spot_img
Homeຂ່າວທ້ອງຖິ່ນສິ້ນສ່ວນຍານອະວະກາດຈີນຕົກໃສ່ຫຼາຍຈຸດຂອງເມືອງປາກຊ່ອງ! ຈີນພ້ອມຮັບຜິດຊອບຫາກແມ່ນເລື່ອງຈິງ

ສິ້ນສ່ວນຍານອະວະກາດຈີນຕົກໃສ່ຫຼາຍຈຸດຂອງເມືອງປາກຊ່ອງ! ຈີນພ້ອມຮັບຜິດຊອບຫາກແມ່ນເລື່ອງຈິງ

Published on

ສືບເນື່ອງມາຈາກຂ່າວທີ່ໄດ້ລາຍງານເມື່ອວັນທີ 23 ພຶດສະພາ 2019 ທີ່ຜ່ານມາ ຊຶ່ງໄດ້ພົບສິ້ນເສດວັດຖຸອະວະກາດຂອງຈີນຕົກລົງຢູ່ 3 ພື້ນທີ່ໃນເຂດພາກໃຕ້ຄື ແຂວງຈຳປາສັກ ທີ່ບ້ານບຶງງາມ ເມືອງໂຂງ ຖືກບໍລິເວນດິນຂອງປະຊາຊົນ ແລະ ຕົກຢູ່ບ້ານທົ່ງເສັດ ເມືອງປາກຊ່ອງ ແຂວງຈຳປາສັກ ຖືກເຮືອນຂອງປະຊາຊົນ ນອກນີ້ ຍັງຕົກຢູ່ແຂວງສາລະວັນ ທີ່ເດີນໂຮງຮຽນບ້ານໜອງຕົມ ເມືອງເລົ່າງາມ.

ໃນວັນທີ 24 ພຶດສະພາ 2019 ທ້າວ ສອນໄຊ ຈັນທະວີ ນັກຂ່າວເມືອງປາກຊ່ອງໄດ້ໃຫ້ຂໍ້ມູນກັບທີມຂ່າວຂອງລາວໂພສວ່າ ທາງຄະນະກຳມາທິການທີ່ກ່ຽວຂ້ອງຂອງເມືອງໄດ້ລົງເກັບກຳຂໍ້ມູນຢ່າງລະອຽດ ເພື່ອລາຍງານໃຫ້ຂັ້ນເທິງໄດ້ຮັບຊາບ ເພື່ອຫາວິທີແກ້ໄຂ ແລະ ໃຫ້ການຊ່ວຍເຫຼືອແກ່ປະຊາຊົນທີ່ຖືກຜົນກະທົບ ຊຶ່ງຄາດວ່າຍັງມີອີກຫຼາຍຈຸດທີ່ປະຊາຊົນໄດ້ພົບເຫັນສິ້ນສ່ວນດັ່ງກ່າວ ແຕ່ຍັງບໍ່ທັນໄດ້ລາຍງານໃຫ້ພາກສ່ວນທີ່ກ່ຽວຂ່້ອງຮັບຊາບ.

ແລະເມື່ອຕອນເຊົ້າເວລາຂອງວັນທີ 23 ພຶດສະພາ 2019 (ເວລາ 6:30 ໂມງ) ໄດ້ພົບວັດຖຸຕົກຈາກທ້ອງຟ້າ ແລະ ຄາດວ່າຈະເປັນສິ້ນສ່ວນຍານອະວະກາດຂອງຈີນທີ່ຕົກລົງໃນຫຼາຍຈຸດຂອງເມືອງປາກຊ່ອງ ແຂວງຈຳປາສັກ ໂດຍສະເພາະແມ່ນເຮືອນຂອງປະຊາຊົນ ແລະ ສວນກາເຟ ແຕ່ບໍ່ມີລາຍງານຜູ້ໄດ້ຮັບບາດເຈັບ ຫຼື ເສຍຊີວິດ ສຳລັບຈຸດທີ່ສິ້ນສ່ວນຍານອະວະກາດຕົກໃສ່ປະກອບມີ ບ້ານພູໂອຍ ເປັນສິ້ນສ່ວນໂລຫະໜັກ 0,5 ກີໂລກຣາມ ຕົກຫ່າງຈາກເຮືອນປະຊາຊົນປະມານ 9 ແມັດ (ບໍ່ໄດ້ຮັບຄວາມເສຍ ຫາຍ) ບ້ານຫ້ວຍເສັດ ຕົກໃສ່ເຮືອນປະຊາຊົນ 2 ຫຼັງ (ກະເບື້ອງຫຼັກຄາເຮືອນແຕກ 6 ແຜ່ນ) ບ້ານກະຕວດ ພົບເຫັນສິ້ນສ່ວນເຫຼັກໜັກ 20 ກີໂລກຣາມ ຍາວ 3 ແມັດ (ຕົກໃສ່ດິນສວນປະຊາຊົນ) ບ້ານພູມອນ ​ບ້ານໜອງຫີນຂາວ ແລະ ບ້ານໜອງສຳພັນ ທັງ 3 ບ້ານແມ່ນພົບເຫັນສິ້ນສ່ວນຍານອະວະກາດຕົກໃສ່ໃນເຂດດິນສວນປະຊາຊົນ ແລະ ບ້ານທົ່ງກະຕ່າຍ ມີສິ້ນສ່ວນຍານອະວະ ກາດຕົກໃສ່ຫຼັງຄາເຮືອນ 1 ຫຼັງ.

ຕໍ່ຂ່າວດັ່ງກ່າວ ປັດຈຸບັນຫ້ອງການກະຊວງໂຍທາທິການ ແລະ ຂົນສົ່ງ ກໍໄດ້ອອກແຈ້ງການເຖິງອົງການປົກຄອງແຂວງສົມທົບກັບພະແນກ ຍທຂ ແຂວງ ຫ້ອງການ ຍທຂ ເມືອງ ລົງເກັບກຳສະພາບຕົວຈິງເພື່ອສັງລວມຄວາມເສຍຫາຍເພື່ອຈະໄດ້ລາຍງານໃຫ້ຂັ້ນເທິງຮັບຊາບເພື່ອລາຍງານຕໍ່ລັດຖະບານຕາມລຳດັບ ແລະລັດຖະບານຈະໄດ້ລາຍງານຕໍ່ໃຫ້ຍັງເຈົ້າຂອງໂຄງການດັ່ງກ່າວຖ້າຫາກເປັນຄວາມຈິງແທ້ ທັງນີ້ ທາງກະຊວງ ຍທຂ ກໍຍັງບໍ່ທັນໄດ້ຮັບການຢັ້ງຢືນຢ່າງເປັນທາງການຈາກທ້ອງຖິ່ນເທື່ອ.

ຂະນະທີ່ຫ້ອງການກະຊວງ ຍທຂ ກໍໄດ້ຢືນຢັນວ່າ ຖ້າຫາກເຫດການດັ່ງກ່າວເກີດຂຶ້ນຈິງ ແລະ ມີຄວາມເສຍຫາຍແທ້ ທາງຝ່າຍຈີນຈະເປັນຜູ້ຮັບຜິດຊອບທັງໝົດ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ນັກຂ່າວເມືອງປາກຊ່ອງ ແລະ ໜັງສືພິມເສດຖະກິດ-ສັງຄົມ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...