ການອາບນ້ຳເປັນສິ່ງທີ່ເຮົາຕ້ອງເຮັດທຸກມື້ຢ່າງນ້ອຍມື້ລະ 2ເທື່ອເຊົ້າ-ແລງ ເພື່ອເປັນການຊະລ້າງສິ່ງສົກກະປົກເທິງຜິວໜັງຂອງເຮົາໃຫ້ອອກໄປ ແຕ່ໃຜຈະຮູ້ວ່າ ການອາບນ້ຳ ດ້ວຍຝັກບົວຈະນຳມາຊຶ່ງອັນຕະລາຍ ນັກວິໃຈຈາກມະຫາວິທະຍາໄລໂຄໂລລາໂດໃນສະຫະລັດອະເມລິກາ ພົບວ່າມີແບກທີເລຍ Mycobacterium Avium ອາໄສຢູ່ບໍລິເວນຫົວຝັກບົວຫລາຍກວ່າບໍລິເວນອື່ນໆ
ສາເຫດ ທີ່ພົບແບກທີເລຍຊະນິດນີ້ ເພາະໃນຫ້ອງນ້ຳເປັນບໍລິເວນທີ່ມີຄວາມຊຸ່ມ ແລະຄ່ອນຂ້າງອັບແສງ ຈຶ່ງເປັນຄືການຊ່ວຍສ້າງແບກທີເລຍຊະນິດນີ້ໃຫ້ເກີດຂຶ້ນ ໂດຍແບກທີເລຍຊະນິດນີ້ຈະສ້າງໄບໂອຟິມທີ່ເຮັດຫນ້າທີ່ຄ້າຍຕົວຢຶດເກາະ ຈັບກັບຝັກບົວເຮັດໃຫ້ທຳຄວາມສະອາດໄດ້ຍາກ ແບກທີເລຍຮ້າຍຕົວນີ້ຈະເຮັດໃຫ້ເກີດພະຍາດປອດ ໂດຍຜູ້ທີ່ຕິດເຊື້ອ ຈະມີອາການໄອແຫ້ງ ເມື່ອຍຫອບ ໄອຊຳເຮື້ອ ແລະ ຫາຍໃຈລຳບາກ
ແລະ ຈາກຜົນການສຶກສາຂອງໂຮງໝໍພົບວ່າ ປະລິມານແບກທີເລຍທີ່ພົບໃນຝັກບົວນັ້ນມີຫລາຍກວ່າປະລິມານທີ່ພົບໃນນ້ຳຈາກກ໋ອກນ້ຳບ້ານທົ່ວໆ ໄປເຖິງ 100 ເທົ່າ ແລະ ການພົ່ນຝອຍຂອງນ້ຳຈາກຝັກບົວ ເປັນສາເຫດສຳຄັນໃນການເຮັດໃຫ້ເຊື້ອກະຈາຍຕົວໄປໃນອາກາດ ແລະ ເຂົ້າສູ່ປອດໄດ້ງ່າຍ
ວິທີປ້ອງກັນງ່າຍໆ ພຽງເລືອກໃຊ້ຝັກບົວທີ່ເຮັດຈາກໂລຫະ ເພາະຈຸລິນຊີຈະເຕີບໂຕໄດ້ຍາກກວ່າເທິງພາສະຕິກ ທີ່ສຳຄັນຄືຕ້ອງໝັ່ນເຮັດຄວາມສະອາດຝັກບົວ ແລະ ສຸຂະພັນໃນຫ້ອງນ້ຳເປັນປະຈຳ ແລະ ກ່ອນຈະໃຊ້ນ້ຳຈາກຝັກບົວ ຄວນປ່ອຍນ້ຳຖິ້ມໄປກ່ອນເພື່ອລ້າງແບກທີເລຍທີ່ເກາະຢູ່