ສຳນັກຂ່າວຊີຊີທີວີຂອງ ສປ ຈີນລາຍງານເມື່ອວັນທີ 17 ມິຖຸນາຜ່ານມາວ່າ ປະທານາທິບໍດີ ສີ ຈິ້ນ ຜິງ ຂອງ ສປ ຈີນ ຈະເດີນ ທາງໄປຍັງປະເທດ ສປ ເກົາຫຼີ ຢ່າງເປັນທາງການລະຫວ່າງວັນທີ 20-21 ມິຖຸນານີ້ຕາມຄຳເຊື້ອເຊີນຂອງ ທ່ານ ຄິມ ຈອງ ອຶນ ຜູ້ນຳສູງສຸດຂອງ ສປ ເກົາຫຼີ ທັງນີ້ ຖືເປັນການເດີນທາງໄປຍັງ ສປ ເກົາຫຼີ ເປັນຄັ້ງທຳອິດໃນຮອບກວ່າ 10 ປີຂອງຜູ້ນຳຈີນ ຫຼັງຈາກໃນປີທີ່ຜ່ານມາຈີນ ແລະ ສປ ເກົາຫຼີ ໄດ້ພະຍາຍາມປັບປຸງຄວາມສຳພັນລະຫວ່າງກັນຈາກທີ່ເສື່ອມຖອຍລົງໄປຫຼັງຈາກຈີນໄດ້ສະ ແດງວ່າຕ້ອງການສະໜັບສະໜູນການຄວ້ຳບາດ ສປ ເກົາຫຼີ ຂອງສະຫະປະຊາດຫຼາຍຄັ້ງເພື່ອຕອບໂຕ້ການເຄື່ອນໄຫວດ້ານນິວເຄລຍຂອງ ສປ ເກົາຫຼີ.
ທັງນີ້ ໃນປີຜ່ານມາ ທ່ານ ຄິມ ໄດ້ເດີນທາງໄປຢ້ຽມຢາມ ສປ ຈີນເຖິງ 4 ຄັ້ງເພື່ອພົບປະຫາລືກັບຜູ້ນຳຈີນ ກ່ອນທີ່ຈະມີການເຊື້ອເຊີນຜູ້ນຳຈີນມາຢ້ຽມຢາມ ສປ ເກົາຫຼີ ໂດຍຄັ້ງຫຼ້າສຸດທີ່ຜູ້ນຳຈີນເຄີຍເດີນທາງມາຍັງ ສປ ເກົາຫຼີ ເມື່ອປີ 2005.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: matichon.co.th