spot_img
Homeຂ່າວພາຍ​ໃນເຮືອຫຼວງພະບາງ-ຫາດສ້ຽວ-ຖິ່ນເພຍ ຄອງເຈົ້າໜ້ານ້ຳ ບຸນຊ່ວງເຮືອປະຈຳປີ 2014

ເຮືອຫຼວງພະບາງ-ຫາດສ້ຽວ-ຖິ່ນເພຍ ຄອງເຈົ້າໜ້ານ້ຳ ບຸນຊ່ວງເຮືອປະຈຳປີ 2014

Published on

 

20141009172900

 

ງານ​ບຸນ​ອອກ​ພັນ​ສາ​ປະ​ວໍລະນາ ແລະ ຊ່ວງ​ເຮືອ ປະຈຳ​ປີ 2014 ທີ່​ທ່າ​ວັດ​ຈັນ ເມືອງ​ຈັນທະບູ​ລີ ນະຄອນຫຼວງ​ວຽງ​ຈັນ

ໄດ້​ຈັດຂຶ້ນ​ຢ່າງ​ເບີກບານ​ມ່ວນຊື່ນ ໃນວັນ​ທີ 9 ຕຸລາ 2014 ເຊິ່ງ​ມີ​ເຮືອຊ່ວງ​ເຂົ້າ​ຮ່ວມ​ຊີງ​ໄຊ​ທັງ​ໝົດ 52 ລຳ ຂະນະ​ທີ່​ປະ

ຊາຊົນ​ລາວ​ບັນດາ​ເຜົ່າ ກໍ່​ຄື​ຊາວ​ນະຄອນຫຼວງວຽງ​ຈັນ ແລະ ນັກ​ທ່ອງ​ທ່ຽວ​ຊາວຕ່າງປະເທດ ໄດ້​ໃຫ້​ຄວາມ​ສົນໃຈ​ທ່ຽວ

​ຊົມ ແລະ ເລືອກ​ຊື້​ສິນຄ້າທີ່​ຈຳໜ່າຍ​ໃນ​ງານ​ບຸນ​ຢ່າງ​ຄຶກຄື້ນ ສຳລັບ​ພິທີ​ເປີດ​ການ​ແຂ່ງຂັນຊ່ວງ​ເຮືອ​ທ່າ​ວັດ​ຈັນ ປະຈຳ

​ປີ 2014 ຈັດ​ຂຶ້ນ​ຕອນ​ເຊົ້າວັນ​ທີ 9 ຕຸລາ ໃຫ້​ກຽດ​ເຂົ້າ​ຮ່ວມ​ຊົມ​ການແຂ່ງຂັນ​ຄັ້ງ​ນີ້ ມີ​ທ່ານ ບຸນ​ຍັງ ວໍລະ​ຈິດ ຮອງ​ປະ

ທານ​ປະເທດ ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ ພ້ອມດ້ວຍ​ບັນດາ​ລັດຖະມົນຕີ​ວ່າການຊ່ວຍ​

ວ່າການທູຕາ​ນູ​ທູດປະຈຳລາວ ແລະ ອົງ​ການຈັດຕັ້ງ​ກ່ຽວຂ້ອງ ຕະຫຼອດ​ຮອດ​ພໍ່​ແມ່​ປະຊາຊົນ​ບັນດາເຜົ່າ.

 

ງານ​ແຂ່ງຂັນ​ຊ່ວງ​ເຮືອ​ທ່າ​ວັດຈັນ ປະຈຳ​ປີ 2014 ມີ​ເຮືອ​ຊ່ວງເຂົ້າ​ຮ່ວມ​ແຂ່ງຂັນ​ທັງ​ໝົດ 52 ລຳ ໃນ​ນັ້ນ​ປະກອບ​ມີ:

ເຮືອ​ປະ​ເພນີ​ຊາຍ 13 ລຳ ປະເພນີ​ຍິງ 5 ລຳ ປະເພດ​ເຮືອ​ສູດ 7 ລຳ ແລະ ເຮືອກີລາ 12 ສີພາຍ (ເຮືອ​ກີລາ) 27 ລຳ ຜົນ​

ການ​ແຂ່ງຂັນ​ປະກົດ​ວ່າ: ເຮືອ​ປະເພນີ​ຊາຍ ຊະນະ​ເລີດ​ໄດ້ແກ່​ເຮືອ​ຈາກ​ແຂວງ​ຫຼວງ​ພະ​ບາງ ໄດ້​ຮັບ​ຂັນເງິນ 1 ໜ່ວຍ

