ກະຊວງກະສິກຳຂອງການາດາໄດ້ອອກມາຖະແຫຼງເມື່ອວັນທີ 5 ມິຖຸນາວ່າ ເຈົ້າໜ້າທີ່ຂອງ ສປ ຈີນ ໄດ້ເພີ່ມມາດຕະການກວດສອບຊີ້ນໝູທີ່ນຳເຂົ້າຈາກການາດາ ຂະນະທີ່ທັງສອງປະເທດກຳລັງມີຂໍ້ຂັດແຍ່ງທາງການທູດ ຫຼັງຈາກເມື່ອຕົ້ນປີຜ່ານມາ ສປ ຈີນ ໄດ້ສັ່ງຫ້າມນຳເຂົ້ານ້ຳຄາໂນລາຊຶ່ງເປັນສິນຄ້າສົ່ງອອກທີ່ສຳຄັນຂອງການາດາ.
ທ່ານ ນາງ ມາຣີ ຄລ໊ອດ ບີໂບ ລັດຖະມົນຕີກະຊວງກະສິກຳຂອງການາດາໄດ້ຖະແຫຼງວ່າ ທາງການຈີນໄດ້ໃຫ້ເຫດຜົນສຳລັບການກວດສອບການນຳເຂົ້າຊີ້ນໝູຈາກການາດາວ່າ ຈຳເປັນຕ້ອງເຮັດແບບນີ້ເນື່ອງຈາກເປັນຫ່ວງເລື່ອງພະຍາດອະຫິວາໝູອາຟຣິກາທີ່ພວມລະບາດ ຂະນະທີ່ການາດາກໍບໍ່ເຄີຍພົບການລະບາດຂອງໄວຣັສຊະນິດນີ້ໃນປະເທດ ຊຶ່ງຂະບວນການຜະລິດຂອງຊາວກະສິກຳ (ລ້ຽງໝູ) ໃນການາດາແມ່ນຜ່ານການກວດສອບຈາກອົງກອນລະດັບໂລກ ດັ່ງນັ້ນ ຈິ່ງໝັ້ນໃຈໄດ້ວ່າໝູຈາກການາດາມີຄວາມປອດໄພໄດ້ມາດຕະຖານ ທ່ານ ນາງ ມາຣີ ກ່າວ.
ຮຽບຮຽງ: ສະຫະລັດ ວອນທິວົງໄຊ
ຮູບພາບ:Gallery tna.mcot.net