເງິນ ນວ ຊີ້ແຈງການແກ້ໄຂໜີ້ສິນ ມີໜີ້ 278 ໂຄງການ ແລະ ປີ 2026 ນວ ແມ່ນຈະໄດ້ສືບຕໍ່ສຸມໃສ່ແກ້ໄຂໜີ້ສິນ

ທ່ານ ວຽງສາລີ ອິນທະພົມ ຮອງຫົວໜ້າພະແນກການເງິນ ນວ ຊີ້ແຈງການແກ້ໄຂໜີ້ສິນ ມີໜີ້ 278 ໂຄງການ ລວມມູນຄ່າຄ້າງຊໍາລະ 2,996.85 ຕື້ກີບ. ວັນທີ 16 ທັນວາ...

ຮື້ຖອນເຄີບທາງ BRT ແລະ ທາງທົ່ວໄປ ຫ້ອງວ່າການສໍານັກງານນາຍົກລັດຖະມົນຕີ ອອກແຈ້ງການກ່ຽວກັບໂຄງການຂົນສົ່ງແບບຢືນຍົງໃນຕົວເມືອງ ພ້ອມໃຫ້ດັດແກ້ແບບຕາມທິດຊີ້ນຳ ເພື່ອແກ້ໄຂການສັນຈອນທີ່ແອອັດ

ອີງຕາມແຈ້ງການຂອງຫ້ອງວ່າການ ສໍານັກງານນາຍົກລັດຖະມົນຕີ ສະບັບເລກທີ 2051/ຫສນຍ, ລົງວັນທີ 12 ທັນວາ 2025 ຂໍຖືເປັນກຽດແຈ້ງການຕົກລົງຂອງ ທ່ານ ນາຍົກລັດຖະມົນຕີ ມາຍັງທ່ານ ເພື່ອຊາບດັ່ງນີ້: ເຫັນດີໃຫ້ປະຕິບັດການເບີກຖອນຈ່າຍໃຫ້ຜູ້ຮັບເໝົາຕາມໜ້າວຽກທີ່ໄດ້ສຳເລັດຕົວຈິງ. ພ້ອມນັ້ນ,...