ມາຮູ້ຈັກກັບອີກດ້ານໜຶ່ງຂອງຜັກເຊເລີຣີ (Celery) ຖືເປັນກະແສທີ່ກຳລັງໄດ້ຮັບຄວາມນິຍົມຢ່າງກວ້າງຂວາງ ໂດຍສະເພາະໃນກຸ່ມຄົນທີ່ຮັກສຸຂະພາບ ກຸ່ມຄົນທີ່ມັກອອກກຳລັງກາຍ ແລະ ກຸ່ມຄົນທີ່ກຳລັງຄວບຄຸມນ້ຳໜັກ ຊຶ່ງພວມນິຍົມດື່ມນ້ຳເຊເລີຣີ (Celery) ແບບເອົາຈິງເອົາຈັງ ທັງນີ້ ບັນດາຜູ້ຊ່ຽວຊານຕ່າງໆຈາກຫຼາຍສະຖາບັນກໍໄດ້ອອກມາເປີດເຜີຍທັງຜົນດີ ແລະ ຜົນເສຍຂອງຜັກຊະນິດນີ້.
ມື້ນີ້ພວກເຮົາຈະພາທ່ານມາຮູ້ຈັກອີກດ້ານໜຶ່ງຂອງຜັກເຊເລີຣີ ຊຶ່ງຈະສົ່ງຜົນແນວໃດຕໍ່ຮ່າງກາຍຂອງເຮົາມາຊອກຮູ້ພ້ອມໆກັນເລີຍ:
- Celery ບໍ່ໄດ້ມີຜົນຫຍັງສຳລັບການຫຼຸດນ້ຳໜັກ ພຽງແຕ່ຊ່ວຍຫຼຸດອາການບວມນ້ຳເທົ່ານັ້ນ ພຽງແຕ່ທ່ານດື່ມນ້ຳໃຫ້ພຽງພໍ ຫຼື ຮັບປະທານໂຊດຽມໃນປະລິມານພໍດີໃນແຕ່ລະວັນກໍບໍ່ຈຳເປັນຕ້ອງກິນ ຫຼື ດື່ມເຊເລີຣີ.
- Celery ມີລິດໃນການຫຼຸດຄວາມດັນ ເພາະມີສານໂພແທສຊຽມຢ່າງຫຼວງຫຼາຍ ແຕ່ຜູ້ທີ່ມີບັນຫາ ແລະ ເປັນພະຍາດຫົວໃຈແມ່ນຕ້ອງລະວັງເປັນພິເສດ ລວມເຖິງຄົນທີ່ມີຄວາມດັນຕ່ຳກໍຍິ່ງບໍ່ຄວນຮັບປະທານ.
- Celery ປະກອບມີສານໄນເຕຣຫຼາຍສົມຄວນ ຫາກຮັບປະທານຫຼາຍເກີນໄປກໍຈະກາຍເປັນໂຕກໍ່ສານມະເຮັງໄດ້ເຊັ່ນກັນ.
- Celery ຖ້າຫາກຮັບປະທານຫຼາຍເກີນໄປຈະສົ່ງຜົນໃຫ້ຜິວໜັງໄວຕໍ່ແສງແດດ ແລະ ຖ້າຫາກຮັບປະມານຫຼາຍເກີນໄປກໍຈະສົ່ງຜົນໃຫ້ໄທຣອຍເຮັດວຽກບໍ່ເປັນປົກກະຕິ ດັ່ງນັ້ນ ຈິ່ງບໍ່ຄວນຮັບປະທານຫຼາຍເກີນໄປ ແລະ ກ່ອນທີ່ຈະຮັບປະທານກໍຄວນລ້າງໃຫ້ດີດ້ວຍນ້ຳສະອາດ.
ຈາກກະແສທີ່ວ່າ ຮັບປະທານ Celery ຈະຊ່ວຍໃຫ້ຂັບຖ່າຍໄດ້ດີ ທັງນີ້ ກໍເນື່ອງຈາກວ່າປະລິມານເສັ້ນໃຍອາຫານເຂົ້າສູ່ຮ່າງກາຍຫຼາຍເກີນໄປ ຈິ່ງເຮັດໃຫ້ລຳໄສ້ລະຄາຍເຄືອງແລ້ວສົ່ງຜົນໃຫ້ຖ່າຍຫຼາຍຂຶ້ນ ແຕ່ນັ້ນກໍບໍ່ໄດ້ໝາຍຄວາມວ່າທ່ານກຳລັງ Detox ຢ່າເຂົ້າໃຈຜິດ ແຕ່ນັ້ນຄືອາການເຈັບທ້ອງ.
ສະຫຼຸບວ່າ ຄວນຮັບປະທານຜັກ Celery ແຕ່ພໍດີກໍພໍ ເພາະມັນກໍບໍ່ໄດ້ຊ່ວຍຫຍັງເປັນພິເສດດັ່ງທີ່ເປັນກະແສໃນຂະນະນີ້ ເພາະສະນັ້ນຄວນຮັບປະທານໃຫ້ຄືກັບພືດຜັກທົ່ວໄປແມ່ນດີທີ່ສຸດ.
ຮຽບຮຽງ: ສະຫະລັດ ວອນທິວົງໄຊ
ແຫຼ່ງຂໍ້ມູນ ແລະ ຮູບພາບ: facebook.com/DoctorXKM