ພ້ອມ​ເງິນສົດ 21 ລ້ານ​ກີບ ອັນ​ດັບ 2 ເຮືອຫາດ​ສ້ຽວ ຮັບ​ຂັນ​ພ້ອມ​ເງິນສົດ 15 ລ້ານ​ກີບ ອັນ​ດັບ 3 ເຮືອ​ບ້ານທ່າ​ແຂກ

ຮັບ​ຂັນ​ພ້ອມ​ເງິນສົດ 10 ລ້ານ​ກີບ ແລະ ອັນ​ດັບ 4 ເຮືອນ້ອຍ​ອິດ​ທະ​ລິດ ໄດ້​ຮັບ​ເງິນສົດ 5 ລ້ານ​ກີບ ປະເພດ​ເຮືອ​ປະ

ເພນີ​ຍິງ ຊະນະ​ເລີດ​ໄດ້ແກ່​ເຮືອ​ບ້ານ​ຫາດສ້ຽວ ຮັບ​ຂັນເງິນ 1 ໜ່ວຍ ພ້ອມເງິນສົດ 21 ລ້ານ​ກີບ ອັນ​ດັບ 2 ເຮືອ​ບ້ານ

​ທ່າ​ພະ ຮັບ​ຂັນ​ພ້ອມເງິນສົດ 15 ລ້ານ​ກີບ ອັນ​ດັບ 3 ເຮືອ​ບ້ານ​ຫາດ​ກ້ຽງ ຮັບ​ຂັນ​ພ້ອມເງິນສົດ 10 ລ້ານ​ກີບ ແລະ ອັນ

ດັບ 4 ເຮືອ​ນາງ​ສາວ​ນາ​ຕາ​ລີ (ເຮືອ​ນາໆຊາດ) ໄດ້​ຮັບ​ເງິນສົດ 5 ລ້ານ​ກີບ ປະເພດ​ເຮືອ​ສູດ ຊະນະ​ເລີດ​ໄດ້ແກ່​ເຮືອ​ບ້ານ

​ຖິ່ນ​ເພຍ ໄດ້​ຮັບ​ຂັນ​ພ້ອມ​ເງິນສົດ 21 ລ້ານກີບ ອັນ​ດັບ 2 ເຮືອ​ບ້ານ​ຈອມແຈ້ງ ຮັບ​ຂັນ​ພ້ອມ​ເງິນສົດ 10 ລ້ານ​ກີບ ອັນ

​ດັບ 3 ເຮືອ​ບ້ານ​ທ່າພະ ຮັບ​ຂັນພ້ອມ​ເງິນສົດ 5 ລ້ານກີບ ແລະ ອັນ​ດັບ 4 ເຮືອ​ບ້ານ​ທ່າມ່ວງ ໄດ້​ຮັບ​ເງິນສົດ 5 ລ້ານ​ກີບ

ປະເພດ​ເຮືອ 12 ສີພາຍ (ເຮືອ​ກີລາ) ຊະນະ​ເລີດ​ໄດ້ແກ່​ເຮືອ​ລຳມໍ​ເຕີ ໄດ້​ຮັບ​ຂັນພ້ອມ​ເງິນ​ລາງວັນ 8 ລ້ານ​ກີບ ອັນ​ດັບ 2

ເຮືອນາງ​ສາວ​ຢາດ​ຟ້າ ໄດ້​ຮັບ​ຂັນພ້ອມ​ເງິນສົດ 6 ລ້ານ​ກີບ ແລະ ອັນ​ດັບ 3 ເຮືອ​ປະດັບ​ເພັດ ໄດ້​ຮັບຂັນ​ພ້ອມ​ເງິນສົດ

4 ລ້ານ​ກີບ.

 

ເປັນ​ກຽດ​ເຂົ້າ​ຮ່ວມ​ພິທີ​ປິດ​ການແຂ່ງຂັນ ແລະ ມອບ​ລາງວັນງານ​ບຸນຊ່ວງເຮືອ​ທ່າ​ວັດ​ຈັນ ປະຈຳປີ 2014 ໂດຍ​ທ່ານ

​ດຣ. ພັນຄຳ ວິພາ​ວັນ ຮອງ​ນາຍົກ​ລັດ​ຖະມົນຕີ ລັດຖະມົນຕີ​ວ່າການ​ກະຊວງ​ສຶກ​ສາ​ທິ​ການ ແລະ ກີລາ ທ່ານ ສົມ​ວັນ​ດີ

ນາ​ຖາ​ວົງ ຮອງເຈົ້າ​ຄອງ​ນະຄອນຫຼວງ.

 

ແຫລ່ງຂ່າວ: ວຽງຈັນໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...