ເກີດແຜ່ນດິນໄຫວຮຸນແຮງຂະໜາດ 6.4 ຣິກເຕີ ທີ່ແຂວງຢູນນານ ສປ ຈີນ ເມື່ອຕອນຄ່ຳຂອງວັນອັງຄານ (7 ຕຸລາ)
ທີ່ຜ່ານມາ ມີຜູ້ເສຍຊີວິດແລ້ວ 5 ຄົນ ແລະ ບາດເຈັບອີກກ່ວາ 20 ຄົນ.
ສຳນັກຂ່າວຕ່າງປະເທດລາຍງານ ໃນວັນທີ 8 ຕຸລານີ້ວ່າ ເກີດເຫດແຜ່ນດິນໄຫວແທກຄວາມແຮງໄດ້ 6.4 ຣິກເຕີ້ ຈຸດ
ສູນກາງຢູ່ເລິກລົງໄປໃນໃຕ້ດິນປະມານ 10 ກິໂລແມັດ ແລະ ຫ່າງຈາກເມືອງເຫວີຍຢວນ ຂອງແຂວງຢູນນານປະມານ
18 ກິໂລແມັດ ໂດຍແຜ່ນດິນໄຫວເກີດຂຶ້ນໃນເວລາ 20:49 ໂມງ ຕາມເວລາໃນປະເທດລາວ ຂອງວັນທີ 7 ຕຸລາທີ່ຜ່ານ
ມາ.
ດ້ານເຈົ້າໜ້າທີ່ກູ້ໄພຂອງຈີນໄດ້ລາຍງານວ່າ ແຮງສັ່ນສະເທືອນໄດ້ເຮັດໃຫ້ປະຊາຊົນຫລາຍພັນຄົນແຕກຕື່ນ ແລ່ນ
ອອກມາຢູ່ຕາມຖະໜົນຫົນທາງ ແລະ ສາມາດຮັບຮູ້ແຮງສັ່ນສະເທືອນໄດ້ເຖິງນະຄອນຄຸນໝິງ ເຖິງແມ່ນວ່າຈະຢູ່
ຫ່າງຈາກສຸດສູນກາງແຜ່ນດິນໄຫວກ່ວາ 360 ກິໂລແມັດ ແລະ ມີລາຍງານຜູ້ເສຍຊີວິດແລ້ວ 5 ຄົນ ແລະ ບາດເຈັບ
ອີກກ່ວາ 20 ຄົນ ໂດຍພື້ນທີ່ເສຍຫາຍຫລາຍທີ່ສຸດ ແມ່ນຢູ່ເມືອງຢົງຜິງ ເຮືອນຊານຂອງປະຊາຊົນສ່ວນໜຶ່ງ ໄດ້ຮັບ
ຄວາມເສຍຫາຍຈຳນວນຫລາຍ.