ເກີດເຫດແຜ່ນດິນໄຫວຮຸນແຮງໃນທະເລນອກແຄມຝັ່ງຂອງປະເທດນິວຊີແລນ ເຮັດໃຫ້ໜ່ວຍງານທັງພາຍໃນ ແລະ ລະດັບນາໆຊາດປະກາດເຕືອນໄພວ່າອາດເກີດຄື້ນຍັກສຶນາມິ.
ສຳນັກສຳຫຼວດທໍລະນີວິທະຍາແຫ່ງອາເມຣິກາ (USGS) ລາຍງານວ່າ ເມື່ອເວລາປະມານ 05:55 ໂມງ ຂອງວັນທີ 16 ມິຖຸນາ (ຕາມເວລາບ້ານເຮົາ) ເກີດເຫດແຜ່ນດິນ ໄຫວຮຸນແຮງ ວັດແທກລະດັບແຮງສັ່ນສະເທືອນໄດ້ໃນລະດັບ 7,2 ນອກແຄມຝັ່ງທາງຕາເວັນອອກສຽງເໜືອຂອງປະເທດນິວຊີແລນ ຊຶ່ງຈຸດສູນກາງຢູ່ໃນທະເລິກກວ່າ 34,4 ກີໂລແມັດຫ່າງຈາກເກາະເອລສເປີເຣນ ຣ໋ອກ ໄປທາງຕາເວັນອອກສຽງເໜືອປະມານ 103 ກີໂລແມັດ.
ໂດຍແຮງສັ່ນສະເທືອນແຜ່ນດິນໄຫວເຮັດໃຫ້ສຳນັກງານປ້ອງກັນພົນລະເຮືອນໃນນິວຊີແລນປະກາດເຕືອນໄພຄື້ນສຶນາມິ ຊຶ່ງຫາກເກີດຄື້ນຍັກດັ່ງກ່າວມັນຕ້ອງເວລາຢ່າງໜ້ອຍ 2 ຊົ່ວໂມງຈຶ່ງຈະເດີນທາງເຖິງນິວຊີແລນ ຂະນະທີ່ສູນເຕືອນໄພສຶນາມິແປຊິຟິກຂອງອາເມຣິກາລະບຸວ່າ ມີຄວາມສ່ຽງເກີດຄື້ນຍັກສຶນາມິ ໂດຍສະເພາະຈຸດທີ່ໃກ້ສູນກາງແຜ່ນດິນໄຫວໃນລະຍະ 300 ກີໂລແມັດ ແຕ່ຈະບໍ່ມີຜົນກະທົບກັບປະທດອື່ນ.
ທັງນີ້ ຍັງບໍ່ມີລາຍງານວ່າເກີດຄວາມເສາຍຫາຍທັງຕໍ່ຊີວິດ ແລະ ຊັບສິນຂອງປະຊາຊົນໃນນິວຊີແລນຈາກຜົນກະທົບຂອງເຫດການແຜ່ນດິນໄຫວໃນຄັ້ງນີ້.
ຮຽບຮຽງ: ສະຫະລັດ ວອນທິວົງໄຊ
ຮູບພາບ: thairath.co.th